अकोला संवाद - जिल्हा माहिती कार्यालय अकोला

  जिल्हास्तरीय लोकशाही दिनाचे दि. ६ ऑक्टोबरला आयोजन अकोला, दि. २९ : जिल्हास्तरीय लोकशाही दिन व दिव्यांग लोकशाही दिन दि. ६ ऑक्टोबर रोजी दु. ३ वा. जिल्हाधिकारी कार्यालयातील लोकशाही सभागृहात आयोजित करण्यात आला आहे.   सर्व संबंधित, तसेच अधिकारी व कर्मचा-यांनी उपस्थित राहण्याचे आवाहन करण्यात आले आहे. यापूर्वीच्या प्रलंबित तक्रारींचा अनुपालन अहवाल लोकशाहीदिनापूर्वी सादर करण्याचे निर्देश संबंधित यंत्रणांना देण्यात आले आहेत. दर महिन्याच्या पहिल्या सोमवारी जिल्हास्तरीय लोकशाही दिन व दिव्यांग लोकशाही दिनाचे आयोजन करण्यात येते. 000

  अकोला,दि २४: बंजारा समाजाने निर्माण केलेला वैभवशाली परंपरा, सांस्कृतिक –सामाजिक वारसा आजही अनेकांसाठी प्रेरणास्त्रोत असून संवाद मेळाव्याच्या माध्यमातून होणारा संवाद, विचारमंथन सामाजिक चळवळीच्या दृष्टीने  महत्त्वाचे पाऊल ठरेल, असे प्रतिपादन राज्याचे मृद व जलसंधारण मंत्री संजय राठोड यांनी आज केले. ते जिल्ह्यातील दगडपारवा येथील जिल्हा बंजारा संवाद मेळावा व नागरी सत्कार सोहळ्यात बोलत होते. यावेळी जितेंद्र महाराज पोहरादेवी, रायसिंग महाराज रायगड,प्रमोद चव्हाण,दिलीपराव जाधव,मधुकरराव पवार आदी उपस्थित होते. दगडपारवा येथे राज्याचे माजी मुख्यमंत्री हरित क्रांतीचे प्रणेते वसंतराव नाईक यांच्या पूर्णाकृती पुतळ्याला मृद व जलसंधारण मंत्री संजय राठोड यांनी हारार्पण केले. यावेळी श्री.राठोड म्हणाले की बंजारा समाजाला मोठा सांस्कृतिक सामाजिक इतिहास आहे. देशाच्या विकासामध्ये बंजारा समाज बांधवांचे योगदान महत्त्वपूर्ण असून तांड्यावर राहणाऱ्या समाज बांधवांपासून ते शहरात राहणाऱ्या समाज बांधवापर्यंत प्रत्येकाचा सामाजिक, आर्थिक विकास साधण्याच्या उद्देशाने सर्व समाज बांधवांनी एकत्रित येणे ही काळाची गरज ...

  ई भूमिती प्रणाली जिल्ह्यातील जमीन व्यवस्थापनात पारदर्शकता, अचूकता आणि कार्यक्षमतेस चालना देत असून, भविष्यातील नियोजन, संसाधनांचा योग्य वापर आणि नागरिकांना वेगवान सेवा उपलब्ध करून देण्यासाठी उपयुक्त ठरणार आहे. – वर्षा मीना, जिल्हाधिकारी, अकोला ___ जिल्ह्यातील १२ हजार हे. जमिनीचे ’ई-भूमिती’द्वारे यशस्वी डिजिटायझेशन अकोला, दि. २५ : जिल्ह्यातील शासकीय जमिनी व मालमत्ता यांचे डिजिटायझेशन आणि प्रभावी व्यवस्थापन करण्यासाठी जिल्हा प्रशासनाद्वारे ’ई-भूमिती’ ही अत्याधुनिक जीआयएस आधारित ’डिजिटल गव्हर्नमेंट लँड अॅसेट मॅपिंग अँड मॉनिटरिंग सिस्टम’ यशस्वीरित्या कार्यान्वित करण्यात आली असून १२ हजार हे. शासकीय जमिनींचे डिजिटायझेशन पूर्ण झाले आहे. या अभिनव उपक्रमांतर्गत ग्राम महसुल अधिकारी प्रत्यक्ष स्थळावर जाऊन जमिनींची माहिती मालमत्तेचे नाव, सर्वे नंबर, क्षेत्रफळ, स्थान निर्देशांक, छायाचित्र ही माहिती प्रणालीवर नोंदवितात. मंडळ अधिकारी तपासणी करून ती माहिती प्रमाणित करतात, तर जिल्हाधिकारी स्तरावर संपूर्ण जिल्ह्याचे विश्लेषण, अहवाल व आकडेवारी सहज उपलब्ध होते. तसेच सार्वजनिक पोर्टलवर नागरिकांना मंजू...

