जिल्हा माहिती कार्यालय अकोला

  ज्येष्ठांनी   ‘मुख्यमंत्री   वयोश्री   योजने’चा लाभ घ्यावा -          समाजकल्याण सहायक आयुक्त मंगला मून   अकोला ,  दि. 31 : आर्थिकदृष्ट्या दुर्बल घटकांतील   ज्येष्ठ नागरिकांना शासनाकडून ‘मुख्यमंत्री   वयोश्री   योजने’द् वारे सहाय साधने किंवा उपकरणे खरेदी करण्यासाठी, तसेच प्रबोधन- प्रशिक्षणासाठी एकवेळ एकरकमी तीन हजार रु. खात्यात प्राप्त होतात. या   योजनेसाठी पात्र व्यक्तींनी अर्ज करण्याचे आवाहन सहायक समाजकल्याण आयुक्त मंगला मून यांनी केले आहे.   राज्यातील     ६५ वर्ष व त्यावरील वयाच्या ज्येष्ठ नागरिकांना त्यांच्या दैनंदिन जीवनातील सामान्य स्थितीत जगण्यासाठी आणि त्यांना वयोमानानुसार येणा-या अपंगत्व ,   अशक्तपणा यावर उपाययोजना करण्यासाठी आवश्यक सहाय्य साधने किंवा उपकरणे खरेदी करण्यासाठी तसेच मनःस्वास्थ केंद्र ,   योगोपचार केंद्र याद्वारे मानसिक स्वास्थ अबाधित ठेवण्यासाठी ही योजना राबविण्यात येत आहे.   योजनेच्या माध्यमातून ज्येष्ठ नागरिकांसाठी त्यांच्या शारीरिक अक्षमतेनुसार आवश्यक साधने, उपकरणे पात्र लाभार्थ्यांच्या वैयक्तिक आधार संलग्न बचत खात्यात थेट लाभ वितरित करण्यात येतात.   त्यातून

    गुणवत्तापूर्ण शिक्षणासाठी विद्यार्थी गुणवत्ता विकास महाअभियान गुरूवारपासून प्रारंभ अकोला, दि. 31 : विद्यार्थ्यांना गुणवत्तापूर्ण शिक्षण मिळण्यासाठी विविध उपक्रमांच्या अंमलबजावणीत आवश्यक सुधारणांसाठी दि. 1 ते 31 ऑगस्टदरम्यान शिक्षण खात्याकडून विद्यार्थी गुणवत्ता विकास महाअभियान राबविण्यात येणार आहे, अशी माहिती शिक्षणाधिकारी सुचेता पाटकर यांनी आज दिली. त्यात सर्व योजनांची प्रभावी अंमलबजावणी, त्यातील अडथळ्यांचा विचार करुन, आवश्यकतेनुसार बदल करण्यास्तव क्षेत्रीय अधिका-यांमार्फत शाळांचे निरीक्षण व अहवाल सादर करण्यात येणार आहेत. त्यात पहिल्या २० दिवसात प्रत्यक्ष शाळाभेटी, त्यानंतरच्या ६ दिवसात आवश्यकतेनुसार सुधारणा, उपाययोजना, त्यानंतर ४ दिवसामध्ये अनुपालनाची खात्री करणे अशी कामे केली जातील.   आठवड्यातील प्रत्येक सोमवार व शुक्रवार हे दोन दिवस कार्यालयीन कामकाज सांभाळून उर्वरित दिवशी शिक्षण उपसंचालक, शिक्षणाधिकारी, गटशिक्षणाधिकारी व तत्सम पदावरील अधिकारी यांच्याकडून शाळाभेटी केल्या जाणार आहेत. या तपासणीतून विद्यार्थ्यांपर्यंत विविध योजना योग्य प्रकारे पोहचत आहे काय याचा धांडोळ

