संत रोहिदास चर्मोद्योग व चर्मकार विकास महामंडळ; शासनाच्या कर्ज योजनाचा लाभ घेण्याचे आवाहन
अकोला, दि.13(जिमाका)- सामाजिक न्याय व विशेष सहाय्य
विभागातंर्गत कार्यरत असलेल्या संत रोहिदास चर्मोद्योग व चर्मकार विकास
महामंडळामार्फत चर्मकार समाजासाठी (चांभार, ढोर, होलार, मोची इ.) विविध योजना
राबविले जातात. चर्मकार समाजाचे शैक्षणिक, आर्थिक व सामाजिक विकासासाठी विविध कर्ज
योजना राबविण्यात जातात. तसेच केंद्र व राज्य शासनामार्फत एनएसएफडीसी योजना
राबविली जातात. या शासकीय योजनाचा चर्मकार समाजानी लाभ घ्यावा, असे आवाहन संत
रोहिदास चर्मोद्योग व चर्मकार विकास महामंडळचे व्यवस्थापकीय संचालक धम्मज्योती गजभिये
यांनी केले आहे.
एनएसएफडीसी नवी दिल्ली
यांच्या मुदती कर्ज योजनेअंतर्गत स्मॉल बिझनेस 1 लाख, 1 लाख 50 हजार व 2 लाख
रुपये, चर्मोद्योग 2 लाख, लघुऋण वित्त योजना व महिला समृद्धी योजना प्रत्येकी 50
हजार रुपये योजनांसाठी मागील प्रलंबित नस्तींकरिता 22.21 कोटी इतका निधी प्राप्त झाला आहे. तसेच सन 2023-24 या आर्थिक वर्षात एनएसएफडीसीच्या
मुदती कर्ज योजनेअंतर्गत स्मॉल बिझनेस 5 लाख रुपये, लघुऋण वित्त योजना व महिा समृद्धी योजना प्रत्येकी 1 लाख 40 हजार रुपये तसेच नवीन
महिला अधिकारीता योजना 5 लाख मंजूर झालेले आहेत.
एनएसएफडीसी शैक्षणिक कर्ज योजनेमध्ये वाढ झाली असून भारतामध्ये 20 लाख
रुपये व विदेशामध्ये 30 लाखपर्यंत कर्ज मंजूर केल्या जातात. अधिक माहितीसाठी नजीकच्या
महामंडाळाच्या जिल्हा कार्यालयास भेट द्यावी, असे कळविण्यात आले आहे.
00000
टिप्पण्या
टिप्पणी पोस्ट करा