मागासवर्ग आयोगाचा दि. 8 ऑगस्टला जनसुनावणी कार्यक्रम
मागासवर्ग आयोगाचा दि. 8 ऑगस्टला जनसुनावणी कार्यक्रम
अकोला, दि. 31 : राज्य मागासवर्ग आयोगाचे सदस्य अकोला येथे दि. 8 ऑगस्ट रोजी भेट देणार असून, त्यांच्या उपस्थितीत जनसुनावणी, क्षेत्रपाहणी व विविध बाबींचा बैठकांद्वारे आढावा घेतला जाईल.
आयोगाचे सदस्य सेवानिवृत्त न्यायाधीश चंद्रलाल मेश्राम, डॉ. गजानन खराटे, डॉ. निलिमा सरप (लखाडे), डॉ. गोविंद हरिबा काळे, लक्ष्मण हाके, ज्योतिराम चव्हाण आदी दौ-यात उपस्थित असतील.
त्यांचा कार्यक्रम पुढीलप्रमाणे: दि. 8 ऑगस्ट रोजी जिल्हाधिकारी कार्यालयात सकाळी 10.30 ते 12.30 वा. मुख्य कार्यकारी अधिकारी, जि. प., शिक्षणाधिकारी (माध्यमिक व प्राथमिक) यांच्यासोबत प्राथमिक व माध्यमिक शिक्षक संवर्गाच्या इतर मागासवर्ग बिंदुनामावली व जिल्हा बदलीबाबत बैठक व चर्चा, तसेच जिल्हा जात प्रमाणपत्र पडताळणी समिती, सहाय्यक आयुक्त, समाज कल्याण यांची आढावा बैठक.
दुपारी 12.30 ते 1.30 वाजता तेलंगी समाज जनसुनावणी, सकल धनगर समाज जनसुनावणी, दु. 2 वाजता मलकापूरकडे (अकोला) रवाना, दु. 2.30 ते 5 वाजता मलकापूर हडगर समाज क्षेत्र पाहणी, सायं. 5 वा. अमरावतीकडे रवाना.
०००
टिप्पण्या
टिप्पणी पोस्ट करा