जिल्हा माहिती कार्यालय अकोला

  आता सर्व वाहनांना हाय सिक्युरिटी रजिस्ट्रेशन नंबरप्लेट अकोला, दि. 31 : वाहनांवरील नंबरप्लेटमध्ये छेडछाड, बनावट प्लेट आदी प्रकारांना आळा घालण्यासाठी आता सर्व वाहनांना हाय सिक्युरिटी रजिस्ट्रेशन नंबरप्लेट बसविण्याची तरतूद करण्यात आली आहे. वाहनधारकांनी संबंधित पोर्टलवर बुकिंग करून नंबरप्लेट बसवून घ्यावी, असे आवाहन प्रादेशिक परिवहन अधिका-यांनी केले आहे.     केंद्रीय मोटार वाहन नियम 1989 च्या नियम 50 अन्वये शासनाकडून सर्व वाहनांना हाय सिक्युरिटी रजिस्ट्रेशन नंबरप्लेट (एचएसआरपी) बसविण्याची तरतूद करण्यात आली आहे. वाहनांना नंबरप्लेटमध्ये छेडछाड व बनावटगिरी करून होणारे गुन्हे कमी करणे, रस्त्यावर धावणा-या वाहनांची ओळख पटविणे, तसेच राष्ट्रीय सुरक्षेच्या दृष्टिकोनातून सर्व वाहनांना ‘एचएसआरपी’ नंबरप्लेट बसविण्याचे निर्देश सर्वोच्च न्यायालयाने दिले आहेत. अकोला जिल्ह्यासाठी या कामासाठी मेसर्स एफटीए एचएसआरपी सोल्युशन्स प्रा. लि. ही एजन्सी निश्चित करण्यात आली आहे. नंबरप्लेटच्या बुकिंगसाठी https://maharashtrahsrp.com हे पोर्टल निश्चित करण्यात आले आहे. वाहनधारकांनी पोर्टलवर बुकिं...

  सैन्याधिकारी परीक्षेच्या पूर्वतयारीसाठी विनामूल्य प्रशिक्षण अकोला, दि. 31 : भारतीय सैन्यदल, नौदल व वायुदलामध्ये अधिकारी पदावर भरती होण्यासाठी संयुक्त संरक्षण सेवा (सीडीएस) या परीक्षेची पूर्वतयारी नाशिकच्या छात्रपूर्व प्रशिक्षण केंद्रात करून घेतली जाते. त्यासाठी संकेतस्थळावर रीतसर अर्ज करून 10 जानेवारी रोजी मुलाखतीस उपस्थित राहावे, असे आवाहन जिल्हा सैनिक कल्याण अधिकारी यांनी केले आहे. महाराष्ट्रातील युवक व युवतींसाठी 20 जानेवारी ते 4 एप्रिल या कालावधीत सीडीएस अभ्यासक्रमाची क्र. 64 व्या तुकडीचे प्रशिक्षण होईल. प्रशिक्षणार्थीच्या निवास, भोजन आणि प्रशिक्षणाची विनामूल्य सोय आहे. निवड प्रक्रिया सैनिक कल्याण विभागाच्या संकेतस्थळावर सीडीएस अभ्यासक्रमासाठी आवेदन अर्ज करावा किंवा जिल्हा सैनिक कल्याण कार्यालयाने उपलब्ध करून दिलेले प्रवेशपत्र व संबंधित दस्तऐवज मुलाखतीस सोबत आणावेत. जिल्हा सैनिक कल्याण कार्यालयात शुक्रवार, दि. 10 जानेवारी रोजी मुलाखत होईल. उमेदवार कोणत्याही शाखेतील पदवीधर असावा, उमेदवार हा लोकसंघ आयोग ( यूपीएससी) यांच्यामार्फत घेण्यात येणाऱ्या (सीडीएस) या परीक्षेकरी...

  जवाहर नवोदय विद्यालयाच्या प्रवेश परीक्षेचे पोर्टल सुरू   अकोला, दि. 30 : जवाहर नवोदय विद्यालयाच्या प्रवेश परीक्षेसाठी ऑनलाईन अर्ज केलेल्या विद्यार्थ्यांना पोर्टलचा वापर करून ॲडमिशन कार्ड डाऊनलोड करता येतील. तसे पोर्टल सुरू करण्यात आले आहे.   जिल्ह्यातून या परीक्षेसाठी 6 हजार 967 विद्यार्थ्यांनी अर्ज केला आहे. ही परीक्षा एकूण 25 केंद्रांवर होईल. पोर्टलचा पत्ता  https://cbseitms.rcil.gov.in/nvs/admincard  असा असून, विद्यार्थ्यांना अर्ज करताना मिळालेला रजिस्ट्रेशन क्रमांक हा आयडी म्हणून व जन्मतारीख पासवर्ड म्हणून वापरून परीक्षा प्रवेशपत्र डाऊनलोड करता येईल. परीक्षार्थ्यांनी दि. 18 जानेवारी रोजी सकाळी 10. 15 वा. परीक्षा केंद्रावर पोहोचावे. सोबत प्रवेशपत्र, निळा किंवा काळा बॉलपेन, आधारपत्र किंवा शासनमान्य निवासी दाखल्याची छायांकित प्रत आदी कागदपत्रे सोबत असावीत.  अधिक माहितीसाठी विद्यालयाशी (0724) 2991087 या दूरध्वनी क्रमांकावर संपर्क साधण्याचे आवाहन प्राचार्य आर. एस. चंदनशिव यांनी केले. ००० --

