अकोला संवाद - जिल्हा माहिती कार्यालय अकोला

  अमरावती विभाग शिक्षक मतदारसंघ निवडणूक   अमरावती येथे मंगळवारी होणार मतमोजणी मतमोजणी केंद्रात १७५ अधिकारी, कर्मचारी नियुक्त; पोलीस बंदोबस्तही चोख   अमरावती दि. २५ - महाराष्ट्र विधानपरिषदेच्या अमरावती विभाग शिक्षक मतदारसंघाच्या निवडणुकीसाठी शुक्रवार २३ ऑक्टोबर २०२६ रोजी अमरावती विभाग मतदारसंघात मतदान प्रक्रिया पार पडली आहे. या निवडणुकीच्या मतदानानंतर आता मतमोजणीची तयारी पूर्ण झाली असून मंगळवार २७ ऑक्टोबर २०२६ रोजी अमरावती येथील लोकशाही भवन येथे मतमोजणीची प्रक्रिया पार पाडण्यात येणार आहे. यासाठी एकूण १५२ अधिकारी/ कर्मचारी नियुक्त करण्यात आले असून २३ अधिकारी/ कर्मचारी राखीव ठेवण्यात आले आहेत. याप्रमाणे एकूण १७५ अधिकारी - कर्मचारी नेमण्यात आले आहेत. तसेच या ठिकाणी सुरक्षा व्यवस्था आणि पोलीस बंदोबस्त चोख ठेवण्यात आला आहे. विद्यापीठ मार्गावरील लोकशाही भवनात सुसज्ज असे मतमोजणी केंद्र स्थापन करण्यात आले आहे. या ठिकाणी मतमोजणीची संपूर्ण व्यवस्था करण्यात आली असून, याच ठिकाणी मतमोजणी कक्ष आणि स्ट्रॉग रूम राहणार आहेत. मतमोजणीसाठीचे सविस्तर प्रशिक्षण मतमोजणी अधिकारी व कर्मचारी यांना ...

 विशेष लेख                                               ‘शिक्षक’ निवडणूकीची मतमोजणी                                              भारतीय लोकशाही ही जगातील सर्वात मोठी लोकशाही मानली जाते. ही लोकशाही केवळ संविधानावर आधारित नसून ती निवडणुकांच्या प्रक्रियेद्वारे जिवंत ठेवली जाते. लोकशाही म्हणजे केवळ मतदान करणे नव्हे, तर ती एक जीवनपद्धती आणि शासनप्रणाली आहे. अब्राहम लिंकन यांच्या शब्दात सांगायचे तर, "लोकांनी, लोकांच्या हितासाठी, चालवलेले लोकांचे राज्य म्हणजे लोकशाही." या लोकशाहीचा एक भाग म्हणून महाराष्ट्र विधान परिषदेच्या अमरावती विभाग शिक्षक मतदारसंघाची निवडणुक आता अंतिम टप्प्यात आली आहे. अमरावती विभागातील ५ जिल्ह्यातील ८१ मतदान केंद्रावर शुक्रवारी २३ ऑक्टोबर रोजी सकाळी ८ ते दुपारी ४ या कालावधीत मतदान प्रक्रिया पार पडली. विभागातील एकूण ३३ हजार ३४ मतदारां...

