अकोला संवाद - जिल्हा माहिती कार्यालय अकोला

  परीक्षा केंद्रावर प्रतिबंधात्मक आदेश लागू अकोला : सांगली जिल्ह्यातील मिरज येथील पद्मभूषण वसंतदादा पाटील शासकीय रूग्णालय व आरोग्य शिक्षण पथक या संस्थेच्या सरळसेवा पदभरतीसाठी उद्या (31 डिसेंबर) दु. 1 वा. परीक्षा होणार असून, जिल्ह्यातील 2 परीक्षा केंद्रांवर 100 मीटर परिसरात सकाळी 6 वा. ते सायं. 8 वा. दरम्यान प्रतिबंधात्मक आदेश लागू करण्यात आले आहेत. तसा आदेश जिल्हाधिकारी वर्षा मीना यांनी जारी केला. वाशिम रस्त्यावरील (कापशी) दत्तात्रय पेट्रोलपंपानजिकचे श्री इन्फोटेक आणि बाभुळगाव येथील श्री शिवाजी अभियांत्रिकी व तंत्रज्ञान महाविद्यालय अशी दोन परीक्षा केंद्रे आहेत. केंद्रावर पाचहून अधिक व्यक्तींनी एकत्रित प्रवेश करू नये, झेरॉक्स सेंटर, पानपट्टी आदी बंद ठेवावे. मोबाईल, लॅपटॉप, इंटरनेट साधने वापरास मनाई आहे. अनधिकृत व्यक्तींना प्रवेश नाही. ०००

  गृह राज्यमंत्री डॉ. पंकज भोयर यांचा दौरा अकोला, दि. 1 : गृह (ग्रामीण), शालेय शिक्षण, सहकार राज्यमंत्री डॉ. पंकज भोयर हे शुक्रवारी (2 जानेवारी) अकोला येथे येत आहेत. त्यांचा दौरा पुढीलप्रमाणे : वर्धा येथून वाहनाने सकाळी 10.30 वा. अकोला येथे आगमन व गोरक्षण मैदान येथे विदर्भ चेंबर ऑफ कॉमर्स अँड इंडस्ट्रीद्वारे आयोजित विटेक्स (विदर्भ उद्योग व व्यापार प्रदर्शन 2026) या कार्यक्रमाला उपस्थिती, दु. 12 ते 2 वा. राखीव, सोयीनुसार अंजनगाव सुर्जीकडे प्रयाण. ०००

  अंतिम पैसेवारी जाहीर अकोला, दि. 1 ; जिल्ह्यात एकूण 1 हजार 12 गावांपैकी 990 गावांची पैसेवारी काढण्यात आली आहे. या गावांची पैसेवारी 50 पेक्षा कमी (48 पैसे) अशी जाहीर करण्यात आली आहे. जिल्हाधिकारी वर्षा मीना यांनी याबाबत पत्र जारी केले. सर्व ग्रामपंचायत कार्यालय स्तरावर, चावडीवर, तसेच दवंडीद्वारे प्रसिद्धी करण्याचे निर्देश देण्यात आले आहेत. ०००

  अंतिम पैसेवारी जाहीर अकोला, दि. 1 ; जिल्ह्यात एकूण 1 हजार 12 गावांपैकी 990 गावांची पैसेवारी काढण्यात आली आहे. या गावांची पैसेवारी 50 पेक्षा कमी (48 पैसे) अशी निश्चित करण्यात आली आहे. जिल्हाधिकारी वर्षा मीना यांनी याबाबत पत्र जारी केले. सर्व ग्रामपंचायत कार्यालय स्तरावर, चावडीवर, तसेच दवंडीद्वारे प्रसिद्धी करण्याचे निर्देश देण्यात आले आहेत. ०००