  एकात्मिक फलोत्पादन विकास अभियानात सात बाबींसाठी मोठे अनुदान अधिकाधिक शेतक-यांनी लाभ घेण्याचे आवाहन   अकोला, दि. 30 : सन 2024-25 करीता एकात्मिक फलोत्पादन विकास अभियानात शीतगृह, शीतखोली, प्राथमिक प्रक्रिया केंद्र, एकात्मिक पॅक हाऊस, रेफर व्हॅन,   रायपनिंग चेंबर, पूर्व शीतकरण गृह अशा सात बाबींसाठी मोठे अनुदान दिले जाते. जिल्ह्यातून अधिकाधिक शेतकरी बांधवांनी या योजनेचा लाभ घ्यावा, असे आवाहन जिल्हाधिकारी अजित कुंभार यांनी केले आहे.   बाब व अनुदान पुढीलप्रमाणे : शीतगृह- प्रकल्प खर्च 8 ते 10 हजार   प्रति मे.टन (5 हजार मे.टन क्षमतेसाठी) जास्तीत जास्त देय अनुदान 1 कोटी 75 लक्ष रू. आहे. अर्थसहाय्य स्वरूप किंमतीच्या 35 टक्के (बँक कर्जाशी निगडित), शीतखोली- प्रकल्प खर्च 15 लक्ष प्रति युनिट (30 मे. टन क्षमतेसाठी) अनुदान जास्तीत जास्त 5 लक्ष 25 हजार रूपये, अर्थसहाय्य स्वरूप किंमतीच्या 35 टक्के (बँक कर्जाशी निगडीत). प्राथमिक प्रक्रिया केंद्र- प्रकल्प खर्च 25 लक्ष प्रति युनिट, जास्तीत जास्त देय अनुदान 10 लक्ष रू., अर्थसहाय्य स्वरूप किंमतीच्या 40 टक्के (बँक कर्ज...

‘महाबीज’कडून भागधारकांना 30 टक्के लाभांश जाहीर गतवर्षी झाली पाच लाख 76 हजार क्विंटल बियाणे विक्री   स्व. नानासाहेब सपकाळ यांच्या तैलचित्राचे अनावरण अकोला, दि. 24 : राज्यातील शेतक-यांना चांगले बियाणे रास्त दरात मिळण्याचे उद्दिष्ट बाळगून ‘महाबीज’ची वाटचाल सुरू असून, 2023-24 या वर्षातील खरीप, रब्बी व उन्हाळी हंगामात एकूण पाच लाख 76 हजार 219 क्विंटल बियाणे विक्री झाली आहे. महाराष्ट्र राज्य बियाणे महामंडळ (महाबीज) 47 वी वार्षिक सर्वसाधारण सभा डॉ पंजाबराव देशमुख कृषी महाविद्यालय येथील डॉ. के. आर. ठाकरे सभागृहात शनिवारी झाली, सभेच्या अध्यक्षस्थानी राज्याचे कृषी आयुक्त रावसाहेब भागडे होते. महाबीजचे व्यवस्थापकीय संचालक योगेश कुंभेजकर, संचालक वल्लभराव देशमुख, डॉ रणजित सपकाळ, कृषी विद्यापिठाचे प्रतिनीधी विठ्ठल सरप पाटील,शासनाचे प्रतिनिधी रामदास सिध्दभट्टी, राष्ट्रीय बीज निगमचे हेमंत चिरमूरकर व महाबीजे विभाग प्रमुख उपस्थित होते.   ‘महाबीज’तर्फे 2023-24 या वर्षात सुमारे पावणेसहा क्विंटल बियाणे विक्री झाली आहे. 2023-24 या आर्थिक वर्षात महाबीजची एकूण आर्थिक उलाढाल 537 कोटी 74 ल...

