अकोला संवाद - जिल्हा माहिती कार्यालय अकोला

  अवाजवी भाडे आकारल्यास बसमालकांवर कारवाई करणार परिवहन विभागाची मोहिम अकोला, दि. १५ : दिवाळी सणाला गावी जाणा-या प्रवाश्यांची गर्दी पाहून अवाजवी भाडे आकारणा-या खासगी बसमालकांवर कारवाईसाठी प्रादेशिक परिवहन कार्यालयाने मोहिम हाती घेतली आहे. दिवाळी सणानिमित्त बऱ्याच प्रमाणात नागरिक आपल्या कुटुंबियांना भेटण्यासाठी आणि सणानिमित्त आपल्या गावी जाण्यासाठी खासगी मोटारींनी प्रवास करीत असतात. अशावेळी खासगी प्रवाशी बस ऑपरेटर आणि ऑनलाईन तिकिट बुकिंगवाले यांच्याकडुन तिकीट दरांमध्ये वाढ केली जाते. यामुळे नागरिकांचे आर्थिक शोषण तर होतेच परंतु ज्या नागरिकांना अशा वाढीव दरांमुळे प्रवास परवडत नाही व त्यांची गैरसोय होते असे निदर्शनास आले आहे. त्यामुळे कार्यालयाची ही मोहिम दि. ३ नोव्हेंबरपर्यंत राबविण्यात येत असून, खासगी प्रवासी बसगाड्यांची तपासणी व भाडे आकारणी आदी बाबी तपासण्यात येणार आहेत.         खासगी बसचालकांनी शासन निर्णयानुसार आपल्या बसचे भाडे हे राज्य परिवहन बस भाड्यापेक्षा 1.5 पटीपेक्षा अधिक आकारु नये. तपासणीमध्ये असे आढळून आल्यास कारवाई करण्यात येईल. वाह...

 जि. प. व पं. स. निवडणूकीच्या अनुषंगाने                                                               निवडणूक निर्णय अधिका-यांच्या नियुक्त्या अकोला, दि. 15: जि. प. व पं. स. निवडणुकीच्या अनुषंगाने जिल्ह्यात पंचायत समितीनिहाय निवडणूक निर्णय अधिकारी व सहायक निवडणूक निर्णय अधिकारी यांच्या नियुक्त्या करण्यात आल्या आहेत.  जिल्हाधिकारी वर्षा मीना यांनी याबाबतचा आदेश जारी केला. पातूर पंचायत समिती क्षेत्रासाठी निवडणूक निर्णय अधिकारी म्हणून उपजिल्हाधिकारी जोगेंद्र कट्यारे व सहायक निवडणूक निर्णय अधिकारी तहसीलदार डॉ. राहूल वानखडे, अकोटसाठी निवडणूक निर्णय अधिकारी म्हणून उपविभागीय अधिकारी मनोज लोणारकर व सहायक अधिकारी म्हणून तहसीलदार डॉ. सुनील चव्हाण, तसेच मूर्तिजापूरसाठी उपविभागीय अधिकारी डॉ. संदीपकुमार अपार व तहसीलदार शिल्पा बोबडे यांच्या नियुक्त्या करण्यात आल्या आहेत.  अकोला पं. स. क्षेत्रात उपविभागीय अधिकारी डॉ. शरद जावळे हे ...

    जिल्हाधिकारी कार्यालयात वाचन प्रेरणा दिनानिमित्त ग्रंथप्रदर्शन      अकोला, दि. 15: भारतरत्न डॉ. ए. पी. जे. अब्दुल कलाम यांच्या जयंतीनिमित्त आज जिल्हाधिकारी कार्यालयात वाचन प्रेरणा दिवसानिमित्त ग्रंथ प्रदर्शन आयोजित करण्यात आले. त्याला अधिकारी व कर्मचा-यांसह नागरिकांचाही मोठा प्रतिसाद लाभला.         माजी राष्ट्रपती स्व. डॉ. ए. पी. जे. अब्दुल कलाम यांचा जन्म दिवस 15 ऑक्टोबर हा वाचन प्रेरणा दिवस म्हणून साजरा करण्यात येतो. वाचन संस्कृती वृद्धिंगत होण्यासाठी वाचन प्रेरणा दिनानिमित्त विविध उपक्रम राबविण्यात येतात. त्यानुषंगाने जिल्हा ग्रंथालयाच्या वतीने ग्रंथ प्रदर्शन आयोजित करण्यात आले आहे, अशी माहिती ग्रंथालय अधिकारी अतुल वानखडे यांनी दिली. प्रारंभी माजी राष्ट्रपती स्व. डॉ. ए. पी. जे. अब्दुल कलाम यांच्या प्रतिमेला पुष्पहार अर्पण करून अभिवादन करण्यात आले. 00000