  अण्णासाहेब पाटील महामंडळाच्या माध्यमातून एक लक्ष मराठा तरूण झाले उद्योजक अकोला, दि. 31 : अण्णासाहेब पाटील आर्थिक मागास विकास महामंडळाच्या योजनांच्या माध्यमातून राज्यात 1 लक्ष मराठा उद्योजकांची संख्या पूर्ण झाली. या पार्श्वभूमीवर महामंडळाचे अध्यक्ष नरेंद्र अण्णासाहेब पाटील (मंत्री दर्जा) यांनी मुंबई येथील सह्याद्री अतिथीगृहात आयोजित कार्यक्रमात मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार आणि उच्च व तंत्र शिक्षण मंत्री चंद्रकांत पाटील यांचा गौरव केला.         अण्णासाहेब पाटील आर्थिक मागास विकास महामंडळाच्या योजनांतर्गत आजपर्यत 1 लक्ष 14 लाभार्थी झाले असून, 8 हजार 320 कोटी रुपये बँकांनी व्यावसायिक कर्ज वितरित केले आहे व त्यापैकी महामंडळाने 832 कोटी रुपये व्याज परतावा केला आहे.         मराठा समाजाची आर्थिक प्रगती व्हावी यासाठी तत्कालीन मुख्यमंत्री देवेंद्र फडणवीस यांनी अण्णासाहेब पाटील आर्थिक मागास विकास महामंडळ पुनर्रचित केले व जुन्या योजना बंद करुन नवीन सुधारित योजनांची अंमलबजावणी करण्याचे आदेश दिले व महामंडळाच्या अध्यक्षपदी नरेंद्र पाटील यांची नियुक

  जिल्ह्यात आजपासून महसूल पंधरवडा जिल्हाधिकारी अजित कुंभार              अकोला, दि. 31 :   महसूल विभागाकडून दरवर्षी महसूल दिन आणि महसूल सप्ताहाचे आयोजन केले जाते. यात या वर्षी महसूल मंत्री राधाकृष्ण विखे पाटील यांनी बदल करून महसूल पंधरवडा साजरा करण्याचा निर्णय घेतला आहे. त्यानुसार अकोला जिल्ह्यात  1   ते   15   ऑगस्ट पर्यंत महसूल पंधरवडा साजरा केला जाणार आहे, अशी माहिती जिल्हाधिकारी अजित कुंभार यांनी दिली.              या   15   दिवसांत महसूल विभागाच्या वतीने विविध उपक्रम राबवून महसूल विभागाच्या विविध योजना आणि सेवा सुविधांची माहिती जास्तीत जास्त नागरिकांपर्यंत पोहोचावी आणि लोकांमध्ये महसूल विभागाबद्दल अधिक विश्वास निर्माण व्हावा यासाठी या उपक्रमाचे आयोजन करण्यात आले आहे.              महसूल विभागाकडून देण्यात येणाऱ्या सेवा सुविधांची नागरिकांना अधिक माहिती मिळावी आणि त्यांची कामे जलद आणि सुलभ व्हावीत यासाठी महसूल पंधरवड्यात   1   ते   15   ऑगस्ट     या कालावधीत     विविध उपक्रम राबविले जाणार असून नागरिकांना त्याचा मोठा लाभ होणार आहे.   1   ऑगस्ट रोजी महसूल दिन साजरा करून महसूल सप्ताहाचा

  बॅटरीवर चालणारा फवारणी पंप 100 टक्के अनुदानावर अकोला, दि. 31 : बॅटरी संचालित फवारणी पंप 100 टक्के अनुदानावर देण्यात येत असून, जिल्ह्यातून अधिकाधिक शेतक-यांनी अर्ज करावेत, असे आवाहन जिल्हा अधिक्षक कृषी अधिकारी शंकर किरवे यांनी केले आहे. एकात्मिक कापूस, सोयाबीन व इतर तेलबिया उत्पादकता वाढ व मूल्यसाखळी विकास योजनेत बॅटरीवर चालणारा फवारणी पंप वैयक्तिक तत्वावर शेतक-यांमध्ये वितरित करण्यात येणार आहे. शेतकरी बांधवांनी महाडीबीटी पोर्टलवर अर्ज करावेत. अधिक माहितीसाठी कृषी सहायक, कृषी पर्यवेक्षक, मंडळ कृषी अधिकारी किंवा तालुका कृषी अधिका-यांशी संपर्क साधावा. ०००

