विविध कीड आणि रोग नियंत्रणाबाबत कृषी विभागाच्या सूचना
अकोला, दि. 12 : मूग, उडीद, ज्वारी, मका आदी विविध
पीकांवरील कीड व रोग नियंत्रणासाठी कृषी विभागाने सूचना जारी केल्या आहेत.
ज्वारी
पिकावर खोड माशीच्या नियंत्रणासाठी २५% प्रवाही क्विनालफॉस @
१५ मिली प्रती १० लिटर पाण्यात मिसळून फवारणी करावी. बाजरी व खरीप ज्वारी पिकावरील मिज माशीच्या नियंत्रणासाठी डायमेथोएट
३०% ई.सी. @ १० मिली किंवा मॅलेथिऑन ५०% ई.सी. २० मिली
प्रति १० लिटर पाण्यात मिसळून फवारणी करावी.
मूग व उडीद पिकात मावा किडीचा प्रादूर्भाव दिसून येत असल्यास याच्या
व्यवस्थापनासाठी ५% निंबोळी अर्काची किंवा डायमिथोएट @
१५ मिली प्रति १० लिटर पाण्यात मिसळून फवारणी तसेच मुग व उडीद
पिकावरील भुरी रोग नियंत्रणासाठी गंधक (पाण्यात मिसळणारे) ८० डब्ल्यू.पी. @
२५ ग्रॅम प्रती १० लिटर पाण्यात किंवा कार्बेन्डॅझिम ५० %
डब्ल्यू.पी. @ १० ग्रॅम प्रती १० लिटर पाण्यात मिसळून
फवारणी करावी.
सोयाबीन
पिकावरील चक्रीभुंग्याच्या नियंत्रणासाठी क्लोरॅन्ट्रानीलीप्रोल १८.५ % @
३ मिली आणि खोडमाशीच्या
नियंत्रणासाठी इंडोक्सीकार्ब १५.८ टक्के एस.सी. @ ७
मि.ली. क्लोरॅन्ट्रानीलीप्रोल १८.५ एससी @ ३ मि.ली. प्रति
१० लिटर पाण्यात मिसळून फवारणी करावी.
मका
पिकावरील लष्करी अळीच्या नियंत्रणासाठी निमअर्क १५०० पीपीएम किंवा निंबोळी अर्क ५%
@ ५ मिली किंवा थायोमिथोक्झाम १२.६ % +
लॅम्ब्डा सायहॅलोथ्रीन ९.५ % झेडसी @ २.५ मीली प्रती लीटर
पाण्यात किंवा क्लोरॅन्ट्रानीलीप्रोल १८.५ एससी, ३ मीली
प्रती १० लीटर पाण्यात मिसळून फवारणी करावी.
कापूस
पिकात रसशोषण करणाऱ्या किडींच्या व्यवस्थापनासाठी 5% निंबोळी अर्काची किंवा अॅसिटामेप्रिड 20% 2 ग्रॅम
प्रति 10 लिटर किंवा फ्लोनिकॅमिड ५०% ६० ग्रॅम प्रति एकर
पाण्यात मिसळून फवारणी तसेच कापूस पिकात आकस्मिक मर रोग आढळून आल्यास झाडाच्या
मुळाशी, कॉपर ऑक्सिक्लोराईड (५० डब्लूपी) @ २.५ ग्रॅम किंवा कार्बेन्डाझिम (५० डब्लूपी) @ २ ग्रॅम अधिक युरिया @ १० ग्रॅम प्रति लिटर
पाणी या प्रमाणात आळवणी करावी.
भुईमूग पिकावर
टिक्का आणि तांबेरा या रोगांच्या नियंत्रणासाठी फ्ल्यूबेनडामाईड ३.५% +
हेक्झाकोनॅझोल ५% डब्ल्यू. जी. @ २५
ग्रॅम प्रती १० लिटर पाण्यात मिसळून फवारणी, तसेच
तूर
पिकावरील मर रोगाच्या नियंत्रणासाठी कॉपर ऑक्सीक्लोराईड @
२५ ग्रॅम + युरीया @ २०० ग्रॅम + पांढरा
पोटॅश @ १०० ग्रॅम प्रति १० लिटर पाणी याप्रमाणात घेऊन हे
द्रावण झाडाच्या मूळाजवळ प्रति झाड १०० मिली पावसाची उघडीप पाहून द्यावे.
भात
पिकावरील करपा रोगाच्या नियंत्रणासाठी ट्रायसायक्लॅझोल (७५% पाण्यात मिसळणारी
भुकटी) @ १० ग्रॅम प्रती १०
लिटर पाण्यात मिसळून फवारणी, तसेच नाचणी पिकात करपा रोगाच्या नियंत्रणासाठी कॉपर ऑक्सीक्लोराईड @ २.५ ग्रॅम किंवा झायनेब @ ४ ग्रॅम प्रती १
लिटर पाण्यात मिसळून फवारणी करावी.
०००
टिप्पण्या
टिप्पणी पोस्ट करा