बाल संरक्षण क्षेत्रातील स्वयंसेवी संस्थेतील प्रतिनिधीकडून अर्ज आमंत्रित
अकोला, दि.17(जिमाका)- जिल्ह्यात प्रतिपालकत्व, प्रायोजकत्व व अनुरक्षण या संस्थेत्तर सेवाच्या अंमलबजावणीसाठी
प्रतिपालकत्व
व प्रायोजकत्व समिती स्थापन करण्यात येत असून महिला व बाल क्षेत्रात काम करणाऱ्या जिल्ह्यातील
स्वयंसेवी संस्थेच्या प्रतिनिधीनी शुक्रवार दि. 28 जुलैपर्यंत अर्ज करावा, असे आवाहन
जिल्हाधिकारी निमा अरोरा यांनी केले आहे.
बाल न्याय (मुलांची काळजी व संरक्षण) अधिनियम 2015 व बाल न्याय मुलांची
काळजी संरक्षण नियम 2018 नुसार प्रतिपालकत्व व प्रायोजकत्व योजनेनुसार समिती स्थापन
करावयाची आहे. याकरीता जिल्हा महिला व बालविकास अधिकारी मार्फत जिल्ह्यातील स्वयंसेवी
संस्थेतील एका प्रतिनीधीची निवड केली जाईल. महिला व बाल विकास क्षेत्रात काम
करणाऱ्या व समाजकार्याची आवड असणाऱ्या स्वयंसेवी संस्थेच्या प्रतिनिधीची प्रतिपालकत्व
व प्रायोजकत्व समितीवर विना मानधन तत्वावर एकाची निवड केली जाईल. इच्छुक व्यक्तीनी
आपला अर्ज जिल्हा महिला व बाल विकास अधिकारी कार्यालय, पहिला माळा, प्रशासकिय
इमारत, जिल्हाधिकारी कार्यालय अकोला येथे सादर करावे, असे आवाहन जिल्हा महिला व
बाल विकास अधिकारी श्रीमती मिना प्रधान यांनी केले आहे.
00000
टिप्पण्या
टिप्पणी पोस्ट करा