 जागतिक पोलिओ दिन : जनसहभाग, लसीकरण आणि आरोग्य कर्मचाऱ्यांच्या अथक प्रयत्नांतून पोलिओवर विजय! २४ ऑक्टोबर जागतिक पोलिओ दिनानिमित्त जनजागृतीचे आवाहन; पोलिओमुक्त भारताचे यश टिकविण्यासाठी नियमित लसीकरण आणि सतर्कता आवश्यक  पोलिओ या गंभीर आणि संसर्गजन्य विषाणूजन्य आजाराचे निर्मूलन करण्यासाठी जगभरात दरवर्षी २४ ऑक्टोबर रोजी जागतिक पोलिओ दिन पाळला जातो. पोलिओमुळे बालकांना कायमस्वरूपी अर्धांगवायू होण्याचा धोका असतो. मात्र, प्रभावी लसीकरण, आरोग्य विभागाचे सातत्यपूर्ण प्रयत्न, आरोग्य कर्मचारी व अधिकाऱ्यांची मेहनत आणि नागरिकांचा सक्रिय सहभाग यांच्या बळावर भारताने पोलिओ निर्मूलनाच्या दिशेने ऐतिहासिक यश मिळविले आहे. हे यश कायम टिकवून ठेवण्यासाठी प्रत्येक बालकाचे संपूर्ण लसीकरण करणे आणि समाजात सातत्याने जनजागृती करणे आवश्यक आहे. पोलिओमुक्त भारत : देशासाठी ऐतिहासिक यश पोलिओ हा पोलिओव्हायरसमुळे होणारा अत्यंत संसर्गजन्य आजार आहे. प्रामुख्याने दूषित पाणी आणि अन्नाद्वारे विषाणूचा प्रसार होतो. हा आजार प्रामुख्याने पाच वर्षांखालील बालकांना प्रभावित करतो. काही रुग्णांमध्ये हा विषाणू मज्जासंस्थेवर परि...

 चारा लागवडीतून ग्रामीण रोजगाराला चालना; पशुधनासाठी हिरव्या चाऱ्याची उपलब्धता – रोजगार हमी योजना मंत्री भरत गोगावले   चारा पीक लागवडीच्या अंदाजपत्रकास शासनाची मान्यता   अकोला, दि. 24 - राज्यातील दुष्काळसदृश परिस्थितीच्या पार्श्वभूमीवर पशुधनासाठी चाऱ्याची टंचाई भासू नये आणि ग्रामीण भागातील मजुरांच्या हाताला शाश्वत काम मिळावे, यासाठी राज्य शासनाने महत्त्वाचे पाऊल उचलले आहे. 'विकसित भारत रोजगार व आजीविका हमी अभियान (ग्रामीण)' (व्हीबी जी राम जी) अंतर्गत वैयक्तिक तसेच ग्रामपंचायत व सार्वजनिक जमिनीवर चारा पिकांच्या लागवडीसाठीच्या सविस्तर अंदाजपत्रकास (आर्थिक मापदंडास) शासनाने मान्यता दिली आहे. या निर्णयामुळे राज्यातील दुष्काळसदृश तालुक्यांसह ग्रामीण भागातील पशुपालकांना हिरवा चारा मिळण्यास मोठी मदत होणार असून ग्रामीण अर्थव्यवस्थेला बळ मिळेल, अशी माहिती रोजगार हमी योजना मंत्री भरत गोगावले यांनी दिली.   वैयक्तिक जमिनीवर ७ हजार ४९० रोपांच्या चारा लागवडीसाठी एकूण १ लाख २१ हजार ८१५ रुपयांचे अंदाजपत्रक मंजूर करण्यात आले आहे. यामध्ये २४५ मनुष्य दिवसांच्या मजुरीसाठी ७७ हजार ६६५ रुप...

    जिल्ह्यात २७ ऑक्टोबरला राष्ट्रीय जंतनाशक दिन ; ३ नोव्हेंबरला मॉप-अप मोहीम शाळा व अंगणवाड्यां त जंतनाशक गोळ्या वाटणार अकोला, दि. २३ : मुलामुलींचे आरोग्य सुधारण्यासाठी , कुपोषणाला प्रतिबंध करण्यासाठी आणि त्यांची शारीरिक व बौद्धिक वाढ साधण्यासाठी सार्वजनिक आरोग्य विभागाच्या वतीने दि. २७ ऑक्टोबर ला राष्ट्रीय जंतनाशक दिन राबविण्यात येणार आहे. शाळा, अंगणवाड्यात विनामूल्य जंतनाशक गोळ्या वाटण्यात येतील. मॉप-अप दिन ३ नोव्हेंबर ला असेल. जिल्हाधिकारी वर्षा मीना व मुख्य कार्यकारी अधिकारी अनय नावंदर यां च्या मार्गदर्शना त मो हि म राबविण्यात येत आहे . नियोजनाबाबत बैठक जिल्हाधिकारी कार्यालयात निवासी उपजिल्हाधिकारी गजेंद्र मालठाणे यांच्या उपस्थितीत झाली. माता व बालसंगोपन अधिकारी डॉ. विनोद करंजीकर उपस्थित होते.   या मोहिमेत १ ते १९ वर्षे वयोगटातील सर्व बालके , शाळेत जाणारे विद्यार्थी तसेच शाळाबाह्य मुले-मुली यांचा समावेश आहे. शासकीय , अनुदानित व खासगी शाळा , कनिष्ठ महाविद्यालये आणि ग्रामीण व शहरी अंगणवाडी केंद्रांमध्ये पात्र लाभार्थ्यांना अल्बेंडाझोल या जंतनाशक औषधाचे म...

