उद्योग केंद्रातर्फे सूक्ष्म, लघु, मध्यम उपक्रमांसाठी मंगळवारी कार्यशाळा

 उद्योग केंद्रातर्फे सूक्ष्म, लघु, मध्यम

उपक्रमांसाठी मंगळवारी कार्यशाळा

 

अकोला, दि. 13 : जिल्हा उद्योग केंद्रातर्फे सूक्ष्म, लघु, मध्यम उद्योजक, निर्यातदार, प्रक्रिया उत्पादक, नवउद्योजक यांच्यासाठी विनामूल्य कार्यशाळा आयसीएआय भवन येथे मंगळवारी (17 ऑक्टोबर) सकाळी 9 ते सायंकाळी 6.30 या वेळेत होणार आहे.

सूक्ष्म, लघु व मध्यम उद्योजक, नवउद्योजक, निर्यातदार यांना प्रोत्साहन, केंद्र व राज्य शासनाच्या विविध योजनांची माहिती एकाच व्यासपीठावर उपलब्ध करून देणे, रोजगार, स्वयंरोजगाराच्या विकासाच्या शक्यतांनुसार कार्यवाहीला दिशा देणे, उद्योजकीय वातावरण निर्माण करणे हा या कार्यशाळेचा हेतू आहे. केंद्र व राज्य शासनाचे विविध अधिकारी मार्गदर्शन करणार आहेत. जिल्ह्यातील सर्व उद्योग, व्यावसायिक, निर्यातदार, शेतकरी संस्था, औद्योगिक संस्था, संघटना यांनी कार्यशाळेला उपस्थित राहण्याचे आवाहन केंद्राच्या महाव्यवस्थापकांनी केले आहे.

०००