वाहनांच्या नूतनीकरण विलंब शुल्काला स्थगिती
वाहनांच्या नूतनीकरण विलंब शुल्काला स्थगिती
अकोला, दि. 16 : परिवहन वाहनांच्या
योग्यता प्रमाणपत्र, नूतनीकरणासाठी येणार्‍या 15 वर्षांच्या आतील सर्व परिवहन
वाहनांच्या योग्यता प्रमाणपत्र नूतनीकरणास विलंब झाल्यानंतर प्रतिदिवस 50 रुपये
विलंब शुल्क आकारण्याच्या कार्यवाहीस पुढील आदेशापर्यंत स्थगिती देण्यात आली आहे.
सर्व वाहनधारकांनी याची नोंद घेत आपापली वाहने योग्यता प्रमाणपत्र नूतनीकरणासाठी
प्रादेशिक, उपप्रादेशिक परिवहन कार्यालयात सादर करावीत, असे आवाहन अकोला परिवहन
कार्यालयाने केले आहे.
वाहनांचे योग्यता प्रमाणपत्र
नूतनीकरणाचे विलंब शुल्क प्रतिदिन रुपये 50 आकारण्याची कार्यवाही सुरु करण्यात आली
होती. विलंब शुल्क माफ करणे, विलंब शुल्काच्या आकारणीमधून सूट देण्याबाबत
ऑटोरिक्षा-टॅक्सी चालक संघटना तसेच विविध परिवहन संवर्गातील वाहन धारकांच्या
संघटना यांच्याकडून शासनाकडे निवेदने प्राप्त झाली होती. त्यानुसार शासनाने 15
वर्षांच्या आतील सर्व परिवहन वाहनांचे योग्यता प्रमाणपत्र नुतनीकरणास विलंब
झाल्यानंतर प्रतिदिन रुपये 50/- एवढे विलंब शुल्क आकारण्याच्या कार्यवाहीस पुढील
आदेश होईपर्यंत स्थगिती देण्याची घोषणा केली आहे.
त्यास अनुसरुन शासनाने दि. 11 जुलै
2024 रोजीच्या निर्देशाद्वारे योग्यता प्रमाणपत्र नूतनीकरणासाठी येणार्‍या 15
वर्षाच्या आतील सर्व परिवहन वाहनांचे योग्यता प्रमाणपत्र नूतनीकरणास विलंब
झाल्यानंतर प्रतिदिन रुपये 50/- इतके विलंब शुल्क आकारण्याच्या कार्यवाहीस पुढील
आदेशापर्यंत स्थगिती देण्यात आली आहे. सर्व वाहन धारकांनी याची नोंद घ्यावी व आपली
वाहने योग्यता प्रमाणपत्र नूतणीकरणासाठी प्रादेशिक-उपप्रादेशिक परिवहन
कार्यालयामध्ये सादर करावीत, असे आवाहन करण्यात आले आहे.
टिप्पण्या
टिप्पणी पोस्ट करा