अकोला संवाद - जिल्हा माहिती कार्यालय अकोला

  ‘तीस वर्षांचा पल्ला – तपासणी अन् सल्ला’   असंसर्गजन्य आजारां च्या निदान - उपचा रां साठी १०० दिवसांची विशेष मोहीम अकोला, दि. ५   :   सार्वजनिक आरोग्य विभागातर्फे अकोला जिल्ह्यात ‘तीस वर्षांचा पल्ला – तपासणी अन् सल्ला’ हे १०० दिवसांचे विशेष अभियान राबविण्यात येत आहे. ‘माझं गाव आरोग्य संपन्न गाव अभियान’ अंतर्गत राबविण्यात येणाऱ्या या मोहिमेचा कालावधी १ सप्टेंबर ते १० डिसेंबर असा आहे. या अभियानांतर्गत ३० वर्षे व त्यावरील महिला व पुरुषांची उच्च रक्तदाब , मधुमेह तसेच तोंडाचा , स्तनाचा आणि गर्भाशय मुखाचा कर्करोग यांसारख्या असंसर्गजन्य आजारांची प्राथमिक तपासणी करण्यात येत आहे. आजारांचे लवकर निदान , उपचार , संदर्भ सेवा आणि पाठपुरावा सुनिश्चित करणे हा या अभियानाचा प्रमुख उद्देश आहे. अभियानाच्या माध्यमातून ३० वर्षे व त्यावरील प्रत्येक नागरिकाची तपासणी सुनिश्चित करणे , यापूर्वी तपासणी न झालेल्या व्यक्तींची लाईन लिस्टिंग व नोंदणी करणे , मधुमेह व उच्च रक्तदाबाचे लवकर निदान करणे तसेच तोंडाचा , स्तनाचा आणि गर्भाशय मुखाचा कर्करोग यांची प्राथमिक तपासणी करण्यात येणार आहे....

 मुख्यमंत्री समृध्द पंचायतराज अभियान अमरावती विभागात यशस्वी करावे - विभागीय आयुक्त नयना गुंडे विभागीय कार्यशाळा संपन्न   अमरावती दि.१ - लोकसहभाग वाढवून व नवीन शासन निर्णयातील निकषांचे तंतोतंत पालन करून अमरावती विभागातील जास्तीत जास्त ग्रामपंचायती, पंचायत समिती व जिल्हा परिषदा स्पर्धेमध्ये पात्र होतील यासाठी सर्व यंत्रणा व यंत्रणांच्या अधिकारी-कर्मचारी यांनी परिश्रम घ्यावेत व समन्वयाने अमरावती विभागात मुख्यमंत्री समृध्द पंचायतराज अभियान यशस्वी करावे असे आवाहन अमरावती विभागाच्या विभागीय आयुक्त नयना गुंडे यांनी केले. मुख्यमंत्री समृध्द पंचायतराज अभियानाबाबत अमरावती विभागाच्या विभागीय आयुक्त नयना गुंडे यांच्या अध्यक्षतेखाली विभागातील पाचही जिल्ह्यांतील जिल्हा परिषदांचे मुख्य कार्यकारी अधिकारी, अतिरिक्त मुख्य कार्यकारी अधिकारी, जिल्हा ग्रामीण विकास यंत्रणांचे प्रकल्प संचालक व सर्व तालूक्यांचे गट विकास अधिकारी यांच्यासाठी शुक्रवारी विभागीय कार्यशाळेचे दुरदृष्यप्रणालीव्दारे आयोजन करण्यात आले होते. यावेळी मार्गदर्शन करतांना त्या बोलत होत्या. या कार्यशाळेत मुख्यमंत्री समृध्द पंचायतराज ...

  दुष्काळावर मात करण्यासाठी ग्रामपंचायतनिहाय विकास आराखडा तयार करा -         महसूल मंत्री चंद्रशेखर बावनकुळे   अकोला पूर्व मतदारसंघातील मुख्यमंत्री बळीराजा शेत-पाणंद रस्त्यांच्या कामांचे महसूल मंत्र्यांच्या हस्ते ऑनलाईन उद्घाटन   जलसंधारण कामांसह पांदणरस्त्यांच्या कामांनाही चालना -आमदार रणधीर सावरकर   20.30 किमी लांबीच्या पाणंद रस्त्यांना 2 कोटी 29 लाख निधी   अकोला, दि. 04 : शेतकऱ्यांना खते, बि-बियाणे, मशागतीचे यंत्रसामुग्री नेण्यासाठी दळणवळणाची सुविधा व्हावी तसेच शेतमाल बाजारपेठेत योग्यवेळी सुरक्षित पोहोचावा, यासाठी शेतकऱ्यांना पाणंद रस्त्यांची नितांत आवश्यकता भासते. ही गरज पूर्ण करण्यासाठी तसेच कमी पर्जन्यमानामुळे उद्भवलेल्या दुष्काळावर मात करण्यासाठी ग्रामपंचायतनिहाय विकास आराखडा तयार करावेत. या कामांसह गावांचा सर्वांगिण विकास साधण्यासाठी निधी उपलब्ध करुन दिला जाईल, असे प्रतिपादन राज्याचे महसूल मंत्री चंद्रशेखर बावनकुळे यांनी केले.   जिल्हाधिकारी कार्यालयाच्या नियोजन भवनात आयोजित कार्यक्रमात अकोल...

