आदिवासी विकास योजनांसाठी ऑनलाईन अर्ज करण्याचे आवाहन

 जिल्ह्यातील 24 वाळूघाटांच्या ई- लिलावाला मुदतवाढ 

अकोला, दि. 10 : जिल्ह्यातील अकोला बाळापुर तालुक्यातील 10 वाळू घाटांच्या लिलावाला चौथी मुदतवाढ देण्यात आली आहे. यामध्ये अकोला तालुक्यातील कपिलेश्वर, एकलारा, म्हैसांग, उगवा बाळापुर तालुक्यातील निंबी, बहादूररा , सागद,नागद,डोंगरगाव मांजरी वाळूघाट समाविष्ट आहेत तर मूर्तिजापूर बाळापूर आणि तेल्हारा तालुक्यातील 14 वाळू घाटांना ई लिलावासाठी प्रथम मुदतवाढ देण्यात आली आहे.यामध्ये मुर्तीजापुर तालुक्यातील लाखपुरी 2, विरवाडा, कोळसरा- 1, खापरवाडा- 2(खैरी), दुर्गवाडा, लोनसना, सांगवी, बपोरी, पिंगळा दापुरा, बाळापुर तालुक्यातील काजीखेड-2,हिंगणा शिकारी, मोखा, स्वरूपखेड, जानोरीमेळ तेल्हारा तालुक्यातील वांगरगांव वाळूघाटांचा समावेश आहे.

घाटांच्या ई-लिलावाच्या वेळापत्रकात बदल करण्यात आला असून, शुद्धीपत्रक निर्मगित करण्यात आले आहे. जास्तीत जास्त लिलावधारकांनी सहभाग नोंदवावा, असे आवाहन जिल्हाधिकारी वर्षा मीना यांनी केले आहे.

सुधारित कार्यक्रमानुसार ई- निविदा ऑनलाईन स्वीकारण्याची मुदत दि. 17 डिसेंबर रोजी दु. 2 वा. पर्यंत वाढविण्यात आली आहे. ई-निविदा (तांत्रिक लिफाफा) उघडणे,  तांत्रिक पडताळणी आदी प्रक्रिया सुधारित वेळापत्रकानुसार दि. 18 डिसेंबर रोजी करण्यात येईल. ई- लिलाव प्रक्रिया (ई-ऑक्शन) दि. 23 डिसेंबर रोजी सकाळी 10 वा. पासून दु. 1 वा. पर्यंत पूर्ण करण्यात येईल. अधिकाधिक लिलावधारकांनी सहभाग नोंदवावा, असे आवाहन करण्यात आले आहे. सुधारित वेळापत्रक शासनाच्या महाटेंडर्स, तसेच जिल्हा प्रशासनाच्या संकेतस्थळावर उपलब्ध आहे.