शिधावाटपाचे परिमाण जाहीर

 

शिधावाटपाचे परिमाण जाहीर
अकोला, दि. 4 : सार्वजनिक वितरण व्यवस्थेत अन्नधान्य , नियंत्रित साखर आदी जीवनावश्यक वस्तूंचे अकोला जिल्ह्यासाठी सप्टेंबर महिन्याचे वाटप परिमाण जिल्हा पुरवठा अधिका-यांनी जाहीर केले आहे.
त्यानुसार प्राधान्य गटातील लाभार्थ्यांना ज्वारी प्रतिव्यक्ती एक किलो व फोर्टिफाईड तांदूळ प्रतिव्यक्ती 4 किलो विनामूल्य वितरित होईल. अंत्योदय अन्न योजनेत गहू प्रतिकार्ड 10 किलो व फोर्टिफाईड तांदूळ प्रतिकार्ड 25 किलो विनामूल्य वितरित होईल.
अंत्योदय लाभार्थ्यांसाठी 20 रू. प्रतिकिलो दराने नियंत्रित साखर प्रतिशिधापत्रिका 1 किलो वितरित होईल. गोदामातील साठा उपलब्धता व लाभार्थी संख्येनुसार वाटपाचे परिमाण राहील.
०००