  जिल्ह्यात ‘ अभिजात मराठी भाषा सप्ताह’ साजरा होणार अकोला, दि. २३ : सुमारे अडीच हजार वर्षांपेक्षा प्राचीन समृद्ध परंपरा असलेल्या मराठी भाषेच्या गौरवार्थ ‘अभिजात मराठी भाषा सप्ताह’ सर्वत्र साजरा होणार आहे. यानिमित्त जिल्ह्यातील सर्व कार्यालये, बँका, संस्था, शाळा- महाविद्यालयांनी यानिमित्त विविध उपक्रम राबविण्याचे आवाहन जिल्हाधिकारी वर्षा मीना यांनी केले आहे.     मराठी भाषा विभागातर्फे दि. ३ ऑक्टोबर हा अभिजात मराठी भाषा दिवस जाहीर करण्यात आला असून, दि. ३ ते ९ ऑक्टोबरदरम्यान अभिजात मराठी भाषा सप्ताह साजरा करण्यात येणार आहे. प्राचीन आणि जुन्या काळातील ग्रंथांची, लिपींची, भाषा व्यवहाराची, विविध कलांतील भाषेच्या उपयोगाची अनन्यसाधारण परंपरा मराठी भाषेला आहे. हा समृद्ध वारसा विविध समाजघटकांसमोर येण्यासाठी सप्ताहात उपक्रमांचे आयोजन करण्यात येणार आहे. जिल्ह्यातील सर्व कार्यालये, बँका, संस्था, शाळा- महाविद्यालयांनी यानिमित्त विविध उपक्रम राबविण्याचे आवाहन करण्यात आले आहे. सप्ताहानिमित्त व्याख्यानमाला, दुर्मिळ ग्रंथप्रदर्शन, परिसंवाद, निबंधलेखन, वक्तृत्व स्पर्धा आदी विविध उ...

  माजी सैनिकांसाठी बेळगावात आऊटरिच कार्यक्रम अकोला, दि. 22 : जिल्ह्यातील सर्व माजी सैनिक, दिवंगत सैनिकांच्या पत्नी आणि अवलंबितांसाठी दि. १९ ऑक्टोबरला सकाळी ८.३० ते सायंकाळी ४ या वेळेत कर्नाटकात बेळगाव येथे आऊटरिच कार्यक्रम होणार आहे. बेळगाव येथील श्री शिवाजी स्टेडियम येथे मराठा लाईट इन्फ्रन्टी   रेजिमेंटल सेंटरद्वारे वीर नारी, तसेच माजी सैनिक यांचा मेळावा आयोजित केला आहे.पेन्शनधारकांना त्यांच्या संरक्षण पेन्शनच्या अनुदान, वितरणाबाबतच्या तक्रारी नोंदवता याव्यात यासाठी या कार्यक्रमाचे आयोजन केले आहे. सदर मेळाव्यात लष्कराची २० अभिलेख कार्यालये आणि पीडीए येथील प्रतिनिधी उपस्थित राहणार आहेत. जिल्ह्यातील कुटूंब निवृत्ती वेतनधारक, माजी सैनिक, दिवंगत सैनिकांच्या पत्नी आणि अवलंबितांना निवृत्ती वेतन (स्पर्श) आणि ईसीएचएस आणि इतर काही समस्या असल्यास संपूर्ण मुळ कागदापत्रासह हजर राहून जास्तीत जास्त या संधीचा लाभ घ्यावा, असे आवाहन जिल्हा सैनिक कल्याण अधिकारी मेजर आनंद शरद पाथरकर यांनी केले आहे. 000

