तंबाखू दुष्परिणामांविषयी जनजागृतीसाठी चित्रकला व रील स्पर्धा
तंबाखू दुष्परिणामांविषयी जनजागृतीसाठी चित्रकला व रील
स्पर्धा
अकोला दि. 16 : जागतिक तंबाखूविरोधी दिनासाठी यंदा जागतिक आरोग्य संघटनेने
‘तंबाखु उद्योगाच्या
हस्तक्षेपापासून मुलांचे संरक्षण’ही थीम निश्चित केली आहे. त्यानुषंगाने जिल्हा शल्य चिकित्सक कार्यालयातर्फे 18 वर्षांवरील
विद्यार्थ्यांसाठी चित्रकला व व्हिडीओ रील स्पर्धा आयोजित करण्यात आली आहे.
चित्रकला स्पर्धेसाठी विद्यार्थ्यांनी ड्राईंगशीटवर तंबाखू व तंबाखूजन्य
पदार्थ्यांच्या दुष्परिणामाबद्दल जनजागृतीपर संदेश व ‘तंबाखू उद्योगाच्या हस्तक्षेपापासून
मुलांचे संरक्षण’ या विषयावर चित्र तयार करून जिल्हा शल्य चिकित्सक कार्यालयात दि.
27 मे रोजी दुपारी 3 वाजेपर्यंत प्रत्यक्ष सादर करावे. सोबत नाव, पत्ता व मोबाईल नंबर
आदी माहिती जोडावी.
तंबाखू दुष्परिणामाबद्दल
जनजागृतीपर व तंबाखू उद्योगाच्या हस्तक्षेपापासून मुलांचे संरक्षण या विषयावर 180 सेकंदाच्या
मर्यादेत व्हिडीओ रील तयार करुन ntcpakola@gmail.com
या मेल आयडी किंवा मो. नं. 8308170967 या व्हाटस्अप क्रमांकावर नाव, पत्ता व मोबाईल
नंबरसह दि. 27 मे रोजी दुपारी 3 वाजेपर्यंत पाठवावे. या स्पर्धेतील प्रथम तीन गुणवंतांना
सन्मानचिन्ह व सर्व सहभाग घेणाऱ्यांना प्रशस्तीपत्र देऊन गौरविण्यात येईल, असे जिल्हा
शल्य चिकित्सक डॉ. तरंगतुषार वारे यांनी कळविले आहे.
00000
टिप्पण्या
टिप्पणी पोस्ट करा