शासकीय व खाजगी आस्थापनांवरील कर्मचाऱ्यांची त्रैमासिक सांख्यिकी माहिती 31 जुलैपर्यंत सादर करा
अकोला, दि.10(जिमाका)- जिल्ह्यातील शासकीय, निमशासकीय व खाजगी क्षेत्रातील कायद्यांतर्गत असणाऱ्या आस्थापनांनी त्याच्या आस्थापनेवर
कार्यरत असणाऱ्या सर्व कर्मचाऱ्यांची जून अखेरचे त्रैमासिक
विवरण नमुना ईआर-1 ची सांख्यिकी माहिती सोमवार दि. 31 जुलैपर्यंत
ऑनलाईन पद्धतीने सादर करा, असे आवाहन जिल्हा कौशल्य विकास
रोजगार व उद्योजकता मार्गदर्शन केंद्राचे सहायक आयुक्त ठाकरे
यांनी केले.
सार्वजनिक तसेच खाजगी क्षेत्रातील सर्व आस्थापनांना
सेवायोजन कार्यालये (रिक्तपदे सक्तीने अधिसुचित करणे) कायदा 1959 व नियम 1960 च्या कलम5(1) नुसार प्रत्येक
तिमाहीस विहीत नमुना ईआर-1 मध्ये नियमीतपणे
कौशल्य विकास रोजगार व उद्योजकता विभागाच्या www.mahaswayam.gov.in या संकेतस्थळावरुन ऑनलाईन पध्दतीने सादर करणे
बंधनकारक आहे. त्या अनुषंगाने जून 2023 अखेर संपणाऱ्या तिमाही नमुना
ईआर-1 (ER-1) मधील त्रैमासिक सांख्यिकिय माहीती नोदणीकृत
सर्व आस्थापनांनी यापुर्वी दिलेल्या युझर नेम व पासवर्डचा वापर करुन www.rojgar.mahaswayam.gov.in या संकेतस्थळावर त्रैमासिक विवरण पत्र विहीत मुदतीत ऑनलाईन
पध्दतीने सादर करावे. तसेच प्रत्येक आस्थापनेने
आपला नोंदणी तपशील, आवश्यक सर्व माहीती नोंदवून अद्यावत करावा. त्रैमासिक ईआर-1 किंवा आपला
नोंदणी तपशील अद्यावत करतांना कोणत्याही प्रकारची अडचण आल्यास akolarojgar@gmail.com
या ई-मेल आयडी किंवा जिल्हा कौशल्य विकास रोजगार व उद्योजकता कार्यालयाच्या दुरध्वनी क्रमांक 0724-2433849 अथवा 9665775778 या भ्रमणध्वनी क्रमांकावर संपर्क साधावा.
000000
टिप्पण्या
टिप्पणी पोस्ट करा