  डॉ. पंजाबराव देशमुख कृषी विद्यापीठात शिवार फेरी व चर्चा सत्राचा शुभारंभ शेती क्षेत्राच्या विकासासाठी कृषी समृद्धी योजनेत 5 हजार कोटींची तरतूद – कृषी मंत्री दत्तात्रय भरणे > अतिवृष्टीधारकांना तत्काळ भरपाई देणार अकोला, दि. २० : कृषी यांत्रिकीकरण, आधुनिक तंत्रज्ञान व पाण्याचा सुयोग्य वापर याद्वारे शेती क्षेत्राच्या विकासासाठी नानाजी देशमुख कृषी संजीवनी प्रकल्प व कृषी समृद्धी योजनेत शासनाने मोठी तरतूद केली आहे. नैसर्गिक संकटात शेतकरी बांधवांना पाठबळ देण्यासाठी राज्य शासन खंबीरपणे उभे आहे. राज्यातील एकही अतिवृष्टीबाधित शेतकरी भरपाईपासून वंचित राहणार नाही, अशी ग्वाही राज्याचे कृषी मंत्री दत्तात्रय भरणे यांनी आज येथे दिली.   डॉ. पंजाबराव देशमुख कृषी विद्यापीठ व कृषी विभागाच्या संयुक्त विद्यमाने विद्यापीठ परिसरात आयोजित शिवार फेरी व चर्चा सत्राच्या उद्घाटन प्रसंगी ते बोलत होते. कृषी राज्यमंत्री आशिष जयस्वाल, कुलगुरू डॉ. शरद गडाख, खासदार अनुप धोत्रे, आमदार प्रकाश भारसाकळे, आमदार हरीश पिंपळे, आमदार वसंत खंडेलवाल, आमदार किरण सरनाईक,  वसंतराव नाईक मराठवाडा कृषी विद्यापीठाचे कुलग...

  अकोला, दि. १९ :  विविध कृषी विद्यापीठांमधील रिक्त पदे भरण्याच्या अनुषंगाने त्यासंबंधीचा आकृतीबंध पुढील पंधरवड्यात मंजूर करून पुढील कार्यवाही करण्यात येईल. विद्यापीठांत आवश्यक वसतिगृहांसाठी, तसेच पायाभूत सुविधांसाठी निधी मिळवून देऊ, अशी ग्वाही राज्याचे कृषी मंत्री दत्तात्रय भरणे यांनी आज येथे दिली. राज्यातील सर्व कृषी विद्यापीठाच्या कुलगुरू व अधिकाऱ्यांची बैठक डॉ. पंजाबराव देशमुख कृषी विद्यापीठाच्या सभागृहात कृषी मंत्र्यांच्या अध्यक्षतेत झाली, त्यावेळी ते बोलत होते. डॉ. पंजाबराव देशमुख कृषी विद्यापीठाचे कुलगुरू डॉ. शरद गडाख, परभणी येथील वसंतराव नाईक मराठवाडा कृषी विद्यापीठाचे कुलगुरू डॉ. इंद्र मणी यांच्यासह विविध विद्यापीठांचे अधिकारी उपस्थित होते. बैठकीत विविध विद्यापीठांचे कुलगुरू व अधिकाऱ्यांकडून कृषी मंत्री श्री. भरणे यांनी सर्व विद्यापीठांचे कार्यक्षेत्र, उपक्रम, अडचणी आदींबाबत जाणून घेतले. हवामान बदलाचे जगावर मोठे संकट आहे. अचानक  अतीवृष्टीसारख्या संकटाने शेती व पिकांचे नुकसान होते. हे आपण सर्वांना आव्हान आहे. त्यामुळे बदलत्या स्थितीतील संकटावर मात करून शेती उत्पाद...