  दुष्काळग्रस्तांच्या मदतीसाठी अकोला-वाशिम जिल्हा मध्यवर्ती सहकारी बँकेचा पुढाकार ! मुख्यमंत्री सहायता निधीस २५ लाखांची आर्थिक मदत ; सहकार क्षेत्राच्या सामाजिक बांधिलकीचे दर्शन   अकोला, दि. ०३ : राज्यातील दुष्काळग्रस्त शेतकरी बांधवांना मदत करण्यासाठी अकोला-वाशिम जिल्हा मध्यवर्ती सहकारी बँकेने सामाजिक बांधिलकी जपत मुख्यमंत्री सहायता निधीस २५ लाख रुपयांची आर्थिक मदत दिली आहे. नुकताच बँकेचे अध्यक्ष डॉ. जयराज कोरपे, संचालिका सौ. अपर्णाताई धोत्रे, संचालक अनिल जाधव, डॉ. अभिषेक तिडके, अजिंक्य राजत तसेच शिरीष धोत्रे आणि बँकेचे मुख्य कार्यकारी अधिकारी अनंत वैद्य यांच्या उपस्थितीत हा मदत निधीचा धनादेश जिल्हाधिकारी वर्षा मीना यांच्याकडे सुपूर्द केला. बँकेच्या या संवेदनशील आणि स्तुत्य उपक्रमातून सहकार क्षेत्राची सामाजिक उत्तरदायित्वाप्रती असलेली बांधिलकी अधोरेखित झाली आहे.   महाराष्ट्रातील बहुतांश जिल्ह्यांमध्ये यंदा अत्यल्प पावसामुळे शेती पिकांचे मोठ्या प्रमाणावर नुकसान झाले आहे. पाणीसाठा मर्यादित असल्याने रब्बी हंगामावरही प्रतिकूल परिणाम होण्याची शक्यता निर्माण झाली आहे...

 विशेष लेख चारा टंचाई आणि उपाययोजना ----------------------- चालु आर्थिक वर्षातील दुष्काळजन्य परिस्थितीच्या अनुषंगाने राज्यातील चारा टंचाईवर मात करण्यासाठी राज्य शासनाच्या कृषी विभागामार्फत करावयाच्या उपाययोजनांबाबत मार्गदर्शक सूचना निर्गमित करण्यात आल्या आहेत. चारा टंचाई, उपाययोजना आणि चारा उत्पादन या विषयीची ही माहिती... ---------------------- महाराष्ट्रातील शेती आणि शेतकरी हे प्रामुख्याने निसर्गाच्या कृपेवर आधारीत पावसावर अवलंबून आहेत. आपल्या राज्यातील शेतीमध्ये कोरडवाहू शेती अधिक प्रमाणात केली जात असल्याचे आपल्या लक्षात येते. शेती ही पुर्णपणे पावसावर अवलंबून असणाऱ्या शेतकऱ्यांना कधी कधी निसर्ग ही कृपादृष्टी करीत नाही व नैसर्गिक संकट निर्माण होते आणि आपला बळीराजा दुष्काळासारख्या संकटात आणि चक्रव्यूहात अडकला जातो. अशीच काही बिकट परिस्थिती यंदाच्या खरीप हंगामापासून आपल्या समोर येऊन ठेपली आहे. त्यातही चाऱ्याअभावी पशुधन वाचविणे ही एक मोठी समस्या समोर उभी राहणार आहे. महाराष्ट्र राज्यात २०२६ च्या नैऋत्य मोसमी पावसामध्ये झालेली तूट, पावसाचे असमान वितरण, खरीप पिकांच्या उत्पादनात झालेली घ...

    व्हीबी-जीराम जीअंतर्गत आढावा रोहयोमध्ये अधिकाधिक कामांना चालना द्यावी -         जिल्हाधिकारी वर्षा मीना अकोला, दि. २ : जिल्ह्यातील प्रत्येक गावात व्हीबी-जीराम जी योजनेत कामांना चालना द्यावी जेणेकरून स्थानिक स्तरावर रोजगार उपलब्ध होईल, असे निर्देश जिल्हाधिकारी वर्षा मीना यांनी आज येथे दिले. दुष्काळ परिस्थितीच्या अनुषंगाने जिल्हाधिका-यांनी रोजगार हमी योजनेतील तालुकानिहाय मजूरांची उपस्थितीचा व कामांचा आढावा बैठकीद्वारे घेतला. रोहयो उपजिल्हाधिकारी विजय पाटील, उपवनसंरक्षक सुमंत सोळंके, वनाधिकारी, कृषी अधिकारी हे सभागृहात व सर्व तहसीलदार, गटविकास अधिकारी व्हीसीद्वारे उपस्थित होते. जिल्ह्यात आजमितीला व्हीबी-जीराम जी योजनेत २ हजार ३४२ कामे सुरू असून, ९ हजार १२५ मजूर उपस्थिती आहे. दुष्काळाच्या पार्श्वभूमीवर गावांची गरज ओळखून अधिकाधिक कामे प्रस्तावित करावी व त्यांना तत्काळ चालना द्यावी, असे निर्देश जिल्हाधिका-यांनी दिले. शेतात किंवा मोकळ्या जागेवर उताराच्या ठिकाणी पाणी जमिनीत खोलवर मुरवण्यासाठी   जलतारा योजनेतून शोषखड्डे ...

