‘पीएम किसान’ योजनेत कागदपत्रांची पूर्तता करण्याचे आवाहन

 

‘पीएम किसान’ योजनेत कागदपत्रांची पूर्तता करण्याचे आवाहन

अकोला, दि. 26 : पीएम किसान योजनेत स्वयं नोंदणीकृत  लाभार्थीना  मान्यता मिळणे   व अपात्रता मागे घेण्याकरीता सर्व कागदपत्रांची पूर्तता अर्जदारांनी करावी, असे आवाहन जिल्हा अधिक्षक कृषि अधिकारी शंकर किरवे यांनी केले आहे.

स्वयं नोंदणीकृत लाभार्थी अर्जाची कार्यपद्धती –

प्रधानमंत्री किसान सन्मान निधी योजनेत नवीन  स्वयंनोंदणी  करणा-या लाभार्थ्यांनी योजनेच्या पोर्टलवर ऑनलाइन नोंदणी करताना आवश्यक कागदपत्रे २०० केबी फाइल मर्यादेत अपलोड करावीत. त्यात मागील तीन महिन्यातील डिजिटल / तलाठी सहीचा ७/१२ उतारा, जमीन नोंदीचा फेरफार (लाभार्थीच्या नावे जमीन धारणा ०१/०२/२०१९ पूर्वीची असणे आवश्यक आहे. अपवाद वारसा हक्काने झालेले जमीन  हस्तांतरण). वारसा नोंद फेरफार मयत दिनांक ०१/०२/२०१९ नंतरची असल्यास ज्यांना नावावरून वारसाने जमीन आली त्यांच्या नावे जमीन आलेला /असलेला फेरफारही सोबत जोडावा. पती, पत्नी व १८ वर्षा खालील अपत्यांचे आधार कार्ड (सर्व एकाच पानावर स्कॅन करावीत). सर्व ऑनलाइन अपलोड केलेली कागदपत्रे पडताळली जातील व नंतर लाभार्थीना मान्यता मिळेल.

लाभार्थी अपात्रता मागे घेण्याची कार्यपद्धती – लाभार्थी अपात्रता मागे घेण्याचा विहित नमुन्यातील अर्ज, तसेच लाभार्थीचे पोर्टलवरील स्टेटस प्रिंट, आधार कार्ड (पती, पत्नी व १८ वर्षा खालील अपत्ये ) परिशिष्ट ब (कृषि सहाय्यक यांनी  प्रमाणित केलेले), नवीन ७/१२ व ८ अ उतारा (डिजिटल / तलाठी सहीचा), वरीलप्रमाणे जमीन नोंदीचा फेरफार / वारसा नोंदीचा फेरफार, वरील सर्व अपात्रता मागे घेण्याची कागदपत्रे दोन प्रतीत तालुका कृषि अधिकारी कार्यालयात सादर करावीत, असे आवाहन श्री. किरवे यांनी केले.

०००