देशभक्तीपर गीतांनी निनादला जिल्हाधिकारी कार्यालयाचा परिसर 'हर घर तिरंगा' अभियानांतर्गत स्वाक्षरी मोहीम
अकोला दि १४ : स्वातंत्र्य दिनाच्या पूर्व संध्येला जिल्हाधिकारी कार्यालयाचा परिसर देशभक्तीपर गीतांनी निनादून गेला. विविध शाळांच्या चिमुकल्यांनी अनेक गाणी सादर करून वातावरणात चैतन्य आणले.
यावेळी जिल्हाधिकारी अजित कुंभार, जि.प. मुख्य कार्यकारी अधिकारी वैष्णवी बी, निवासी उपजिल्हाधिकारी विजय पाटील, उपजिल्हाधिकारी अनिल माचेवाड, उपजिल्हाधिकारी महेश परांडेकर यांच्यासह विविध विभागाचे प्रमुख शहरातील शाळांचे शिक्षक व विद्यार्थी उपस्थित होते.
कार्यक्रमाचे संचालन प्रभात किड्स स्कूलचे सांस्कृतिक विभाग प्रमुख नंदकिशोर डंबाळे यांनी केले. देशभक्तीपर गीत सादरीकरण कार्यक्रमांमध्ये स्कूल ऑफ स्कॉलर बिर्ला कॉलनी, प्रभात किड्स स्कूल, आरडीजी पब्लिक स्कूल, श्री समर्थ पब्लिक स्कूल रिधोरा, पोद्दार इंग्लिश स्कूल,खंडेलवाल इंग्लिश स्कूल, खंडेलवाल मराठी शाळा, स्कूल ऑफ स्कॉलर कौलखेड, नोवेल स्कूल अकोला येथील विद्यार्थ्यांनी सहभाग घेतला होता.
हर घर तिरंगा अभियानांतर्गत जिल्हाधिकारी कार्यालय परिसरामध्ये विजयी विश्व तिरंगा प्यारा झेंडा उंचा रहे हमारा हा संदेश देत स्वाक्षरी मोहीम राबवण्यात आली. यावेळी जिल्हाधिकारी अजित कुंभार,जि.प.मुख्य कार्यकारी अधिकारी वैष्णवी बी यांनी स्वाक्षरी फलकावर जय हिंद हा संदेश लिहीत स्वाक्षरी केली.
00000
टिप्पण्या
टिप्पणी पोस्ट करा