  लोकसेवा हक्क कायद्याची प्रभावी अंमलबजावणी करा – राज्य सेवा हक्क आयुक्त रामबाबू नारुकुल्ला अकोला, दि. १५ : महाराष्ट्र लोकसेवा हक्क अधिनियम 2015 हा नागरिकांना सेवेचा हक्क देणारा क्रांतिकारी कायदा आहे. अकोला जिल्ह्यात त्याची प्रभावी अंमलबजावणी होण्यासाठी सर्व यंत्रणांनी विहित वेळेत कार्यवाही करावी, असे निर्देश अमरावती विभागाचे राज्य सेवा हक्क आयुक्त रामबाबू नारूकुल्ला यांनी आज येथे दिले. महाराष्ट्र लोकसेवा हक्क अधिनियम 2015 संबंधी श्री. नारूकुल्ला यांच्या अध्यक्षतेत बैठक नियोजनभवनात झाली, त्यावेळी ते बोलत होते. जि. प. मुख्य कार्यकारी अधिकारी अनिता मेश्राम, महापालिका आयुक्त सुनील लहाने, उपविभागीय अधिकारी डॉ. शरद जावळे, मनोज लोणारकर, संदीप अपार यांच्यासह सर्व तहसीलदार, गटविकास अधिकारी, विविध यंत्रणाप्रमुख उपस्थित होते.       आयुक्त श्री. नारूकुल्ला म्हणाले की, या कायद्यानुसार नागरिकांना विहित कालमर्यादेत शासकीय विभागांच्या अधिसूचित सेवा मिळणे आवश्यक आहे. लोकसेवा हक्क कायदा संपूर्ण राज्यात सर्व शासकीय सेवा देणाऱ्या विभागांसाठी लागू करण्यात आला आहे. विहित कालावध...

    आरोग्य विभागातर्फे ‘सीपीआर’ जनजागृती आठवडा अकोला, दि. 14 : ‘कार्डिओ-पल्मोनरी रिसुसिटेशन’ अर्थात सीपीआर ही आपत्कालीन जीवनरक्षक प्रक्रिया आहे, व्यक्तीच्या हृदयाचे ठोके थांबल्यावर सीपीआर देऊन त्याचे प्राण वाचवले जातात. या प्रक्रियेबाबत जनजागृतीसाठी आरोग्य विभागामार्फत ‘सीपीआर जनजागृती आठवडा’ साजरा केला जात आहे. जिल्हाधिकारी वर्षा मीना,   मुख्य कार्यकारी अधिकारी अनिता मेश्राम, आरोग्य उपसंचालक डॉ. सुशीलकुमार वाकचौरे यांच्या मार्गदर्शनात जिल्ह्यात सर्व आरोग्य संस्थांतर्फे हा उपक्रम राबविण्यात येत आहे. जिल्हा आरोग्य अधिकारी डॉ. बळीराम गाढवे व जिल्हा शल्य चिकित्सक डॉ. आरती कुलवाल यांनी नियोजन करून उपक्रमांची आखणी केली आहे.     धावपळीचे जीवन आणि बदलती जीवनशैली यामुळे हदयविकाराचे प्रमाण वाढले आहे. त्यामुळे सीपीआरबाबत जनजागृती करून याबाबत तांत्रिक मार्गदर्शन करण्यात येत आहे. श्वासोच्छवास किंवा हृदयाचे ठोके थांबल्यावर छातीवर दाब देणे आणि कृत्रिम श्वासोच्छ्वास देऊन व्यक्तीला पूर्ववत करण्याचा प्रयत्न होतो. यात तिचे प्राण वाचतात.   श्वास किंवा हृदयाचे ठोके थ...

  सैनिक कल्याण विभागात लिपिकांची 72 पदे भरणार अकोला दि. 14 : सैनिक कल्याण विभागातर्फे माजी सैनिकांमधून लिपिक- टंकलेखकांची 72 पदे भरण्यात येत असून, दि. 5 नोव्हेंबरपूर्वी ऑनलाईन अर्ज करावा, असे आवाहन जिल्हा सैनिक कल्याण अधिकारी मेजर आनंद शरद पाथरकर यांनी केले आहे.   या भरतीसाठी केवळ माजी सैनिक उमेदवारांकडून अर्ज मागविण्यात येत आहेत. ही भरती प्रक्रिया टीसीएस-आयओएन यांच्यामार्फत होणार आहे. अर्ज फक्त ऑनलाईन पध्दतीने स्वीकारण्यात येतील. पात्र उमेदवारांनी ऑनलाईन अर्ज सैनिक कल्याण विभागाच्या संकेतस्थळावर (महासैनिक.महाराष्ट्र.जीओव्ही.इन) दि. १४ ऑक्टोबरपासून दि. ५ नोव्हेंबर रोजी संध्याकाळी २३.५९ वाजेपर्यंत सादर करावेत. जिल्ह्यातील पात्र आणि इच्छुक माजी सैनिकांनी या संधीचा जास्तीत जास्त लाभ घ्यावा, असे आवाहन मे. पाथरकर यांनी केले आहे.   ०००