  अकोला, दि १९ : कृषिमंत्री दत्तात्रय भरणे यांनी डॉ पंजाबराव देशमुख कृषी विद्यापीठाच्या वणी रंभापुर येथील कृषी क्षेत्राची पाहणी केली. विद्यापीठाचे कुलगुरू डॉ. शरद गडाख यांच्यासह अधिकारी व विद्यापीठातील प्राध्यापक, संशोधक आदी उपस्थित होते. वणी रंभापुर येथे विद्यापीठाचे सर्वात मोठे बीज उत्पादन प्रक्षेत्र आहे. तिथे १ हजार १०० एकरावर बीज उत्पादन प्रकल्प आहे. त्याची पाहणी करून कृषी मंत्र्यांनी प्रत्येक घटकाची माहिती जाणून घेतली. तेथील संशोधन व प्रयोगांचे त्यांनी कौतुक केले. कृषी विद्यापीठाचे अधिकारी कर्मचारी उपस्थित होते. कृषिमंत्री श्री. भरणे यांच्या उपस्थितीत विद्यापीठातर्फे उद्या (२० सप्टेंबर) सकाळी ११ वाजता शिवार फेरी व थेट प्रात्यक्षिकांचा शुभारंभ होणार आहे. ०००

  अकोला, दि 19 : वित्त व नियोजन राज्यमंत्री आशिष जयस्वाल हे उद्या 20 सप्टेंबर रोजी अकोला येथे येत आहेत. त्यांचा दौरा पुढीलप्रमाणे : सकाळी 10.15 वाजता अकोला विमानतळ येथे आगमन व त्यानंतर सकाळी 10.30 वाजता डॉ. पंजाबराव देशमुख कृषी विद्यापीठ येथे आगमन, सकाळी 11 वाजता शिवार फेरी शुभारंभ कार्यक्रमास उपस्थिती, दु 1,35 वा विद्यापीठ विश्रामगृह येथे राखीव, दुपारी 2.30 वाजता नागपूरकडे रवाना. ०००

अकोला, दि. 19 :  का पू स हंगाम २०२५-२६ मध्ये आधार भू त किंमतीनुसार का पू स विक्री करण्यासाठी सर्व का पू स उत्पादक शेतक ऱ्यां ना  पू र्व नोंदणी करण्यासाठी  “ कपास किसान ”  या मोबाईल अप्लिकेशनव्दारे सुविधा उपलब्ध क रू न देण्यात आलेली आहे. सदरचे अॅप दि .  ३० ऑगष्ट २०२५ पा सू न गुगल प्ले स्टोअर आणि अॅपल आईओएस अॅप स्टोअरव रू न डाऊनलोड करता येणार आहे. सदर मोबाईल अॅप शेतक ऱ्यां नी डाऊनलोड क रू न दि .  १ सप्टें ते ३० सप्टें बर  २०२५ पर्यंत नोंदणी क रू न घ्यावी. पूर्व नोंदणी विंडो दि. १ सप्टें ते ३० सप्टें बर  पर्यंत  सुरू  रा हि ल .  सदर नोंदणीकरीता केवळ १० दिवसांचा अवधी शिल्ल क  अ सू न का पू स उत्पादक शेतक ऱ्यां नी दि. ३० सप्टें बर  पुर्वी कपास किसान अॅपवर नोंदणी करावी ,  असे आवाहन सहकारी सं स्थेचे  जिल्हा उपनिबंधक डॉ. प्रविण लोखंडे यांनी केले आहे. का पू स पिकाची नोंद करण्यासाठी १) सातबारा उतारा २) सातबारा उतारावर कापुस पिकाची नोंद (२०२५-२६ चे ऑनलाईन अद्यावत) ३) आधार कार्ड ४) शेतक ऱ्या चा फोटो ही कागदपत्रे आवश्यक आहेत. ...