दिव्यांग नोंदणी शिबिराच्या माध्यमातून मतदार जनजागृती अकोला, दि. 30 : अकोला पूर्व विधानसभा मतदारसंघाच्या निवडणूक निर्णय अधिकारी कार्यालयातर्फे मतदार जनजागृतीसाठी अनेक उपक्रम राबविण्यात येत आहेत. त्याअंतर्गत नुकतेच जि. प. कर्मचारीभवनात आयोजित दिव्यांग शिबिरातही मतदार जागृतीचा कार्यक्रम घेण्यात आला. यावेळी दिव्यांग बांधवांनी मतदार प्रतिज्ञा घेऊन परिसरातील नागरिकांमध्ये मतदानाबाबत जागृती करण्याचा संकल्प केला. निवडणूक निर्णय अधिकारी डॉ. शरद जावळे यांच्या मार्गदर्शनात विस्तार अधिकारी मनोज बोपटे, सुनील बोंगीरवार, मोहिन अली, सचिन चव्हाण, शैलेश बगाटे यांनी आयोजनात योगदान दिले. ०००     

जिल्ह्यात साजरा होणार महसूल पंधरवडा प्रत्येक उपक्रम नियोजनपूर्वक यशस्वी करा -           जिल्हाधिकारी अजित कुंभार यांचे आदेश अकोला, दि. 30 : महसूल विभागामार्फत अकोला जिल्ह्यात दि. 1 ऑगस्टपासून 15 ऑगस्टपर्यंत ‘महसूल पंधरवडा’ साजरा करण्यात येणार आहे. महसूल पंधरवड्यानिमित्त प्रत्येक उपक्रम सर्व तालुक्यांत नियोजनपूर्वक व समन्वयाने यशस्वी करावे, असे निर्देश जिल्हाधिकारी अजित कुंभार यांनी आज येथे दिले. पंधरवड्याच्या पूर्वतयारीसाठी नियोजनभवनात आयोजित बैठकीत ते बोलत होते. जि. प. मुख्य कार्यकारी अधिकारी बी. वैष्णवी, अपर जिल्हाधिकारी रामदास सिद्धभट्टी, महसूल उपजिल्हाधिकारी अनिता भालेराव व विविध अधिकारी उपस्थित होते.  पंधरवड्याचा शुभारंभ महसूलदिनी अर्थात दि. 1 ऑगस्ट रोजी होईल. यादिवशी मुख्यमंत्री माझी लाडकी बहिण योजनेबाबत विशेष उपक्रम घेतला जाईल. दि. 2 ऑगस्ट रोजी ‘मुख्यमंत्री युवा कार्य प्रशिक्षण योजना’, दि. 3 ऑगस्ट रोजी ‘मुख्यमंत्री तीर्थदर्शन योजना’ या योजनांबाबत कार्यक्रम होतील. दि. 4 ऑगस्ट रोजी ‘स्वच्छ व सुंदर माझे कार्यालय’ हा उपक्रम राबविण्यात येईल.   दि. 5 ऑगस्ट रोजी ‘सैनिक हो तुम

  ‘स्वीप’अंतर्गत मतदार जागृती कार्यक्रमांना वेग अकोला, दि.   29   : अकोला पश्चिम विधानसभा मतदारसंघात ‘स्वीप’अंतर्गत मतदार जागृती कार्यक्रमांना वेग देण्यात आला आहे. मतदार नोंदणी कार्यालयातर्फे नुकतेच श्री शिवाजी महाविद्यालय, तसेच मुलींचे आयटीआय येथे मतदानाबाबत जनजागृती करण्यात आली. जिल्हाधिकारी अजित कुंभार, मुख्य कार्यकारी अधिकारी बी. वैष्णवी,   उपजिल्हाधिकारी तथा निवडणूक निर्णय अधिकारी अनिता भालेराव यांच्या मार्गदर्शनात ठिकठिकाणी कार्यक्रम होत आहेत. मुलींच्या औद्योगिक प्रशिक्षण संस्थेत झालेल्या कार्यक्रमाच्या अध्यक्षस्थानी प्राचार्य ठोकरे होते. तहसीलदार पी. झेड. भोसले, नझूल तहसीलदार दिनेश सोनोने, श्याम राऊत, गोपाळ सुरे, सुरेश पोते, विकास राठोड, रेखा रोडगे, श्रीमती गोपनारायण उपस्थित होते. श्री शिवाजी महाविद्यालयात   प्राचार्य अंबादास कुलट यांच्या मार्गदर्शनात व डॉ. अस्मिता बढे यांच्या अध्यक्षतेखाली कार्यक्रम झाला. यावेळी निवडणूक निर्णय अधिकारी श्रीमती भालेराव यांनी विद्यार्थ्यांना मार्गदर्शन केले. दोन्ही कार्यक्रमात नवमतदार प्रतिज्ञा घेण्यात आली. बालाजी रणेर यांनी सूत्रसंचालन के