    जिल्हा प्रशासनाच्या वतीने राष्ट्रीय ग्राहक दिन साजरा   उत्तम सेवा मिळणे हा ग्राहकाचा अधिकार अपर जिल्हाधिकारी रामदास सिद्धभट्टी   अकोला, दि. 24 : ग्राहक संरक्षण कायद्यानुसार उत्तम सेवा मिळणे हा ग्राहकाचा अधिकार असून, आस्थापनांनी ग्राहकाभिमुख होण्याची गरज आहे, असे अपर जिल्हाधिकारी रामदास सिद्धभट्टी यांनी आज येथे सांगितले.   जिल्हा प्रशासन व जिल्हा पुरवठा विभागाच्या वतीने राष्ट्रीय ग्राहक दिनानिमित्त कार्यक्रम नियोजनभवनात झाला, त्यावेळी ते बोलत होते. जिल्हा ग्राहक तक्रार निवारण आयोगाचे अध्यक्ष श्रीपाद कुलकर्णी, जिल्हा पुरवठा अधिकारी निखिल खेमनार,सहायक जिल्हा पुरवठा अधिकारी अर्चना निमजे, जिल्हा ग्राहक तक्रार निवारण आयोगाच्या नीलिमा बेलोकर, ग्राहक संरक्षण संघाचे अध्यक्ष श्रीराम ठोसर ,ग्राहक पंचायतीचे अध्यक्ष मनजीत देशमुख, प्रवासी ग्राहक संघाचे अध्यक्ष आर.डी.अहिर, कंझ्युमर प्रोटेक्शन फोरमचे श्री.पाठक यांच्यासह ग्राहक संघटनेचे प्रतिनिधी उपस्थित होते   श्री. सिद्धभट्टी म्हणाले की, ग्राहकाला सुरक्षिततेचा, आपले म्हणणे मांडण्याचा, माहिती मिळण्याच...

अकोला, दि. 12 ; जिल्ह्यात निवडणूक आयोगाच्या निर्देशानुसार प्रत्येक बाबीचे काटेकोर पालन करत मतदान व मतमोजणी प्रक्रिया पूर्ण करण्यात आली आहे. पाचही मतदारसंघातील 25 मतदान केंद्रावरील व्हीव्हीपॅट स्लीपची मोजणी उमेदवारांच्या प्रतिनिधीसमक्ष करण्यात आली आहे, असे जिल्हा निवडणूक अधिकारी तसा जिल्हाधिकारी अजित कुंभार यांनी सांगितले. उमेदवारांच्या प्रतिनिधींसमक्ष होते प्रत्येक प्रक्रिया पूर्ण > ईव्हीएम यंत्रांच्या प्रथमस्तरीय तपासणीपासून ते मतदान होऊन यंत्रे सीलबंद करून स्ट्राँगरूममध्ये जमा होण्यापर्यंत प्रत्येक टप्प्यावरील प्रक्रिया राजकीय पक्ष व उमेदवारांच्या प्रतिनिधींच्या समक्ष पू्र्ण केली जाते. त्यामुळे हस्तक्षेपाला किंवा फेरफार करण्यास कुठेही वाव नसतो. नियमांचे काटेकोर पालन करूनच ही प्रक्रिया पूर्ण होते. प्रत्येक विधानसभा मतदारसंघातील मतदान केंद्रांच्या क्रमांकामधून लॉटरी पध्दतीने निवडलेल्या 5 मतदान केंद्रांवरील व्हीव्हीपॅट मशिन्सच्या स्लीप्सची मोजणी बंधनकारक आहे. या प्रक्रियेला उमेदवारांचे प्रतिनिधी उपस्थित असतात. ईव्हीएममधील प्रत्येक उमेदवाराच्या मतसंख्येशी व्हीव्हीपॅट स्लीप्सची संख्या ...

  कृषी स्वावलंबन व कृषी क्रांती योजना वाढीव अनुदानाचा लाभ घेण्याचे आवाहन अकोला, दि. 11 : डॉ. बाबासाहेब आंबेडकर कृषी स्वावलंबन योजना व बिरसा मुंडा कृषी क्रांती योजनेद्वारे अनुसूचित जाती व अनुसूचित जमातीच्या शेतक-यांना नविन विहीर बांधकाम, जुनी विहीर दुरूस्ती व इतर बाबींसाठी अनुदान दिले जाते. अनुदानात शासनाने वाढ केली असून, वाढीव अनुदानाचा पात्र शेतक-यांनी लाभ घेण्याचे आवाहन जिल्हा कृषी विकास अधिकारी डॉ. तुषार जाधव यांनी केले आहे. डॉ.बाबासाहेब आंबेडकर कृषि स्वावलंबन योजनेचा लाभ अनुसुचित जाती / नवबौद्ध शेतकऱ्यांना व बिरसा मुंडा कृषि क्रांती योजनेचा लाभ अनुसुचित जमातीच्या शेतकऱ्यांना देय आहे. असे मिळते अनुदान या योजनांद्वारे नवीन विहिर दुरूस्तीसाठी चार लाख, जुनी विहिर दुरुस्तीसाठी एक लाख अनुदान मिळते. डिझेल पंप संचासाठी 40 हजार रू., वीज जोडणी आकार  20 हजार रू., शेततळ्याच्या प्लास्टिक अस्तरीकरणासाठी 2 लाख रू. पर्यंत, ठिबक सिंचन संचासाठी प्रत्यक्ष खर्चाच्या 90 टक्के किंवा 97 हजार रू., तुषार सिंचन संचासाठी 47 हजार रू. अनुदान मिळते. सोलर पंपासाठी प्रत्यक्ष खर्चाच्या 90 टक्के किंवा...