  अकोला, दि. 19 :  जिल्हा जात प्रमाणपत्र पडताळणी समिती अकोला या कार्यालयाचे वतीने रा ष्ट्र नेता ते राष्ट्रपिता सेवा पंधरवडा राबविण्यात येत आहे.  त्यानिमित्त 22, 23, 24 व 29 सप्टेंबर रोजी जात पडताळणी त्रृटी शिबिरे  डॉ. बाबासाहेब आंबेडकर सामाजिक न्याय भवन ,  जिल्हा जात प्रमाणपत्र पडताळणी समिती  येथे  राबविण्यात येत आहे. सा मायि क परिक्षेनंतर उच्च शिक्षण व व्यावसायिक अभ्यासक्रमासाठी प्रवेश निश्चित करण्यासाठी जात वैधता प्रमाणपत्र आवश्यक आहे. त्यानुसार इयत्ता ११ वी व १२ वी विज्ञान शाखेतील नविन प्रवेशित विद्यार्थी यांनी अद्याप पर्यंतही जात वैधता प्रमाणपत्र मिळविण्याकरीता प्रस्ताव सादर करण्यात आले नाहीत अशा विद्यार्थ्यांकरीता या कार्यालयात अर्ज स्विकृतीसाठी विशेष खिडकीचे नियोजन करण्यात आले आहे. जेणेक रू न पु ढी ल व्यावसायिक अभ्यासक्रमासाठी प्रवेश घेण्यापा सू न कुठल्याही प्रकारचा विद्यार्थी विद्यार्थीनी वंचित राहणार नाही. महाविद्यालयात ११ वी १२ वी विज्ञान शाखेत प्रवेशीत असलेल्या विद्यार्थ्यांना जात वैधता प्रमाणपत्र ऑनलाईन पध्दतीने मिळण्याकरीता प्रस्ताव स्विकार...

    ‘माविम’च्या भगिनीकडून मसुरीत आयएएस प्रशिक्षणार्थ्यांना धडे अकोला, दि. १९ : महिला आर्थिक विकास महामंडळाच्या अकोला लोकसंचालित साधन केंद्राच्या व्यवस्थापक सोनाली अंबरते यांनी मसुरी येथे नुकतेच नवनियुक्त आयएएस अधिका-यांना बचत गटांचे कार्य, प्रत्यक्ष फिल्डवरचा अनुभव याबाबत प्रशिक्षण दिले. मसुरी येथील लालबहादूर शास्त्री प्रशासकीय प्रशिक्षण अकादमी येथे भारतीय प्रशासकीय सेवेतील प्रवेशानंतर अधिका-यांचे प्रशिक्षण पूर्ण होते. अकोला येथील लोकसंचालित साधनाचे कार्य, स्वबळावर निर्माण केलेली इमारत, स्वयंसहायता गटांचे जाळे आदी लक्षात घेऊन ‘माविम’च्या व्यवस्थापकीय संचालक राजलक्ष्मी शहा, तसेच प्रशासकीय अकादमीचे अधिकारी शैलेश नवाल यांच्या मार्गदर्शनात अकोला केंद्राच्या व्यवस्थापक सोनाली अंबरते यांची प्रशिक्षक म्हणून निवड करण्यात आली. त्यानुसार गेल्या आठवड्यात श्रीमती अंबरते यांनी मसुरी येथे जाऊन ‘स्वयंसहायता गटाच्या माध्यमातून महिला सक्षमीकरणाची चळवळ’ या विषयावर प्रशिक्षण दिले.   एका गटाच्या संस्थाचालक ते स्वतःची इमारत शासनाचा निधी न घेता उभारणे, शेतकरी उत्पादक कंपनीची स्थापना,...