    सण महाराष्ट्राचा, संकल्प अन्न सुरक्षेचा अन्न पदार्थ उत्पादक पेढ्यांच्या तपासणीसाठी ‘एफडीए’ची मोहिम अकोला, दि. 14 : दिवाळीच्या काळात मिठायांची वाढती मागणी लक्षात घेता भेसळ आदी गैरप्रकार होऊ नयेत म्हणून अन्न व औषध प्रशासनामार्फत दि. ३१ ऑक्टोबर पर्यंत मोहिम हाती घेण्यात आली आहे. ‘सण महाराष्ट्राचा, संकल्प अन्न सुरक्षेचा’ या उपक्रमाद्वारे सणासुदीनिमित्ताने तुप, तेल, मिठाई, खारे पदार्थ व तत्सम अन्न पदार्थ उत्पादक पेढ्यांची तपासणी व अन्न नमुने काढण्याची मोहिम राबविण्यात येत आहे. अन्नपदार्थांत पालीचे मुंडके, झुरळ आदी आढळल्याच्या घटना नुकत्याच घडल्या आहेत. या पार्श्वभूमीवर ‘एफडीए’ने दिवाळी लक्षात घेऊन अधिक व्यापक मोहिम हाती घेतली आहे. गुलाबजाम, कुंदा, बासुंदी, पेढे, बर्फी, गोड पदार्थांना सणांच्या काळात मागणी असते. कच्चा माल म्हणून खवा वापरला जातो. वाढत्या मागणीचा गैरफायदा घेऊन अनेकजण खव्यात भेसळ करतात. त्यामुळे नागरिकांच्या आरोग्याला धोका पोहोचतो. असे प्रकार घडू नयेत अशी मागणी सुराज्य अभियानातर्फेही करण्यात आली होती. या सर्व बाबी लक्षात घेऊन पदार्थांत भेसळ होऊ नये म्हणून ...

  अकोल्याचा ‘कलासक्त योद्धा’ वैभव सांगळे यांची चित्रकला जनपथ प्रदर्शनात ठरली आकर्षणाचा केंद्रबिंदू नवी दिल्ली,14: जन्मजात कर्णबधिरतेवर दुर्दम्य इच्छाशक्तीने मात करत ,  चित्रकलेच्या बळावर आंतरराष्ट्रीय स्तरावर महाराष्ट्राचे नाव उज्ज्वल करणारे अकोल्याचे सुपुत्र ,  चित्रकार वैभव तानाजी सांगळे हे सध्या नवी दिल्लीतील जनपथ ,  हँडलूम हाट येथे आयोजित  ' स्पेशल एक्सपो: सूत्रांचा प्रवास '   (द जर्नी ऑफ थ्रेड्स )मध्ये सहभागी झाले आहेत. वस्त्र मंत्रालयाच्या सहकार्याने आयोजित या सात दिवसीय प्रदर्शनात वैभव सांगळे यांच्या चित्रांतून साकारलेल्या  ' भावस्पर्शी कलाविष्काराने '  अनेक कला रसिकांचे लक्ष वेधले आहे. भारतीय पारंपरिक हातमाग आणि हस्तशिल्प कलेला प्रोत्साहन देण्यासाठी आयोजित या विशेष प्रदर्शनात देशभरातील ७५ विणकर ,  स्वयं सहायता गट ( SHG)  आणि सहकारी संस्था भाग घेत आहेत. १६ ऑक्टोबरपर्यंत चालणाऱ्या या प्रदर्शनात विविध राज्यांचे कलाकार आपापल्या क्षेत्रातील पारंपरिक वस्त्र आणि शिल्पकला प्रदर्शित करत आहेत. या प्रदर्शनात वैभव तानाजी सांगळे यांच्या ...

  निरामय आरोग्यासाठी नियमित हातांची स्वच्छता आवश्यक आरोग्य प्रशासनाचे आवाहन       अकोला, दि. १४ :  जागतिक हात धुण्याचा दिवस दि. 15 ऑक्टोबरला साजरा केला जातो. जगभरातील लोकांना त्यांच्या हात धुण्याच्या सवयी सुधारण्यासाठी प्रेरित आणि एकत्रित करण्यासाठी आंतरराष्ट्रीय हात धुण्याची मोहीम राबवली जात आहे .   जगभरातील लोकांना रोग आणि संसर्ग टाळण्यासाठी साबणाने हात धुण्याचे महत्त्व पटवून देणे हा त्याचा उद्देश आहे. रोग प्रतिबंधक म्हणून साबणाने हात धुणे हा एक महत्त्वाचा घटक आहे.  जिवाणू , विषाणू , घाण , सूक्ष्मजीव आणि इतर संभाव्य हानिकारक पदार्थ काढून टाकण्यासाठी साबण किंवा हँडवॉश आणि पाण्याने हात स्वच्छ करण्याची प्रक्रिया आहे. धुतलेले हात वाळवणे हा प्रक्रियेचा एक भाग आहे कारण ओले  हात अधिक सहजपणे पुन्हा दूषित होतात.               हात धुण्याचे फायदे –  संसर्गाचा धोका कमी होतो -  दूषित पृष्ठभागांना स्पर्श केल्यानंतर किंवा डोळे, नाक आणि तोंडाला स्पर्श करण्यापूर्वी हात धुतल्याने...

