जिल्हाधिकारी वर्षा मीना यांची सूर्योदय बालगृहाला सदिच्छा भेट

 

जिल्हाधिकारी वर्षा मीना यांची सूर्योदय बालगृहाला सदिच्छा भेट

 

अकोला, दि. २ : जिल्हाधिकारी वर्षा मीना यांनी बुधवारी सूर्योदय बालगृहाला सदिच्छा भेट देऊन प्रवेशित बालकांसोबत संवाद साधला.

जिल्हाधिका-यांनी बालगृहाची पाहणी करून संस्थेच्या कार्याची माहिती जाणून घेतली, संस्था करीत असलेल्या बालकांची विशेष काळजी व संरक्षणाच्या कार्याचे त्यांनी कौतुक केले. श्री.भय्युजी महाराज यांच्या या संस्थेमार्फत सुरु असलेल्या इतर कार्याची माहिती त्यांनी जाणून घेतली.

जिल्हाधिका-यांच्या उपस्थितीत यावेळी प्रवेशित बालकांना मिठाई व खेळ साहित्याचे वाटपही झाले. सोलापूर येथील राज्यस्तरीय चाचा नेहरू बाल महोत्सवासाठी निवड झालेल्या बालकांशी संवाद साधून त्यांनी प्राप्त घवघवीत यशाबद्दल बालकांचे मनापासून कौतुकही केले. संस्थेतील कर्मचारी वर्गासोबत संवादही साधला..

000