  नमो नेत्र संजीवनी आरोग्य अभियान पंधरवड्याला सुरुवात अकोला, दि. १९   : प्रधानमंत्री नरेंद्र मोदी यांच्या वाढदिवसानिमित्त 17 सप्टेंबरपासून मुख्यमंत्री देवेंद्र फडणवीस यांच्या संकल्पनेतून ‘ नमो नेत्र संजीवनी आरोग्य अभियान ’ महाराष्ट्रभर सुरू झाले आहे. महात्मा गांधी जयंतीपर्यंत ( 2 ऑक्टोबर) चालणाऱ्या या भव्य उपक्रमांतर्गत राज्यात 10 लाखांहून अधिक नागरिकांची मोफत नेत्र तपासणी , शस्त्रक्रिया व औषधोपचार करण्याचे उद्दिष्ट ठेवण्यात आले आहे. अकोला जिल्ह्यातही अभियानाला सुरूवात झाली असून, पहिल्या दोन दिवसांतच ५३ शस्त्रक्रिया आणि सुमारे पाचशे तपासण्या झाल्या आहेत. मुख्यमंत्री यांची संकल्पना संपूर्ण राज्यभर राबविण्यात येणाऱ्या या भव्य उपक्रमाचा लाभ तळागाळातील नागरिकांपर्यंत पोहोचविण्याच्या उद्देशाने मुख्यमंत्री देवेंद्र फडणवीस यांच्या संकल्पनेतून हा उपक्रम सुरू करण्यात आला आहे. प्रत्येक गरजू नागरिकांपर्यंत पोहोचण्यासाठी सर्व शासकीय यंत्रणा प्रयत्नशील आहेत. जिल्हा व तालुका स्तरावर शिबिरांचे आयोजन राज्यातील सर्व 36 जिल्ह्यांमध्ये , तालुका व गावपातळीवर नेत्र तपासणी शिबिरे आय...

    अण्णासाहेब पाटील आर्थिक मागास विकास महामंडळ सीएससी केंद्रामधून मिळणार माफक दरात सेवा अकोला, दि. 18 : अण्णासाहेब पाटील आर्थिक मागास विकास महामंडळाच्या लाभार्थ्यांना आता सीएससी केंद्रामधून महामंडळाच्या योजनांचा लाभ माफक दरात घेता येणार आहे. याबाबतचा सामंजस्य करार महामंडळाच्या मुख्य कार्यालयामध्ये महामंडळाचे व्यवस्थापकीय संचालक विजयसिंह देशमुख व सीएससी केंद्राचे प्रमुख वैभव देशपांडे यांच्या उपस्थितीत करण्यात आला आहे. या करारानुसार अण्णासाहेब पाटील आर्थिक मागास विकास महामंडळाचे लाभार्थी आता त्यांच्या जवळच्या कोणत्याही सीएससी केंद्रावर जावून महामंडळाच्या योजनांचा लाभ कमी दरात घेऊ शकतील. यामध्ये महामंडळाच्या योजनांसाठी ऑनलाइन अर्ज भरणे, कागदपत्रे अपलोड करणे, योजनेची सद्य:स्थिती तपासणे आणि आवश्यक मार्गदर्शन मिळवणे यांसारख्या सुविधांचा रामावेश आहे. सीएससी केंद्र हे ग्रामीण भागातील नागरिकांसाठी विविध सरकारी आणि खाजगी सेवा पुरवण्याचे महत्त्वाचे माध्यम आहे. महामंडळाने सीएससी केंद्रासमवेत केलेल्या करारामुळे महामंडळाच्या लाभार्थ्यांना योजनेचा लाभ घेण्यासाठी जिल्ह्याच्या ठिकाण...