  महाराष्ट्रात अमृततर्फे दीपावलीमध्ये होणार विश्वविक्रमी दुर्गोत्सव छत्रपती शिवरायांना अनोखी मानवंदना  अकोला : महाराष्ट्रामध्ये छत्रपती शिवाजी महाराजांच्या पदस्पर्शाने पावन झालेल्या दुर्ग , गड यांचा सार्थ अभिमान अवघ्या भारतदेशाला आहे. दर दिवाळी सणामध्ये बच्चेकंपनी मातीचे किल्ले बनवून छत्रपतींच्या कार्याचे स्मरण आणि अभिवादन करत असते. याच दुर्गांच्या प्रतिकृती साकारण्यासाठी महाराष्ट्र शासनाच्या वतीने महाराष्ट्र संसोधन , उन्नती व प्रशिक्षण प्रबोधिनी अर्थात ' अमृत ' ने दुर्गोत्सवाचे आयोजन या दीपावलीमध्ये केले आहे. हा एक विश्वविक्रम करण्याचा संकल्प अमृतने केला आहे. शिवछत्रपतींच्या पराक्रमांचे साक्षीदार असलेल्या १२ दुर्गांना युनेस्कोच्या जागतिक वारसाच्या वास्तूंमध्ये समाविष्ट करण्यासाठी महाराष्ट्र शासनाने केलेल्या प्रयत्नांना यश आले आणि साऱ्या महाराष्ट्राचा ऊर अभिमानाने भरून आला. दर वर्षी दिवाळीच्या सुट्टीमध्ये घरोघरी बालदोस्त आणि तरुण , ज्येष्ठ मंडळीसुद्धा दुर्गांच्या प्रतिकृती साकारतात. नागरिकांनी आपल्या अंगणात , बाल्कनीमध्ये , हाऊसिंग सोसायटीच्या सार्वजनिक जागांमध्ये अगदी ज...

  वाहनासाठी पसंतीच्या क्रमांकांचा ‘आरटीओ’ कार्यालयातर्फे लिलाव अकोला दि. १३ : प्रादेशिक परिवहन कार्यालयात दुचाकी वाहनांसाठी नविन मालिका सुरु करण्यात आली असून, इच्छूकांनी नियमित विहित शुल्क भरुन, तसेच खाजगी चारचाकी वाहनांकरीता विहित शुल्काच्या तीनपट शुल्क भरुन आकर्षक पसंती क्रमांक राखीव करावेत, असे आवाहन करण्यात आले आहे.   इच्छूकांनी दि. १४ ऑक्टोबर रोजी कार्यालयीन वेळेत सकाळी १०.३० ते दु. २.३० दरम्यान पसंतीचे क्रमांकाच्या विहित नमुन्यातील अर्जासह आधारपत्र, रहिवाशी पत्ता पुरावा, पॅनकार्ड या कागद‌पत्रांच्या साक्षंकित प्रती बंद लिफाफ्यात कार्यालयाच्या रोख विभागात जमा कराव्यात. लिफाफ्यावर वाहन मालकाचे नाव, वाहन वर्ग, पसंती क्रमांक व आधार लिंक मोबाईल क्रमांक लिहिलेला असावा. एका क्रमांकासाठी एकापेक्षा जास्त अर्ज आल्यास त्याची यादी कार्यालयीन नोटीस बोर्डवर त्याच दिवशी दुपारी ३ वाजता लावण्यात येईल.   या यादीमध्ये अर्जदाराचे नांव व पसंती क्रमांक असल्यास पसंती क्रमांक लिलावाचे शुल्क डीडी दिनांक १५ ऑक्टोबरला दुपारी २.३० वाजेपर्यंत रोख विभागात स्वीकारले जातील. अर्जासाठी त्याच ...