  ‘जिल्हा होमगार्ड’ मध्ये 151 जागांची भरती अकोला, द‍ि.29 :   जिल्हा होमगार्डमधील रिक्त 151 जागा भरण्यासाठी होमगार्ड सदस्य नोंदणीचे आयोजन करण्यात आले आहे. इच्छूकांनी 16 ऑगस्टपूर्वी ऑनलाईन अर्ज करण्याचे आवाहन जिल्हा समादेशक तथा अपर पोलीस अधिक्षक अभय डोंगरे यांनी केले आहे. होमगार्ड नोंदणीचे माहितीपत्रक, नियम आदी विस्तृत माहिती maharashtracdhg.gov.in     या संकेतस्थळावर उपलब्ध आहे. होमगार्डमध्ये निष्काम सेवा करू इच्छिणा-या अकोला जिल्ह्यातील रहिवासी उमेदवारांनी नोंदणीसाठी अर्ज करावा. कागदपत्र तपासणी व शारिरीक व मैदानी चाचणीची   माहिती संकेतस्थळावर दि. 16 ऑगस्टपर्यंत प्रकाशित होईल.    ०००

  अकोला पूर्व मतदारसंघातील मतदान केंद्राचे सुसुत्रीकरण अकोला, दि. 29 : अकोला पूर्व विधानसभा मतदारसंघातील 6 मतदान केंद्रातील मतदारांची संख्या वाढल्याने त्यांना लगतच्या मतदान केंद्रावर स्थलांतरित करण्यात आले आहे. त्याचप्रमाणे, 11 मतदान केंद्राच्या इमारती जीर्ण झाल्याने ही मतदान केंद्रे सुस्थितीतील इमारतीत स्थलांतरित करण्यात आली आहे, अशी माहिती मतदार नोंदणी अधिकारी डॉ. शरद जावळे यांनी दिली. उमरी येथील विठ्ठलनगर येथील जि. प. प्राथमिक मराठी शाळा क्र. 2 येथील मतदान क्र. 139 मधील 125 मतदार तिथल्याच मतदान केंद्र 140 मध्ये समाविष्ट करण्यात आले आहेत. रणपिसेनगर येथील जागृती विद्यालयातील मतदान केंद्र 191 वरील 309 मतदार त्याचठिकाणी असलेल्या केंद्र 203 मध्ये समाविष्ट केले आहेत. त्याचप्रमाणे, सीताबाई कला महाविद्यालय येथील म. कें. 215 मधील 190 मतदार क्र. 213 मध्ये, समता विद्यालय, भौरद येथील क्र. 242 मधील 256 मतदार क्र. 239 मध्ये, खडकी जि. प. मराठी शाळेतील क्र. 285 मधील 91 मतदार क्र. 286 मध्ये आणि शिवणी येथील हनुमंत मराठी प्रा. शाळेतील क्र. 296 मधील 190 मतदार क्र. 297 मध्ये समाविष्ट करण्यात आले आहे