  ताडी विक्री दुकानांचा ई- लिलाव जाहीर अकोला, दि. 18 : जिल्ह्यातील ताडी विक्री दुकानांचा ई- लिलाव जाहीर करण्यात आला असून, इच्छूकांनी   अर्ज करण्याचे आवाहन करण्यात आले आहे. ताडी दुकानांचा जाहीरनामा ‘महाटेंडर्स’ ( www.mahatenders.gov.in )   या संकेतस्थळावर दि. २६ सप्टेंबरपर्यंत उपलब्ध राहील. तसेच ताडी दुकानांसाठी निविदा व दि. ३० सप्टेंबर रोजी लिलावात भाग घेण्यासाठी याच संकेतस्थळाचा वापर बोलीधारकांनी करावा. ई- लिलाव नि - निविदा पध्दत नवीन असल्याने काही शंका किंवा माहिती हवी असल्यास अधीक्षक, राज्य उत्पादन शुल्क, अकोला या कार्यालयात संपर्क साधावा. लिलावाची माहिती इच्छुकांनी संकेतस्थळावर पाहावी. ई-लिलाव -नि- निविदेच्या प्रक्रियेसंदर्भातील सर्व अधिकार जिल्हाधिकारी यांनी राखुन ठेवलेले आहेत. 000

  सण महाराष्ट्राचा, संकल्प अन्न सुरक्षेचा ‘एफडीए’ची तपासणी मोहिम अकोला, दि. 18 : अन्न व औषध प्रशासनातर्फे सणासुदीचा काळ लक्षात घेऊन मोहिम राबविण्यात येत आहे, अशी माहिती सहायक आयुक्त (अन्न) दे. गो. वीर यांनी दिली. आगामी काळात नवरात्र, दसरा, दिवाळी असा सणासुदीचा काळ लक्षात घेऊन मिठाई, खाद्यपदार्थांची दुकाने तपासण्यात येत आहेत. अन्न सुरक्षा अधिकारी यांनी नुकतेच काही अन्न दुकानांची सखोल तपासणी करून एका पेढीचे परवाने निलंबित केले आहेत. तसेच तूप, तेल (सोयाबीन, शेंगदाणा तेल व सुपर पामोलिन), मिठाई तसेच इतर अन्न पदार्थांचे नमुने विश्लेषणास्तव घेतले आहेत. त्याबाबतचा अहवाल प्रलंबित असून अहवाल प्राप्त होताच अन्न सुरक्षा कायद्यांतर्गत पुढील कार्यवाही घेण्यात येईल. 000000

    मासेमारी साधनांसाठी खरेदीवर अर्थसाह्य अर्ज करण्याचे आवाहन अकोला, दि. 18 : मत्स्यव्यवसाय सहकारी संस्थांना मासळी पकडण्यासाठी लागणा-या साधनांच्या खरेदीवर मत्स्यव्यवसाय विभागाकडून अर्थसाह्य दिले जाते. त्यासाठी अर्ज करण्याचे आवाहन सहायक मत्स्यव्यवसाय अधिकारी प्रि. रा. झोड यांनी केले आहे. जिल्हा वार्षिक योजनेंतर्गत सर्वसाधारण योजनेतून मासेमारी साधनाच्या खरेदीवर अर्थसहाय्य   दिले जाते. जिल्ह्यातील मत्स्यव्यवसाय सहकारी संस्थेतील सभासदांनी खरेदी केलेल्या नायलॉन सुत, जाळीवर 50 टक्के अनुदान देय आहे. जाळ्याच्या किमतीची कमाल मर्यादा प्रति किलोग्राम 800 रू. आहे व भूजल क्षेत्रातील मत्स्यव्यवसायासाठी नायलॉन तयार जाळी प्रति सभासद 20 किलोग्राम मर्यादेप्रमाणे अनुदान देण्यात येईल. भुजल क्षेत्रात लहान आकाराच्या होड्या वापरल्या जातात. त्यासाठी जिल्ह्यातील मासेमारी करणाऱ्या मत्स्यव्यवसाय सहकारी संस्था यांना बिगर यांत्रिक नौका (लाकडी नौका, पत्रा नौका, फायबर नौका) खरेदीवर प्रकल्प किंमतीच्या 50 टक्के किमान मर्यादेत अनुदान मिळते. तरी पात्र संस्थांनी या योजनेचा लाभ घेण्यासाठी मासेमार...

