कोविडः आरटीपीसीआरमध्ये दोन पॉझिटीव्ह,एक डिस्चार्ज; रॅपिड ‘निरंक’

 अकोला दि.9(जिमाका)-आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे (आरटीपीसीआर) 339 अहवाल प्राप्त झाले. त्यात  दोघांचा अहवाल पॉ‍झिटीव्ह आला, तर एकाला डिस्चार्ज देण्यात आला, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.

त्याच प्रमाणे काल (दि.8) रॅपिड ॲटीजेन टेस्ट मध्ये कुणाचाही अहवाल पॉझिटीव्ह आला नाही. त्यामुळे आता एकूण पॉझिटीव्ह अहवालांची एकूण संख्या 57906(43295+14434+177) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आजचे एकूण पॉझिटीव्ह- आरटीपीसीआर दोन + रॅपिड ॲन्टीजेन चाचणी शुन्य = एकूण पॉझिटीव्ह दोन.

शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 337395 नमुने तपासण्यात आले. त्यात प्राथमिक तपासणीचे 333741 फेरतपासणीचे 402 तर वैद्यकीय कर्मचाऱ्यांचे 3252 नमुने होते. आजपर्यंत एकूण 337395 अहवाल प्राप्त झाले आहेत. एकूण निगेटीव्ह अहवालांची संख्या 294100 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.  

दोन पॉझिटीव्ह

आज  दिवसभरात आरटीपीसीआर चाचण्यात दोन पुरुष रुग्णांचा अहवाल  पॉझिटीव्ह आला असून ते अकोला ग्रामीण भागातील रहिवासी आहे, अशी माहिती शासकीय वैद्यकीय महाविद्यालयाकडून प्राप्त झाली.

एकाला डिस्चार्ज

दरम्यान आज दुपारनंतर होम आयसोलेशन येथून एकाला डिस्चार्ज देण्यात आला, अशी माहिती जिल्हा शल्य चिकित्सक कार्यालयातून देण्यात आली आहे.

10 जणांवर उपचार सुरु

जिल्ह्यात एकूण पॉझिटीव्ह अहवालांची एकूण संख्या 57906(43295+14434+177) आहे. त्यात 1140  मृत झाले आहेत. तर 56756 जणांना डिस्चार्ज देण्यात आला असून सद्यस्थितीत 10 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे. 

रॅपिड ॲन्टीजेन चाचण्याः 232 चाचण्यात शुन्य पॉझिटीव्ह

 कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात काल (दि.8) दिवसभरात झालेल्या 232 चाचण्या झाल्या त्यात कुणाचाही अहवाल पॉझिटीव्ह आला नाही, अशी माहिती जिल्हा रुग्णालयातून देण्यात आली. 

       काल दिवसभरात अकोला येथे तीन, अकोट येथे 10, मुर्तिजापूर येथे चार, अकोला महानगरपालिका येथे 154, जिल्हा आरोग्य कर्मचाऱ्यांची 22, शासकीय वैद्यकीय महाविद्यालयात 37 तर हेगडेवार लॅब येथे दोन चाचण्या झाल्या त्यात कुणाचाही अहवाल पॉझिटीव्ह आला नाही, असे एकूण 232 चाचण्यात कुणाचाही अहवाल पॉझिटीव्ह आला नाही,  असे जिल्हा रुग्णालयाने कळविले आहे.

०००००