लोकअदालतीत 6 हजार 977 प्रकरणे निकाली अकोला, दि. 29 : राष्ट्रीय व राज्य विधी सेवा प्राधिकरणाच्या आदेशाने जिल्ह्यातील सर्व न्यायालयांत आयोजित लोकअदालतीत 6 हजार 977 प्रकरणे निकाली काढण्यात आली. जिल्ह्यातील सर्व दिवाणी, फौजदारी, कामगार, सहकार, कौटुंबिक व औद्योगिक न्यायालयात, तसेच जिल्हा ग्राहक तक्रार आयोग येथे शनिवारी (27 जुलै)  लोकअदालतीचे आयोजन करण्यात आले.  सर्व न्यायालयात प्रलंबित प्रकरणांपैकी 18 हजार 822 प्रकरणे तडजोडीसाठी ठेवण्यात आली होती. त्यात प्रलंबित 1 हजार 761 व दाखलपूर्व 5 हजार 216 प्रकरणांत समेट घडून आला. दिवाणी, फौजदारी, वैवाहिक वाद, मोटार वाहन अपघात प्रकरण, कलम 138 एनआयॲक्ट आणि ग्रा. पं. घरपट्टी, पाणीपट्टी, महावितरण व बँकांची खटलापूर्व प्रकरणात 23 कोटी 79 लक्ष 32 हजार 560 रू. ची तडजोड झाली, अशी माहिती जिल्हा प्राधिकरणाचे सचिव योगेश पैठणकर यांनी दिली. जिल्हा विधी सेवा प्राधिकरणाचे अध्यक्ष तथा प्रमुख जिल्हा व सत्र न्यायाधीश आर. एस. तिवारी यांच्या मार्गदर्शन लाभले. जिल्ह्यातील सर्व न्यायाधीश, न्यायालयीन कर्मचारी, अधिवक्ता यांचे योगदान लाभले. अधिक्षक व्ही. डी. उबाळे, सं

  ज्ञानज्योती सावित्रीबाई फुले आधार योजनेत अर्ज करण्याची मुदत वाढवली अकोला, दि. 26 : इतर मागास बहुजन कल्याण विभागातर्फे ज्ञानज्योती सावित्रीबाई फुले आधार योजनेत अर्ज करण्याची मुदत 31 जुलैपर्यंत वाढविण्यात आली आहे. ऑफलाईन अर्जवाटप व अर्ज स्वीकृती सहायक संचालकांच्या कार्यालयात सुरू आहे. हे कार्यालय निमवाडी परिसरात डॉ. बाबासाहेब आंबेडकर सामाजिक न्यायभवनात आहे. ०००

महात्मा बसवेश्वर सामाजिक समता पुरस्कारासाठी अर्ज मागविले अकोला, दि. 26 : इतर मागास बहुजन कल्याण विभागातर्फे वीरशैव लिंगायत समाजाच्या विकासासाठी कला, समाजप्रबोधन, साहित्य क्षेत्रात काम करणा-या व्यक्ती व संस्थांना महात्मा बसवेश्वर सामाजिक समता शिवा पुरस्कार दिला जातो. त्यासाठी अर्ज करण्याची मुदत 31 जुलैपर्यंत वाढविण्यात आली आहे. अर्ज करण्यासाठी पुरूष किमान 50 व महिला किमान 40 वर्षे अशी वयोमर्यादा आहे. सामाजिक क्षेत्रात किमान 10 वर्षे काम आवश्यक. इच्छूक व्यक्ती व संस्थांनी 4 प्रतीत प्रस्ताव देण्याचे आवाहन सहायक संचालक डॉ. अनिता राठोड यांनी केले. कार्यालय निमवाडी परिसरात डॉ. बाबासाहेब आंबेडकर सामाजिक न्यायभवनात आहे. ०००    

    कावड यात्रेच्या नियोजनाबाबत 2 ऑगस्टला बैठक अकोला, दि. 26 : श्रावण महिन्यातील कावड व पालखी उत्सवाच्या मिरवणूक मार्ग, सुव्यवस्था आदी नियोजनाबाबत जिल्हा दंडाधिकारी अजित कुंभार यांच्या अध्यक्षतेखाली बैठक नियोजनभवनात दि. 2 ऑगस्ट रोजी सायंकाळी 5 वाजता होणार आहे. श्रावणाला दि. ५ ऑगस्टपासून सुरूवात होणार असून, या काळात अकोला जिल्ह्यात शहरी, तसेच ग्रामीण भागात कावड व पालखी उत्सव साजरा करण्यात येतो. श्रावणात दि. 5 ऑगस्टला पहिला, दि. 12 ऑगस्टला दुसरा, दि. 19 ऑगस्टला तिसरा (श्रीक्षेत्र धारगड यात्रा) आणि दि. 26 ऑगस्टला चौथा श्रावण सोमवार येतो. या कालावधीत भाविक गांधीग्राम येथील पूर्णेच्या पात्राजवळ मोठ्या संख्येने एकत्र येतात व कावड जलाने भरून श्री राजराजेश्वर मंदिरात महादेवाच्या पिंडीवर जलाभिषेक करतात.   या उत्सवाच्या अनुषंगाने शहरात आपातापा नाका, रेल्वे पूल, शिवाजी महाविद्यालय, अकोट स्टँड, मामा बेकरी, बियाणी चौक, कापड बाजार, सराफा लाईन, गांधी चौक, कोतवाली चौक, लोखंडी पूल, काळा मारोती वळण, जयहिंद चौक ते राजराजेश्वर मंदिरापर्यंत कायदा व सुव्यवस्था, बंदोबस्त तसेच इतर आपत्कालीन सोयीसुविधा प