  जि. प. प्रारूप आरक्षणाची अधिसूचना प्रसिद्ध अकोला, दि. १३ : जिल्हा परिषदेच्या 52 सर्कलसाठी आज आरक्षण सोडत जिल्हाधिकारी वर्षा मीना यांच्या उपस्थितीत नियोजनभवनात काढण्यात आली. त्यानुसार प्रारूप आरक्षणाची अधिसूचना आज प्रसिद्ध करण्यात आली.   निवासी उपजिल्हाधिकारी विजय पाटील यांच्यासह अधिकारी- कर्मचारी, राजकीय पक्षांचे प्रतिनिधी उपस्थित होते. प्रारूप आरक्षण अधिसूचनेस हरकती असल्यास दि. १७ ऑक्टोबरपूर्वी तहसीलदारांकडे सादर करणे आवश्यक आहे. त्यानंतरच्या हरकती विचारात घेतल्या जाणार नाहीत.   सोडतीनुसार, अनसूचित जातीसाठी एकूण १२ जागा (महिलांसाठी ६), अनुसूचित जमाती एकूण ५ जागा (महिलांसाठी ३), नागरिकांचा मागास वर्ग प्रवर्ग १४ जागा (७ महिला), सर्वसाधारण २१ जागा (महिला १०) अशा प्रकारे एकूण ५२ (महिला २६) आरक्षण निश्चित करण्यात आले. तालुकानिहाय आरक्षण तेल्हारा दानापूर- सर्वसाधारण महिला, अडगाव बु.- अनुसूचित जमाती, शिरसोली- सर्वसाधारण, बेलखेड- सर्वसाधारण महिला, पाथर्डी- सर्वसाधारण, दहिगाव- सर्वसाधारण, भांबेरी- सर्वसाधारण. अकोट उमरा- नागरिकांचा मागासवर्ग प्रवर्ग महिला, अकोल...

अकोला, दि. ११ : राज्यात जून ते सप्टेंबर दरम्यान अतिवृष्टी व पूर आपत्तीमुळे बाधितांना मदत  व सवलती शासनाने जाहीर केल्या आहेत. याबाबत आधीच्या निर्णयात सुधारणा करून अकोला, मुर्तीजापुरसह सर्व तालुक्यांचा समावेश करण्यात आला आहे. शासन आपद्ग्रस्त शेतकरी बांधवांच्या खंबीरपणे उभे आहे. निर्णयाच्या अंमलबजावणीसाठी आवश्यक सर्व प्रक्रिया प्रशासनाने तत्काळ पूर्ण करून घ्यावी, असे निर्देश राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी दिले आहेत.   जून ते सप्टेंबर या कालावधीत अतिवृष्टी आणि पुरामुळे निर्माण झालेल्या आपत्तीच्या पार्श्वभूमीवर नुकसानीची दखल घेऊन शासनाने मदत  आणि सवलती लागू करण्यास मान्यता दिली.त्याविषयीचा शासन निर्णय दि. 9 ऑक्टोबर रोजी निर्गमित करण्यात आला. या निर्णयात सुधारणा करून अकोट, बार्शिटाकळी, तेल्हारा, बाळापूर व पातूर यासह अकोला, मुर्तिजापूर या सर्व तालुक्यांचा समावेश करण्यात आला आहे. या निर्णयामुळे पूर आणि अतिवृष्टीमुळे बाधित झालेल्या  शेतकरी बांधव आणि कुटुंबांना मोठा दिलासा मिळणार आहे, असा विश्वास पालकमंत्री ॲड. फुंडकर यांनी व्यक्त केला. ...

  अकोला, दि. 10 : भारतीय सैन्यदल, नौदल, व वायुदलामध्ये अधिकारी पदावर भरती होण्यासाठी पात्र उमेदवारांना सर्विस सिलेक्शन बोर्ड या परीक्षेची पुर्व तयारी करून घेण्यासाठी छात्रपूर्व प्रशिक्षण केंद्र, नाशिक रोड, नाशिक येथे महाराष्ट्र शासनातर्फे महाराष्ट्रातील नवयुवक व युवतीसाठी दि. ०३ नोव्हेंबर ते १२ नोव्हेंबर २०२५ या कालावधीत एसएसबी कोर्स क्र- ६३ आयोजित करण्यात येत आहे. सदर कोर्ससाठी प्रशिक्षणार्थीची निवास, भोजन, आणि प्रशिक्षणाची निःशुल्क सोय करण्यात आली आहे. अकोला जिल्ह्यातील इच्छुक उमेदवारांनी सैन्य दलातील अधिकारी पदांची संधी उपभोगण्यासाठी जिल्हा सैनिक कल्याण कार्यालय, अकोला येथे दि. २९ ऑक्टो २०२५ रोजी मुलाखतीस हजर राहावे. मुलाखतीस येतेवेळी उमेदवारांनी सैनिक कल्याण विभाग (डीएसडब्लु), पुणे यांची वेबसाईट  www.mahasainik.maharashtra. gov.in  या संकेत स्थळावर सर्च करून त्यामधील एसएसबी - ६३ कोर्सेसाठी किंवा व्हाटसॲप क्र- ९१५६०७३३०६ वर संबंधित प्रवेश पत्र व परिशिष्टांची चेक लिस्ट यांचे अवलोकन करून त्याची दोन प्रतीमध्ये प्रिंट काढून (किंवा प्रिंट कार्यालयाकडून घ्यावी) ते पुर्ण भरून...

