बाळापूर व तेल्हारा तालुक्यातील गोशाळांना आवाहन
बाळापूर व तेल्हारा तालुक्यातील गोशाळांना
आवाहन
अकोला, दि. 22 : गोवर्धन गोवंश सेवा केंद्र योजनेच्या
लाभासाठी बाळापूर व तेल्हारा तालुक्यातील पात्र गोशाळांनी दि. 5 सप्टेंबरपूर्वी अर्ज
करण्याचे आवाहन जिल्हा पशुसंवर्धन उपायुक्त डॉ. जगदीश बुकतारे यांनी केले आहे.
पशुधनासाठी चारा, पाणी व निवा-याची सोय, वैरण
उत्पादन कार्यक्रम राबविणे या योजनेचा हेतू आहे. गोशाळा नोंदणीकृत व मागील ३ वर्षाचे
लेखापरीक्षण व अनुभव आवश्यक. वैरण उत्पादनासाठी व पशुधन संगोपनासाठी स्वमालकीची किंवा
नोंदणीकृत भाडेपट्ट्याची किमान 5 एकर जागा आवश्यक. मागणी केलेल्या अनुदानाच्या किमान
10 टक्के खेळते भांडवल आवश्यक. अधिक माहितीसाठी पशुधन विकास अधिकारी (विस्तार) पंचायत
समिती यांच्याशी संपर्क साधावा.
०००
टिप्पण्या
टिप्पणी पोस्ट करा