सार्वजनिक वितरण व्यवस्था: माहे डिसेंबरचे अन्न धान्य परिमाण व नियतन

अकोला,दि.३(जिमाका)- जिल्ह्यात डिसेंबर २०१९ या महिन्यासाठीसार्वजनिक वितरण व्यवस्थेअंतर्गत वितरीत करावयाचे  अन्नधान्य  परिमाण व नियतन शासनाने निश्चित करुन दिले आहे. या संदर्भात जिल्हा पुरवठा शाखेकडून प्राप्त माहिती याप्रमाणे-

वाटप परिमाण-

लक्षनिर्धारित सार्वजनिक वितरण व्यवस्थेअंतर्गत  अन्न-धान्य, नियंत्रिक साखर इ. जिवनावश्यक  वस्तूंचे वाटप परिणाम व दर जिल्हा पुरवठा शाखेने  शासनाच्या निर्देशानुसार निश्चित केले आहेत. ते याप्रमाणे-

१) प्राधान्य गट गहू- प्रतिव्यक्ती  तीन किलो (दर प्रति किलो दोन रुपये)

२) प्राधान्य गट तांदूळ- प्रतिव्यक्ती दोन किलो(प्रति किलो तीन रुपये)

३) अंत्योदय योजना गहू- प्रति कार्ड १५ किलो ( प्रति किलो दोन रुपये)

४) अंत्योदय योजना तांदूळ- प्रति कार्ड २० किलो (प्रति किलो तीन रुपये)

५) एपीएल शेतकरी कुटूंबाकरीता गहू- प्रति व्यक्ती चार किलो (प्रति किलो दोन रुपये)

६) एपीएल शेतकरी कुटूंबाकरीता तांदूळ-  प्रति व्यक्ती एक किलो (प्रति किलो तीन रुपये)

७) अन्नपूर्णा योजना- प्रतिकार्ड पाच किलो गहू व तांदूळ प्रति कार्ड (मोफत)

८) नियंत्रित साखर अंत्योदय लाभार्थ्यांकरीता- एक किलो शिधापत्रिका( प्रति किलो २० रुपये)

९) तूरडाळ अंत्योदय व प्राधान्य गटासाठी- दोन किलो ( प्रति किलो ५५ रुपये)

१०)चनाडाळ अंत्योदय व प्राधान्य गटासाठी- दोन किलो (प्रति किलो ४५ रुपये)

(तूर व चना डाळ दोन्ही हव्या असल्यास प्रति कार्ड एक किलो तूर व एक किलो चनाडाळ मिळेल.)

अन्नधान्य नियतनः-

राष्ट्रीय अन्न सुरक्षा अधिनियम २०१३ अंतर्गत  समाविष्ट प्राधान्य गट व अंत्योदय लाभार्थ्यांसाठी सार्वजनिक वितरण व्यवस्थेअंतर्गत डिसेंबर २०१९ महिन्यासाठी  वितरीत करावयाच्या अन्नधान्याचे नियतन शासनाकडून प्राप्त झाले आहे. ते याप्रमाणे-

प्राधान्य गटातील लाभार्थ्यांना (एकूण लाभार्थी संख्या १० लक्ष ५६ हजार ७१४) – गहू ३१ हजार ७१० क्विंटल, तांदूळ २१ हजार १३० क्विंटल.

अंत्योदय लाभार्थी गट (कार्ड संख्या ४५ हजार ५६)- गहू ६७६० क्विंटल, तांदूळ ९०१० क्विंटल.

कल्याणकारी संस्था व वसतीगृहांसाठी  नियतन (ऑक्टोबर २०१९ ते मार्च २०२० कालावधी करीता)-

गहू २९९.५ क्विंटल, तांदूळ २८१.५१ क्विंटल.

या प्रमाणे नियतन शासनाने मंजूर केले असल्याचे  जिल्हा पुरवठा अधिकारी बी.यु. काळे यांनी कळविले आहे.