  अल्पसंख्याक विद्यार्थीबहुल शाळांना अनुदान 15 सप्टेंबरपूर्वी प्रस्ताव पाठवा -जिल्हाधिकाऱ्यांचे आवाहन अकोला, दि. 25 : धार्मिक अल्पसंख्याक विद्यार्थीबहुल शाळा, कनिष्ठ महाविद्यालयांना पायाभूत सोयी-सुविधा पुरविण्यासाठी २ लाख रू. पर्यंत अनुदान दिले जाते. इच्छुक शाळांनी अनुदानासाठी प्रस्ताव दि. 15 सप्टेंबरपूर्वी द्यावेत, असे आवाहन जिल्हाधिकारी अजित कुंभार यांनी केले आहे.             शासनमान्य खासगी अनुदानित, विनाअनुदानित, कायम विना अनुदानित शाळा, कनिष्ठ महाविद्यालय, औद्योगिक प्रशिक्षण संस्था, नगरपालिका, नगर परिषद शाळा व अपंग शाळांमध्ये सन 2024-25 या वर्षासाठी अनुदान वितरणासाठी प्रस्ताव मागविण्यात आले आहेत. इच्छुक शाळांनी जिल्हाधिकारी कार्यालयातील नियोजन कार्यालय येथे दि. 15 सप्टेंबरपर्यंत प्रस्ताव सादर करावा, असे आवाहन जिल्हाधिकाऱ्यांनी केले आहे.       शासनमान्यता प्राप्त खासगी शाळा, कनिष्ठ महाविद्यालय, नगरपालिका, नगर परिषद शाळा, औद्योगिक प्रशिक्षण संस्थांमध्ये अल्पसंख्याक समाजाचे (मुस्लिम, बौध्द, ख्रिश्चन, जैन, शीख, पारशी व ज्यू) किमान 70 टक्के विद्यार्थी शिकत असणे आवश्यक आहे. अपंगांच्या श

  इतर मागास प्रवर्गासाठी बिनव्याजी कर्ज योजना राज्य इमाव वित्त व विकास महामंडळाचा उपक्रम अकोला, दि. 26 : राज्यातील इतर मागास प्रवर्गातील नागरिकांना स्वयंरोजगार, तसेच उच्च शिक्षणासाठी अल्प दराने किंवा बिनव्याजी कर्ज मिळण्यासाठी विविध योजना इतर मागासवर्गीय वित्त आणि विकास महामंडळातर्फे राबविण्यात येत आहेत. २० टक्के बीज भांडवल योजना :   ही योजना राज्यातील राष्ट्रीयकृत बँकेमार्फत राबवली जाते. त्यात महामंडळाचा सहभाग २० टक्के, लाभार्थ्यांचा सहभाग ५ टक्के व बँकेचा सहभाग ७५ टक्के आहे. महत्तम प्रकल्प मर्यादा रु. ५ लक्ष व अर्जदाराचे वय १८ ते ५० वर्ष असावे. थेट कर्ज योजना : ही योजना महामंडळामार्फत राबवली जाते. त्यात महत्तम कर्ज मर्यादा १ लक्ष रू. असून परतफेडीचा कालावधी ४ वर्ष आहे. या योजनेत शेतीला पूरक किंवा इतर छोट्या व्यवसायासाठी कर्ज दिले जाते. नियमित परतफेड केल्यास व्याज आकारले जात नाही, परंतु थकित हप्त्यांवर वार्षिक ४ टक्के व्याज दर आकारण्यात येतो. कुटुंबाचे वार्षिक उत्पन्न १ लक्ष पर्यंत असावे. अर्जदाराचे वय १८ ते ५५ वर्ष असावे. वैयक्तिक कर्ज व्याज परतावा योजना : गरजू व कुशल व्यक्