  जिल्हाधिका-यांची मोर्णा प्रकल्पाला भेट पेयजलासाठी सर्वोच्च प्राधान्य जिल्हाधिकारी वर्षा मीना अकोला , दि. २३ : मानवी जीवन आणि पशुधनासाठी पिण्याचे पाणी उपलब्ध करून देणे ही प्रशासनाची सर्वोच्च प्राथमिकता आहे. मोर्णा प्रकल्पाचे पाणी पिण्यासाठी राखीव असून, पाण्याचा अपव्यय होता कामा नये, असे निर्देश जिल्हाधिकारी वर्षा मीना यांनी आज दिले. जिल्हाधिका-यांनी पातूरनजिक मोर्णा प्रकल्पाला भेट देऊन उपलब्ध साठा, आवश्यकता व नियोजन आदींची माहिती घेतली. यावेळी त्यांनी स्थानिक नागरिकांशी संवादही साधला. मोर्णा प्रकल्प क्षेत्रातील शेतकऱ्यांना आपल्या फळबागा आणि शेतीपिके वाचवण्यासाठी नवीन विहीर किंवा विंधनविहीरी खोदण्यासाठी उपविभागीय अधिकारी यांच्या पूर्वपरवानगीची आवश्यकता नाही. तसा सुधारित आदेश यापूर्वीच काढला आहे. तथापि, जलाशयातील पाणी पेयजलासाठी राखीव आहे. त्यामुळे तेथून उपसा सिंचन होऊ नये किंवा अपव्यय होईल अशाप्रकारे थेट नदीत पाणी सोडू नये. पाण्याचा कुठेही अपव्यय होता कामा नये. याची दक्षता बाळापूर एसडीओ, उपविभागीय पोलीस अधिकारी आणि महावितरण व प्रशासनाने घेण्याचे निर्देश त्यांनी दिले. प...

 सर्व व्हेईकल वॉशिंग सेंटर्स' तातडीने बंद; जिल्हाधिकाऱ्यांचे आदेश अकोला, दि. २३ : अकोला महानगरपालिका क्षेत्रात वाहने धुण्यासाठी सुरू असलेले सर्व वॉशिंग सेंटर्स टंचाई कालावधी संपेपर्यंत तातडीने बंद करण्याचे आदेश जिल्हाधिकारी वर्षा मीना यांनी दिले आहेत. जिल्ह्यात यावर्षी झालेल्या कमी पर्जन्यमानामुळे भूजल पातळीत कमालीची घट झाली आहे. आगामी उन्हाळ्यात तीव्र पाणीटंचाई भासू नये, तसेच मानवी जीवन आणि पशुधनासाठी पिण्याचे पाणी उपलब्ध करून देणे ही प्रशासनाची सर्वोच्च प्राथमिकता असल्याने हा निर्णय घेण्यात आला आहे. आदेशाचे उल्लंघन केल्यास कारवाई आपत्ती व्यवस्थापन अधिनियम, २००५ आणि महाराष्ट्र भूजल अधिनियम, २००९ मधील तरतुदींनुसार जिल्हाधिकाऱ्यांनी हे प्रतिबंधात्मक आदेश २२ ऑक्टोबर २०२६ पासून लागू केले आहेत. या आदेशाची काटेकोर अंमलबजावणी करण्याची जबाबदारी अकोला महानगरपालिका, उपविभागीय अधिकारी, उपविभागीय पोलीस अधिकारी आणि महावितरण यांच्यावर सोपवण्यात आली आहे. नियमांचे उल्लंघन करून पाणी उपसा करणाऱ्यांवर कडक कारवाई केली जाईल, असा इशारा प्रशासनाने दिला आहे. ०००

