अकोला संवाद - जिल्हा माहिती कार्यालय अकोला

  जिल्हाधिका-यांच्या अध्यक्षतेत आरोग्य विभागाच्या विविध बैठका नियमित लसीकरणाचे उद्दिष्ट 100 टक्के पूर्ण करा जिल्हाधिकारी वर्षा मीना अकोला, दि. 2 : नियमित लसीकरणाचे उद्दिष्ट मार्चअखेरपर्यंत 100 टक्के पूर्ण करावे, असे स्पष्ट निर्देश जिल्हाधिकारी वर्षा मीना यांनी आज येथे दिले. जिल्हाधिका-यांच्या अध्यक्षतेत जिल्हा लसीकरण टास्क फोर्स, जिल्हास्तरीय लोकसंख्या धोरण समन्वय समिती, जन्ममृत्यू नोंदणी जिल्हास्तरीय समन्वय समिती आदी विविध बैठका आज झाल्या, त्यावेळी त्या बोलत होत्या. जिल्हा आरोग्य अधिकारी डॉ. बळीराम गाढवे, शिक्षणाधिकारी रतनसिंह पवार, माता व बालसंगोपन अधिकारी डॉ. विनोद करंजीकर, महिला व बालविकास अधिकारी गिरीश पुसदकर, तसेच तालुका आरोग्य अधिकारी उपस्थित होते. लसीकरण कार्यक्रमात बीसीजी, पोलिओ, हिपॅटायटिस बी, रोटाव्हायरस, पेन्टावॅलेंट, पीसीव्ही, एमआर, डीपीटी आदी 8 लसी दिल्या जातात. लसीकरण कार्यक्रमानुसार जिल्ह्यात 31 हजार 368 उद्दिष्टापैकी 23 हजार 368 लसीकरण डिसेंबरअखेरपर्यंत पूर्ण झाले आहे. उर्वरित लसीकरण विहित वेळेत पूर्ण करण्याचे निर्देश जिल्हाधिकारी श्रीमती मीना यांनी दिले....

  महानिर्यात कार्यशाळेद्वारे सूक्ष्म व लघु उद्योजकांना मार्गदर्शन उद्योग विभागाचा उपक्रम अकोला, दि. 2 : राज्याच्या आर्थिक विकासात महत्वपूर्ण योगदान देणा-या सूक्ष्म व लघु उद्योग क्षेत्रावर भर देऊन त्यांची कार्यक्षमता वाढविण्याचा उद्देश ठेवून जिल्हा उद्योग केंद्रातर्फे ‘महानिर्यात इग्नाईट कार्यशाळा’ आज हॉटेल आर. जी. एक्सक्लुसिव्ह येथे घेण्यात आली.   अपर जिल्हाधिकारी प्रमोद गायकवाड यांच्या हस्ते कार्यशाळेचा शुभारंभ झाला. उद्योग सहसंचालक रंजना पोळ, जिल्हा उद्योग केंद्राचे महाव्यवस्थापक संतोष बनसोड, संकेत निनावे, श्री. रूनालिया, श्रद्धा टेकाम, आकाश ढगे, निर्यात तज्ज्ञ अंकित गुप्ता, अकोला औद्योगिक संघटनेचे अध्यक्ष मनोज खंडेलवाल आदी उपस्थित होते. राज्यात उद्योजकीय वातावरण अधिक व्यापक करून रोजगार, स्वयंरोजगार संधी मोठ्या प्रमाणात निर्माण करणे, एक जिल्हा एक उत्पादन उपक्रम राबविणे व निर्यातवृद्धीला चालना देणे हा कार्यशाळेचा उद्देश आहे. त्याचा स्थानिक उद्योजक बांधवांना निश्चित लाभ होईल. उद्योग विभागाच्या विविध योजनांचा लाभ घेण्याचे आवाहन अपर जिल्हाधिकारी श्री. गायकवाड यांनी केले. भारताच्...

  नरनाळा महोत्सव आता 15 ते 17 फेब्रुवारीदरम्यान अकोला, दि. 2 : नरनाळा महोत्सवासाठी आता दि. 15 ते 17 फेब्रुवारी या तारखा निश्चित करण्यात आल्या असून, जंगल सफारी, साहसी खेळ व विविध सांस्कृतिक कार्यक्रमांच्या समावेशासह महोत्सव घेण्यात येईल, असे जिल्हाधिकारी वर्षा मीना यांनी आज येथे सांगितले.   महोत्सवातून सातपुड्यात वसलेल्या मेळघाटचे वनवैभव, आदिम संस्कृतीचे दर्शन घडणार आहे. उत्सवात नौकाविहार, सफारी, आदिवासी नृत्यकला सादरीकरण, पक्षीनिरीक्षण, गड भटकंती, साहसी खेळ, छायाचित्र प्रदर्शन याबरोबरच अनेकविध सांस्कृतिक महोत्सवांचे आयोजन केले जाणार आहे. महोत्सवात प्रत्येक दिवशी सांस्कृतिक कार्यक्रम होणार आहेत.   ‘चला हवा येऊ द्या’, ‘शिवशंभू गर्जना’, तसेच   प्रसिद्ध गायक कैलास खेर यांची ‘लाईव्ह कॉन्सर्ट’ असे नामवंत कलावंतांचा समावेश असलेले कार्यक्रम महोत्सवाचे खास आकर्षण ठरणार आहे. त्याचप्रमाणे, निसर्ग निर्वाचन संकुल, शहानुर येथे जंगल सफारी, ट्रेकिंग, व्हॅली क्रॉसिंग,रॅपलिंग, बोटिंग व झॉर्बिंग वॉटर बॉलचे आयोजन पोपटखेड धरण येथे करण्याचे नियोजन आहे. सर्व संबंधित यंत्रणांनी आव...