निवडणूक कामकाजासाठी अकोट कृउबास दोन दिवस बंद

 निवडणूक कामकाजासाठी अकोट कृउबास दोन दिवस बंद

अकोला, दि. 22 : लोकसभा निवडणूकीसाठी मतदानाकरिता मतदान केंद्रावर नियुक्त पथकांना दि. 25 एप्रिल रोजी आवश्यक साहित्य वाटप करणे व दि. 26 एप्रिल रोजी मतदान प्रक्रिया पार पडल्यानंतर साहित्य स्वीकारणे यासाठी अकोट विधानसभा मतदारसंघासाठी पोपटखेड रस्त्यावरील कृषी उत्पन्न बाजार समिती परिसरातील गोदाम क्रमांक 5 हे स्थळ निश्चित करण्यात आले आहे. 

मतदान साहित्याचे वाटप, स्वीकारणे आदी प्रक्रिया सुरळीत पार पडण्यासाठी अकोट कृषी उत्पन्न बाजार समिती दि. 25 व 26 एप्रिल रोजी बंद राहील. तसा आदेश जिल्हा दंडाधिकारी अजित कुंभार यांनी जारी केला आहे.  

०००