  अकोला, दि. 10 : महाराष्ट्र शासन सामाजिक न्याय विभाग व विशेष सहाय्य विभागांतर्गत अनुसुचित जाती मुलींची शासकीय निवासी शाळा गोरेगाव, खुर्द येथील विद्यार्थींनी राष्ट्रीय लोकसंख्या प्रकल्प 2025-26 अन्वये विभागस्तरीय शिक्षण व प्रशिक्षण संस्था मालटेकडीजवळ, टोपे नगर, अमरावती येथे झालेल्या भूमिका अभिनय स्पर्धेमध्ये विद्यार्थीनीने द्वितीय क्रमांक पटकावलेला आहे. याकरिता सामाजिक न्याय व विशेष सहाय्य विभागातील अधिकारी, कर्मचारी तसेच शाळेचे मुख्याध्यापक शिक्षक शिक्षकेत्तर कर्मचारी सर्वच स्तरातून विद्यार्थीनीचे कौतुक व अभिनंदन करण्यात येत आहे. 00000000

  पं. स. सभापती पदाचे आरक्षण सोडतीद्वारे निश्चित अकोला, दि. ९ : जिल्ह्यातील पंचायत समित्यांच्या सभापती पदाच्या आरक्षणाची सोडत जिल्हाधिकारी वर्षा मीना यांच्या उपस्थितीत नियोजनभवनात आज काढण्यात आली. सोडतीनुसार पंचायत समितीनिहाय आरक्षण : बाळापूर - अनुसुचित जाती, अकोला - अनुसुचित जाती महिला, तेल्हारा - अनुसुचित जमाती महिला, अकोट- नागरिकांचा मागास प्रवर्ग, पातुर - सर्वसाधारण महिला, बार्शीटाकळी-नागरिकांचा मागास प्रवर्ग महिला, मुर्तिजापुर- सर्वसाधारण. निवासी उपजिल्हाधिकारी विजय पाटील यांच्यासह राजकीय पक्षांचे प्रतिनिधी, अधिकारी, कर्मचारी उपस्थित होते. ०००

  नगर परिषद व पंचायत आरक्षणाचा प्रारूप आराखडा प्रसिद्ध अकोला, दि. 9: जिल्ह्यातील नगरपरिषद व नगरपंचायतीच्या आगामी सार्वत्रिक निवडणुकांसाठी सदस्य पदांसाठी आरक्षणाचा प्रारूप आराखडा दिनांक ८ ऑक्टोबर रोजी सोडत पद्धतीने निश्चित करण्यात आला आहे. राज्य निवडणूक आयोग, महाराष्ट्र यांच्या निर्देशानुसार अनुसूचित जाती, अनुसूचित जमाती, नागरिकांचा मागासवर्ग व सर्वसाधारण (महिलांसह) प्रवर्गासाठी हे आरक्षण ठरविण्यात आले आहे. प्रारूप आरक्षण अधिसूचना संबंधित नगरपरिषद व नगरपंचायत कार्यालयांच्या सूचना फलकांवर, त्यांच्या संकेतस्थळांवर, तसेच जिल्हाधिकारी अकोला यांच्या अधिकृत संकेतस्थळावर ( akola.nic.in ) दि. ९ ऑक्टोबर रोजी प्रसिद्ध करण्यात आली आहे. याशिवाय, जिल्ह्यातील संबंधित तहसील कार्यालयांमध्येही ही अधिसूचना पाहण्यासाठी उपलब्ध आहे, अशी माहिती नगरपालिका प्रशासनाचे सहआयुक्त विश्वनाथ वडजे यांनी दिली.   ज्या नागरिकांना या प्रारूप आरक्षणाबाबत हरकती किंवा सूचना सादर करायच्या असतील, त्यांनी दिनांक ९ ऑक्टोबर २०२५ पासून १४ ऑक्टोबर २०२५ रोजी दुपारी ३:०० वाजेपर्यंत संबंधित नगरपरिषद/नगरपंचायत कार्यालयात लेखी ...