  अकोला, दि १७ : महिला ही संपूर्ण कुटुंबाचा व पर्यायाने समाजाचा, देशाचा आधार असते. महिला सशक्त झाल्याशिवाय सुदृढ भारताची कल्पना करता येणार नाही. त्यामुळे महिलांच्या निरामय आरोग्यासाठी विविध तपासण्या, उपचार व मार्गदर्शनासाठी ‘स्वस्थ नारी, सशक्त परिवार’ अभियान उपयुक्त ठरेल, असे प्रतिपादन राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी आज येथे केले. प्रधानमंत्री नरेंद्र मोदी यांचा वाढदिवसानिमित्त सार्वजनिक आरोग्य विभागातर्फे ’स्वस्थ नारी, सशक्त परिवार’अभियानाचा जिल्हास्तरीय शुभारंभ पालकमंत्री ॲड. फुंडकर यांच्या हस्ते जिल्हा स्त्री रुग्णालय येथे झाला, त्यावेळी ते बोलत होते. जिल्हाधिकारी वर्षा मीना, आरोग्य उपसंचालक डॉ.सुशीलकुमार वाकचौरे, जिल्हा शल्य चिकित्सक डॉ. आरती कुलवाल, जिल्हा आरोग्य अधिकारी डॉ. बळीराम गाढवे, डॉ. अभिजीत फडणीस आदी यावेळी उपस्थित होते. पालकमंत्री ॲड. फुंडकर म्हणाले की, कुटुंबात महिला अनेक जबाबदाऱ्या पार पाडत असतात. कुटुंबाची काळजी घेता घेता त्यांच्याकडेच दुर्लक्ष होऊ शकते. त्यामुळे महिलाभगिनींचे आरोग्य राखण्यासाठी शासनाने हे अभियान सुरू केले आह...

  अकोला, दि. 17 : सेवा पंधरवड्याच्या अनुषंगाने जिल्ह्यात गावोगाव व्यापक मोहीम राबवून गरजूंना ‘सर्वांसाठी घरे’, ‘पाणंदरस्ते योजना’ व आवश्यक महसूली सेवांचा लाभ मिळवून द्यावा, असे निर्देश राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी आज येथे दिले. महसूल विभागातर्फे छत्रपती शिवाजी महाराज महाराजस्व अभियानात ‘सेवा पंधरवड्याचा’ शुभारंभ आज नियोजनभवनात झाला, त्यावेळी ते बोलत होते. पंधरवड्यात राष्ट्रनेता पंतप्रधान श्री. नरेंद्र मोदी यांचा जन्मदिन (१७ सप्टेंबर) ते राष्ट्रपिता महात्मा गांधी जयंती (२ ऑक्टोबर) या कालावधीत मोहिम राबविण्यात येत आहे. अकोला जिल्हाधिकारी कार्यालयातर्फे विकसित करण्यात आलेल्या ‘ई-भूमिती सॉफ्टवेअर’चे अनावरणही यावेळी झाले. जिल्हाधिकारी वर्षा मीना, पोलीस अधिक्षक अर्चित चांडक, निवासी उपजिल्हाधिकारी विजय पाटील, उपविभागीय अधिकारी डॉ. शरद जावळे, उपजिल्हाधिकारी महेश परंडेकर व निखिल खेमनार आदी यावेळी उपस्थित होते. पालकमंत्री ॲड. फुंडकर म्हणाले की, लोकाभिमुख व पारदर्शक प्रशासन नागरिकांच्या दारापर्यंत पोहोचवणे हे उद्दिष्ट घेऊन हा उपक्रम हाती घेतला आहे. त्...