जिल्ह्यात पुढील सहा दिवस पावसाची शक्यता

अकोला, दि. २8 : नागपूर येथील प्रादेशिक हवामान विभागाने अकोला जिल्ह्यात आजपासून  दि. 4 जुलैपर्यंत विजांच्या कडकडाटासह पाऊस पडण्‍याची शक्यता वर्तवली आहे. यादरम्यान वाऱ्याच्या वेग ताशी 30 ते 40 किमी राहण्याची शक्यता आहे.

वीज व  पावसापासून बचावाकरीता सुरक्षित ठिकाणी आश्रय घेण्‍यात यावा. अशा स्थितीत झाडाखाली आश्रय घेऊ नये. वीज चमकतांना मोबाईल उपकरणे बंद ठेवावी. वाहन वीजेच्या खांबापासून दूर ठेवावे. वीज पडण्याची सूचना मिळविण्यासाठी दामिनी ॲप डाऊनलोड करावे, असे आवाहन करण्यात आले आहे.