  जिल्हा नियोजन समिती बैठक नियोजित विकासकामे गतीने पूर्ण करावी : पालकमंत्री राधाकृष्ण विखे पाटील अकोला,दि 24: जिल्हा नियोजन समितीच्या माध्यमातून  सर्वसाधारण योजनांसाठी 300 कोटी रूपये निधीतून जिल्ह्यात  सर्वदूर लोककल्याणकारी उपक्रम भरीवपणे राबवावेत. जनतेला अधिकाधिक सोयीसुविधा देण्यासाठी विकासकामांना प्राधान्य देऊन ती गतीने पूर्ण करावीत, असे निर्देश राज्याचे महसुलमंत्री  तथा जिल्ह्याचे पालकमंत्री राधाकृष्ण विखे पाटील यांनी आज येथे दिले. जिल्हाधिकारी कार्यालयातील नियोजन भवनमध्ये आयोजित जिल्हा नियोजन समिती बैठकीच्या अध्यक्षस्थानी पालकमंत्री राधाकृष्ण विखे पाटील दूरदृश्य प्रणालीद्वारे बोलत होते.यावेळी जि.प.अध्यक्ष संगीता अढाऊ,खासदार अनुप धोत्रे(दूरदृश्य प्रणालीद्वारे) विधानपरिषद सदस्य आ.अमोल मिटकरी,आ.वसंत खंडेलवाल, धीरज लिंगाडे(दूरदृश्य प्रणालीद्वारे) विधानसभा सदस्य आ. प्रकाश भारसाकळे,आ.रणधीर सावरकर,आ. हरीश.पिंपळे,आ. नितिन देशमुख यांच्यासह नियोजन समिती सदस्य तसेच जिल्हाधिकारी अजित कुंभार,जि.प. मुख्य कार्यकारी अधिकारी वैष्णवी बी,महानगरपालिका आयुक्त डॉ. सुनिल लहाने, जिल्हा पोलीस अधीक्षक बच्चन

        सर्वधर्मीय ज्येष्ठांसाठी ‘मुख्यमंत्री तीर्थ दर्शन योजना’ अकोला, दि.   22 :   राज्यातील सर्व धर्मीयांमधील   60   वर्ष व त्यावरील ज्येष्ठ नागरिकांना देशातील महत्त्वाच्या तीर्थक्षेत्रांची विनामूल्य यात्रा करण्यासाठी ‘मुख्यमंत्री तीर्थ दर्शन योजना’ राबविण्यात येत आहे. जिल्ह्यात या योजनेच्या अंमलबजावणीसाठी जिल्हास्तरीय समितीद्वारे कार्यवाही होणार असल्याची माहिती समाजकल्याण सहायक आयुक्त मंगला मून यांनी दिली. भारतातील एकूण   73   व     महाराष्ट्र राज्यातील   66   तीर्थक्षेत्रांचा योजनेमध्ये समावेश करण्यात आला आहे. जवळपास देशातील व राज्यातील सर्व महत्त्वाच्या तीर्थक्षेत्रांचा समावेश करण्यात आला आहे. देशातील मोठ्या तीर्थ यात्रांना जाऊन मन:शांती तसेच आध्यात्मिक पातळी गाठणे सुखकर व्हावे ,   यासाठी राज्यातील सर्व धर्मीयांमधील ज्येष्ठ नागरिकांना भारतातील तीर्थक्षेत्रांना मोफत भेटीची दर्शनाची संधी मुख्यमंत्री तीर्थ दर्शन योजनेच्या माध्यमातून मिळणार आहे.   या योजनेअंतर्गत राज्यातील व     देशातील प्रमुख तीर्थक्षेत्रांचा समावेश करण्यात आला असून या योजनेअंतर्गत निर्धारित तीर्थक्षेत्र