  इमाव वित्त व विकास महामंडळाची योजना एकरकमी कर्ज फेडल्यास व्याजात ५० टक्के सवलत अकोला ,  दि. २९ :   इतर मागासवर्गीय वित्त आणि विकास महामंडळ मर्यादित , जिल्हा कार्या लया मार्फत थकबाकीदार लाभार्थ्यांसाठी योजना जाहीर करण्यात आली आहे. थकीत कर्ज प्रकरणात ज्या लाभार्थ्यांना संपूर्ण थकीत कर्ज रकमेचा एकरकमी भरणा करायचा आहे , अशा लाभार्थ्यांना थकीत व्याज रक्कमेत ५० टक्के सवलत देण्याचा निर्णय महामंडळाने घेतला आहे. या विशेष ' एकरकमी कर्ज परतावा '   योजनेचा लाभ लाभार्थ्यांना ३१ मार्च २०२७ पर्यंत घेता येणार आहे. महामंडळाच्या सर्व थकबाकीदार लाभार्थ्यांनी या सुवर्णसंधीचा आणि सवलतीचा जास्तीत जास्त फायदा घेऊन कर्जमुक्त व्हावे , असे जाहीर आवाहन जिल्हा व्यवस्थापक , अकोला यांनी केले आहे.  

  वनहक्क दावे निकाली काढण्याची व वनपट्टे वाटपाची मोहीम आता 15 डिसेंबरपर्यंत प्रलंबित दाव्यांचा निपटारा करून पात्र वनहक्कधारकांना वनहक्क अभिलेख देण्याचे निर्देश               अकोला , दि. 29 : राज्यातील पात्र वनपट्टेधारकांचे वैयक्तिक व सामूहिक वनहक्क दावे अंतिम करण्यासह मंजूर वनपट्टे वाटपाची विशेष मोहीम आता 15 डिसेंबर 2026 पर्यंत सुरू राहणार आहे. या मोहिमेद्वारे सर्व स्तरांवरील प्रलंबित वनहक्क दावे निकाली काढून पात्र लाभार्थ्यांना वनहक्क अभिलेख उपलब्ध करून देण्याचे निर्देश देण्यात आले आहेत. यासंदर्भात महसूल विभागाने परिपत्रक निर्गमित केले आहे.               यापूर्वी 17 सप्टेंबर ते 2 ऑक्टोबर 2026 या कालावधीत विशेष कालबद्ध वनहक्क मोहीम राबविण्यात आली होती. मात्र , वनहक्क दावे अंतिम करण्याची प्रक्रिया आणि मंजूर वनपट्टे वाटपाची कार्यवाही पूर्ण करण्यासाठी या मोहिमेचा कालावधी वाढविण्यात आला आहे.         ...

  नोटीसप्राप्त मतदारांनी कागदपत्रांची पूर्तता करून घ्यावी निवडणूक कार्यालयाचे आवाहन अकोला, दि. २९ : ज्या मतदारां ची नोटीसांबाबतची कार्यवाही अद्याप प्रलंबित आहे , अशा मतदारांच्या याद्या संकेतस्थळावर अपलोड करण्यात आल्या आहेत. त्यांनी मतदार नोंदणी अधिकारी यांच्याकडे कागदपत्रांची पूर्तता करावी, असे आवाहन निवडणूक कार्यालयातर्फे करण्यात आले आहे. मतदार याद्यांचे विशेष सखोल पुनरिक्षण कार्य क्रमात जिल्ह्यातील सर्व विधानसभा मतदारसंघाच्या  प्रारूप मतदार याद्या प्रसिद्ध करण्यात आल्या आहेत.         प्रारूप मतदार यादीमध्ये समाविष्ट असलेल्या ज्या मतदारांचा नावांची जुळवणी संबंधित मतदारांच्या किंवा त्यांच्या नातेवाईकांच्या मागील एसआयआर नोंदींशी झालेली नाही ,   तसेच जुळवणी करूनही तार्किक विसंगती आलेली आहे अशा मतदारांना नोटीसा देऊन त्यांच्याकडून आवश्यक कागदपत्रे घेऊन अशी प्रकरणे संबंधित मतदार नोंदणी अधिकारी यांच्यामार्फत निकाली काढण्यात येत आहेत. विशेष सखोल पुनरिक्षण कार्यक्रमाच्या सुधारित वेळापत्रकानुसार सदर कामकाजाचा कालावधी दिनांक 10 नोव्हेंब...