  जि. प. व पं. स. आरक्षण सोडतीसाठी 13 ऑक्टोबरला सभा अकोला, दि. 9 : जि. प. व पं. स. निर्वाचक गणाच्या आरक्षण सोडतीसाठी 13 ऑक्टोबरला सभा संबंधित तालुक्याच्या ठिकाणी होणार आहेत. महाराष्ट्र जिल्हा परिषदा आणि पंचायत समित्या जागांच्या आरक्षणाची पद्धत व चक्रानुक्रम नियम 2025नुसार जागा निश्चित करण्यासाठी ही सोडत सभा होईल. याबाबतचे प्रकटन जिल्हाधिकारी वर्षा मीना यांनी निर्गमित केले आहे. त्यानुसार जि. प. निवडणूक विभागासाठी सोडतीची सभा दि. १३ ऑक्टोबरला सकाळी ११ वा. अकोला येथे नियोजनभवनात होणार आहे. अकोट पं. स. आरक्षण सोडत अकोट तहसील कार्यालयात, बाळापूर पं. स. सोडत बाळापूर येथील नगरपरिषदेच्या सभागृहात, मूर्तिजापूर पं. स. सोडत मूर्तिजापूर येथील उपविभागीय अधिकारी कार्यालयाच्या परिसरातील शासकीय धान्य गोदामात, तसेच अकोला पं. स. आरक्षण सोडत अकोला उपविभागीय अधिकारी कार्यालयातील सभागृहात होणार आहे. या सर्व सभा दि. १३ ऑक्टोबरला स. ११ वा. होतील. काही ठिकाणी दु. ३ ची वेळ त्याचप्रमाणे, तेल्हारा पं. स. आरक्षण सोडत तेल्हारा तहसील कार्यालयात, बार्शिटाकळी येथील सोडत तेथील पं. स. सभागृहात व पातूर पं....

      फलोत्पादन अभियानाच्या लाभासाठी अर्ज करा कृषी विभागाचे आवाहन अकोला, दि. ८ : कृषी समृध्दी योजनेत एकात्मिक फलोत्पादन विकास अभियानात ४५.७२ लक्ष रू. लक्ष्यांक असून, विविध घटकांसाठी लाभ दिला जाणार आहे. शेतकरी बांधवांनी महाडीबीटी पोर्टलवर अर्ज करण्याचे आवाहन जिल्हाधिकारी वर्षा मीना यांनी केले आहे.     योजनेत क्षेत्र विस्तार फुल शेती, मसाला पिके, विदेशी फळपिक आदी, जुन्या फळबागांचे पुनरुज्जीवन, मधुमक्षिका पालन, आळिंब उत्पादन केंद्र, सामुहिक शेततळे, शेततळे अस्तरीकरण, शेडनेट हाऊस, पॉली हाऊस, प्लास्टीक मल्चींग, पॅक हाऊस, कांदाचाळ, फलोत्पादन यांत्रिकीकरण तसेच शीतगृह, शीतखोली, प्राथमिक प्रक्रीया केंद्र, एकात्मीक पॅक हाऊस, रेफर व्हॅन व रायपनिंग चेंबर इत्यादी प्रकल्प आधारीत घटकांचा समावेश आहे. एकात्मिक फलोत्पादन विकास अभियान सन २०२५-२६ कार्यक्रमांतर्गत राबविण्यात येणाऱ्या वरील घटकाचा लाभ घेण्यासाठी महाडीबीटी पोर्टलवर https://mahadbt.maharashtra.gov.in या संकेतस्थळावर फलोत्पादन या घटकाखाली, अर्ज करावेत. योजनेचा लाभ जिल्ह्यातील जास्तीत जास्त शेतकऱ्यांनी घ्याव...

  प्रतिष्ठान योजनेची ग्रंथयादी संकेतस्थळावर उपलब्ध अकोला दि. 9 : कोलकाता येथील राजा राममोहन रॉय ग्रंथालय प्रतिष्ठान व राज्य शासनाच्या संयुक्त निधीतून 50 व्या ग्रंथभेट योजनेत सन २०२३ मध्ये प्रकाशित व संचालनालयास प्राप्त झालेल्या ग्रंथांपैकी राज्य ग्रंथालय नियोजन समितीच्या उपसमिती सदस्यांनी निवड केलेल्या १ हजार ३८८ ग्रंथांची यादी   ग्रंथालय संचालनालयाच्या www.dol.maharashtra.gov.in   या संकेतस्थळावर अवलोकनार्थ खुली ठेवण्यात आली आहे. या ग्रंथ यादीतील ग्रंथ किमान २५ टक्के सूटदराने वितरीत करणे बंधनकारक आहे. या ग्रंथयादीतील कोणत्याही ग्रंथाबाबतची सुचना, हरकती, आक्षेप असल्यास दि. १५ ऑक्टोबर, २०२५ पर्यंत ग्रंथालय संचालक, ग्रंथालय संचालनालय, महाराष्ट्र राज्य, नगर भवन, मुंबई - ४०० ००१ यांच्याकडे लेखी स्वरुपात कार्यालयीन वेळेत हस्तबटवड्याने वा पोस्टाने अथवा ई-मेल वर पाठवावेत. मुदतीनंतर प्राप्त सुचनांचा/हरकतींचा/आक्षेपांचा विचार केला जाणार नाही. यादीत ग्रंथांचे नाव, लेखक, प्रकाशक व किंमत यामध्ये काही बदल असल्याचे निदर्शनास आणून दिल्यास स्वागतार्ह असेल, असे आवाहन प्र. ग्रंथालय ...

