निवडणूक कालावधीत ओपिनियन आणि एक्झिट पोलला प्रतिबंध

 निवडणूक कालावधीत ओपिनियन आणि एक्झिट पोलला प्रतिबंध

अकोला, दि. 19 : भारत निवडणूक आयोगामार्फत लोकसभा निवडणूक 2024 साठीचा कार्यक्रम जाहीर करण्यात आला आहे. या पार्श्वभूमीवर आयोगाने निवडणूक कालावधीत निवडणूक अंदाज (ओपिनियन पोल तसेच एक्झिट पोल) दर्शविण्यावर प्रतिबंध केला आहे.
 
       महाराष्ट्रात एकूण पाच टप्प्यांमध्ये निवडणुका होतअसून याअनुषंगाने 16 मार्च 2024 पासून आदर्श आचारसंहिता लागू झाली आहे. राज्यात 19 एप्रिल रोजी सकाळी सात वाजेपासून 1 जून 2024 रोजी सायंकाळी 6.30 वाजेपर्यंतच्या कालावधीत एक्झिट पोलसाठी प्रतिबंध लागू राहणार आहे. त्याचप्रमाणे, प्रत्येक टप्प्यातील मतदान संपण्याच्या आधी 48 तासाच्या कालावधीत ओपिनियन पोल अथवा अन्य मतदान सर्वेक्षणाच्या परिणामांच्या प्रकाशन अथवा प्रसारणावर प्रतिबंध असेल, असे निवडणूक आयोगाने अधिसूचनेद्वारे स्पष्ट केले आहे.
शिक्षा व दंडाची तरतूद
 लोकप्रतिनिधी अधिनियमात्वाच्या कलम 126(अ) नुसार निवडणूक आयोगाने सूचित केलेल्या कालावधीत एक्झिट पोल प्रसारित करण्यास बंदी आहे. या नियमाचे उल्लंघन झाल्यास दोन वर्षे कारावास किंवा दंड किंवा दोन्ही अशी शिक्षेची तरतूद आहे.  
0000

टिप्पण्या

या ब्लॉगवरील लोकप्रिय पोस्ट

आंतरराष्ट्रीय पौष्टिक तृणधान्य वर्ष (२०२३) निमित्त विशेष लेख ; पौष्टिक तृणधान्य…काळाची गरज

स्वातंत्र्य सैनिकाची माहिती सादर करा

अन्न भेसळ