इतर मागास बहुजन कल्याण विभागाच्या वसतिगृहांत प्रवेश सुरू

 

 

इतर मागास बहुजन कल्याण विभागाच्या

वसतिगृहांत प्रवेश सुरू

अकोला, दि. ९ : इतर मागास बहुजन कल्याण विभागातर्फे अकोल्यात १ मुलांचे व १ मुलींचे अशी प्रत्येकी १०० क्षमतेची २ वसतिगृहे आहेत. तिथे प्रवेशासाठी ऑनलाईन अर्ज प्रक्रिया सुरू आहे.

मुलांचे वसतिगृह तापडियानगरात बिर्ला रस्त्यावर शुभमंगल इमारतीत, तर मुलींचे वसतिगृह संत तुकाराम चौकाजवळ माधवनगरात आहे.

चालू शैक्षणिक सत्रात व्यावसायिक शिक्षणासाठी प्रवेश घेतलेल्या विद्यार्थ्यांनी ऑनलाईन प्रवेशासाठी एचएमएएस.एमएएचएआयटी.ओआरजी या संकेतस्थळावर अर्ज करावा. बारावीनंतरच्या व्यावसायिक अभ्यासक्रमात प्रवेश घेतलेल्या पदवी व पदव्युत्तर अभ्यासक्रमात (बिगर व्यावसायिक अभ्यासक्रम वगळून) दि. 18 सप्टेंबरपूर्वी अर्ज करावा. 

इतर मागास प्रवर्ग, विमुक्त जाती, भटक्या जमाती व विशेष मागास प्रवर्ग या प्रवर्गातील व्यावसायिक शिक्षण घेणाऱ्या जास्तीत जास्त विद्यार्थ्यांनी वसतिगृहात प्रवेश मिळविण्यासाठी अर्ज सादर करावेत, असे आवाहन इतर मागास बहुजन कल्याण विभागाचे सहाय्यक संचालक अनिता राठोड यांनी केले आहे.

        ज्या विद्यार्थ्यांना गुणवत्तेनुसार किंवा वसतिगृहाच्या क्षमतेअभावी प्रवेश मिळणार नाही, त्यांचे अर्ज पं. दीनदयाळ स्वयम व ज्ञानज्योती सावित्रीबाई फुले आधार योजनेसाठी विचारात घेतले जातील. त्यामुळे वसतिगृह प्रवेशासाठी अर्ज करणे आवश्यक आहे. हे तालुकास्तरावरील विद्यार्थ्यांना लागू नाही. ते स्वयम व आधार योजनेसाठी थेट अर्ज करू शकतात.

०००