पं. उपाध्याय रोजगार मेळाव्यात १०० पदे भरणार
पं. उपाध्याय रोजगार मेळाव्यात १०० पदे
भरणार
अकोला, दि. १५ : जिल्हा रोजगार, कौशल्य
विकास, रोजगार व उद्योजकता मार्गदर्शन केंद्रातर्फे दि. १७ सप्टेंबर रोजी पं. दीनदयाळ
उपाध्याय रोजगार मेळाव्याचे आयोजन करण्यात आले आहे. त्यात ४ नामांकित कंपन्यांतील १००
पदांची भरती करण्यात येणार आहे, अशी माहिती केंद्राचे सहायक आयुक्त प्रफुल्ल शेळके
यांनी दिली.
मेळाव्यात दहावी, बारावी, आयटीआय, पदवीधर
उमेदवारांना संधी उपलब्ध आहेत. सहभागासाठी ऑनलाईन नोंदणी महास्वयम संकेतस्थळावर करावी
व मेळाव्याच्या दिवशी मुलाखतीसाठी हजर राहावे. सोबत बायोडेटा, शैक्षणिक कागदपत्रे,
तसेच पासपोर्ट आकारातील छायाचित्रे व इतर आवश्यक कागदपत्रे आणावीत.
जिल्हा कौशल्य विकास, रोजगार उद्योजकता
मार्गदर्शन केंद्र, जिल्हाधिकारी कार्यालय परिसर, प्रशासकीय इमारत, दुसरा माळा, अकोला
येथे स्वखर्चाने उपस्थित राहून संधीचा लाभ घ्यावा, मेळाव्यासंबंधीत अधिक माहिती करिता
या कार्यालयाच्या दुरध्वनी क्रमांक ०७२४- २४३३८४९ किंवा ७०२४२४१०९८ / ९४२१४२५०६६ या
भ्रमणध्वनी क्रमांकावर संपर्क साधावा, असे आवाहन सहायक आयुक्त, जिल्हा कौशल्य विकास,
रोजगार व उद्योजकता मार्गदर्शन केंद्र, अकोला यांनी केले आहे.
०००
टिप्पण्या
टिप्पणी पोस्ट करा