  जिल्हास्तरीय रस्ते सुरक्षा समितीच्या बैठकीत चर्चा पार्किंग स्थळे निश्चित करण्यासाठी संयुक्त पाहणी करणार अकोला, दि. २२ : शहरातील पार्किंगच्या समस्येवर मात करण्यासाठी वाहनतळांच्या जागा निश्चित होणे आवश्यक आहे. महापालिका, वाहतूक पोलीस व परिवहन विभागाने संयुक्त पाहणी करावी जेणेकरून उपलब्ध जागांमध्ये वाहनतळ निर्माण होऊ शकतील, असे निर्देश जिल्हास्तरीय रस्ते सुरक्षा समितीच्या बैठकीत आज देण्यात आले. जिल्हाधिकारी वर्षा मीना यांच्या अध्यक्षतेत झालेल्या या बैठकीला पोलीस अधिक्षक अर्चित चांडक, महापालिका आयुक्त सुनील लहाने, अति. जिल्हाधिकारी जोगेंद्र कट्यारे प्रादेशिक परिवहन अधिकारी रवींद्र भुयार, सा. बां. कार्यकारी अभियंता प्रसाद पाटील, निमंत्रित सदस्य प्रदीप गुरूखुद्दे व इतर अधिकारी उपस्थित होते. मुख्य रस्त्यांलगत वाहने उभी करण्यासाठी जागा नसल्याने वाहतुकीत अडथळे येतात.   त्यामुळे पार्किंग स्लॉटसाठी कुठल्या जागा उपलब्ध होऊ शकतात हे शोधणे गरजेचे आहे. त्याअनुषंगाने वाहतूक पोलीस, परिवहन व पालिकेतर्फे संयुक्त पाहणी करावी व तसा अहवाल सादर करावा. शहरातील वाहतूक सुरळीत होण्यासाठी प्रयत...

 अमरावती विभाग शिक्षक मतदारसंघासाठी २३ ऑक्टोबरला मतदान  अकोला जिल्ह्यात १३ मतदान केंद्रे; ५ हजार ९४२ मतदार बजावणार मतदानाचा हक्क  अकोला, दि. 22 : अमरावती विभाग शिक्षक मतदारसंघाच्या द्विवार्षिक निवडणुकीसाठी शुक्रवार, दि. २३ ऑक्टोबर २०२६ रोजी मतदान होणार आहे. सकाळी ८ ते दुपारी ४ या वेळेत मतदान प्रक्रिया पार पडणार असून, अकोला जिल्ह्यात एकूण १३ मतदान केंद्रे निश्चित करण्यात आली आहेत. या केंद्रांवर एकूण ५ हजार ९४२ मतदार आपला मतदानाचा हक्क बजावणार आहेत. भारत निवडणूक आयोगाने २२ सप्टेंबर २०२६ रोजी निवडणूक कार्यक्रम जाहीर केला आहे. त्यानुसार अमरावती विभागातील संबंधित जिल्ह्यांमध्ये आदर्श आचारसंहिता लागू करण्यात आली आहे. अकोला जिल्ह्यात मतदान प्रक्रिया सुरळीत व पारदर्शक वातावरणात पार पाडण्यासाठी प्रशासनाने आवश्यक तयारी केली आहे. अकोला जिल्ह्यातील १३ मतदान केंद्रे व मतदारसंख्या अकोट १. मतदान केंद्र क्रमांक २६ : निवासी नायब तहसीलदार यांचे कार्यालय, तहसील कार्यालय, पोपटखेड रोड, अकोट — उत्तरेकडील डाव्या बाजूची खोली, पिन कोड ४४४१०१. एकूण मतदार : ५१६. २. मतदान केंद्र क्रमांक २७ : महसूल न...