    जिल्हा ग्रंथालयात अभिजात मराठी ग्रंथप्रदर्शन अकोला दि. 9 : जिल्हा ग्रंथालय अधिकारी कार्यालयात अभिजात मराठी भाषा दिनानिमित्त ग्रंथ प्रदर्शन भरविण्यात आले. राज्य ग्रंथालय परिषदेचे सदस्य   प्रभाकरराव घुगे यांच्या हस्ते शुभारंभ झाला. जिल्हा ग्रंथालय संघाचे अध्यक्ष शामरावजी वाहुरवाघ अध्यक्षस्थानी होते. जिल्हा ग्रंथालय अधिकारी अतुल वानखडे उपस्थित होते, श्री. घुगे यांनी मराठी भाषेचे महत्व, मराठी भाषेची अभिजातता आणि मराठी भाषा संदर्भात विविध उपक्रम याबाबत सविस्तर मार्गदर्शन केले. ग्रंथालय निरीक्षक राजेश कोलते यांनी प्रास्ताविक केले. कैलास गव्हाळे यांनी आभार मानले.   ०००

    जिल्ह्यात १० संस्थांत अल्पकालीन अभ्यासक्रमांची सुरूवात अकोला दि. 9 :     सर्व शासकीय औद्योगिक प्रशिक्षण संस्था, तंत्र माध्यमिक शाळा तथा कनिष्ठ महाविद्यालय संस्थांमध्ये अद्ययावत तंत्रज्ञानावर आधारित अल्पकालीन मुदतीचे अभ्यासक्रम सुरु करण्याचे शासनाचे आदेश आहेत. त्यानुसार अकोला जिल्ह्यातील 8 शासकीय औद्योगिक संस्था, तसेच 2 शासकीय तंत्र माध्यमिक शाळांमध्ये विविध अभ्यासक्रम सुरू करण्यात आले आहेत. तंत्रज्ञानाधिष्ठित कौशल्ययुक्त मनुष्यबळाची मागणी मोठ्या प्रमाणात वाढत आहे. त्यामुळे युवकांना आधुनिक तंत्रज्ञान व सेवा क्षेत्राशी सुसंगत प्रशिक्षण देऊन औद्योगिक क्षेत्रास आवश्यक कुशल मनुष्य बळ पुरविणे हा उपक्रमाचा उद्देश आहे. अधिकाधिक युवकांनी प्रवेश घ्यावा. अधिक माहितीसाठी शासकीय औद्योगिक प्रशिक्षण संस्था व शासकीय तंत्र माध्यमिक शाळा यांच्याशी संपर्क साधावा. ‘एमएसबीएसव्हीईटी.इडीयु.इन’ या संकेतस्थळावर नोंदणी करता येईल. ०००

    मराठी अभिजात भाषा सप्ताह वऱ्हाडी बोली संशोधनाचे अकोला हे महत्त्वपूर्ण केंद्र – डॉ. रावसाहेब काळे अकोला, दि. ९ : मराठी भाषेला अभिजात भाषेचा दर्जा मिळाल्याने मराठीच्या व-हाडी आणि इतर सर्व बोलींच्या संशोधनाला चालना मिळेल. व-हाडी बोलीच्या संशोधनासाठी अकोला हे महत्वपूर्ण केंद्र असल्याचे प्रतिपादन भाषाशास्त्राचे ज्येष्ठ अभ्यासक, लेखक डॉ. रावसाहेब काळे यांनी आज येथे केले. जिल्हाधिकारी कार्यालयात मराठी अभिजात भाषा सप्ताहानिमित्त लोकशाही सभागृहात आयोजित कार्यक्रमात ते बोलत होते. अधिक्षक श्याम धनमने, तहसीलदार विश्वजित खंडारे,सहाय्यक अधीक्षक हर्षदा काकड यांच्यासह अधिकारी, कर्मचारी, भाषाप्रेमी नागरिक उपस्थित होते. डॉ. काळे म्हणाले की, मराठी भाषेत, तिच्या परंपरा आणि साहित्यात वैश्विक मूल्यांचा समावेश असल्याने ती अभिजात भाषा म्हणून गौरवली गेली आहे. मराठीची प्रमुख बोली असलेली व-हाडी भाषा, तिची विविध रूपे यवतमाळपासून बुलडाण्यापर्यंतच्या व-हाड प्रदेशात पाहायला मिळतात. व-हाडी बोलीचे शब्दकोश, वऱ्हाडी म्हणी, वऱ्हाडी बोलीचा भाषाशास्त्रीय अभ्यास अकोल्यात झाला असून, हे शहर वऱ्हाडी बोली...