अकोल्यासह अकोट, मूर्तिजापूरातही शिबिरे दिव्यांगांना कृत्रिम अवयव मिळण्यासाठी मोजमाप व नाव नोंदणी   अकोला, दि. 11 : इंडियन ऑईल कॉर्पोरेशन आणि अल्मिको मुंबई यांच्या संयुक्त विद्यमाने जि.प. समाजकल्याण व जिल्हा दिव्यांग पुनर्वसन केंद्राच्या सहकार्याने दिव्यांगांना विनामूल्य साहाय्यभूत साधने मिळण्यासाठी मोजमाप, नाव नोंदणी शिबिर दि. 16 ते 19 डिसेंबरदरम्यान ठिकठिकाणी होतील. अकोल्यातील आगरकर विद्यालयात दि. 16 व 17 डिसेंबरला सकाळी 10 ते दु. 4 या वेळेत शिबिर होईल. अकोट येथील पंचायत समिती सभागृह येथे दि. 18 डिसेंबर रोजी, तसेच मूर्तिजापूर येथील पं. स. सभागृहात दि. 19 डिसेंबर रोजी सकाळी 10 ते दु. 4 शिबिर घेण्यात येईल. या शिबिरांत मोजमाप व नाव नोंदणी केल्यानंतर एका महिन्या्च्या कालावधीत वाटप शिबिराचे आयोजन केले जाईल. सामाजिक उत्तरदायित्व निधीतून मोटराईज्ड ट्रायसिकल, ट्रायसिकल, व्हीलचेअर, सीपी चेअर, सुगम्य केन, कुबडी, जोड, मोबाईल, श्रवणयंत्र आदी साधने वाटप केली जाणार आहेत. जिल्ह्यात यावर्षी दि. 26 व 27 जुलै रोजी शिबिर घेण्यात आले होते. त्या शिबिरात लाभ मिळालेल्या लाभार्थ्यांना आता ह...

  अकोला, दि. 10 : जागतिक मानवी हक्क दिनानिमित्त विशेष कार्यक्रम आज जिल्हाधिकारी कार्यालयाच्या लोकशाही सभागृहात झाला. हा दिवस दरवर्षी १० डिसेंबर रोजी साजरा केला जातो. १९४८ मध्ये संयुक्त राष्ट्रांच्या महासभेने मानवी हक्कांची सार्वत्रिक घोषणा स्वीकारली. तेव्हापासून हा दिवस साजरा करण्यात येत आहे. याबाबत ॲड. संदीप कंकाळ यांनी सविस्तर माहिती दिली. यावेळी मानवाधिकार जाहीरनाम्याचे वाचन करण्यात आले. सामाजिक न्याय संरक्षण संघाचे अध्यक्ष ॲड. विजयकुमार गडलिंगे, जिल्हाधिकारी कार्यालयाचे श्याम धनमाने,  ॲड. संदीप कंकाळ, पंजाबराव वर यांच्यासह अनेक अधिकारी- कर्मचारी उपस्थित होते ०००

  बचत गटांतील महिलांच्या योगदानातून उभारणी; ‘तेजस्विनीभवना’चे लोकार्पण लोकसंचालित साधन केंद्राचे कार्य इतर विभागांसाठी अनुकरणीय -         जिल्हाधिकारी अजित कुंभार अकोला, दि. 10 :   महिला आर्थिक विकास महामंडळांतर्गत लोकसंचालित साधन केंद्र व बचत गटांतील महिलांच्या योगदानातून निर्माण झालेले तेजस्विनीभवन हा पथदर्शी उपक्रम आहे. साधन केंद्रातर्फे उभारलेली ही महाराष्ट्रातील प्रथम इमारत असून, इतर सर्व विभागांसाठी हे कार्य अनुकरणीय असल्याचे प्रतिपादन जिल्हाधिकारी अजित कुंभार यांनी येथे केले.   डाबकी रस्त्यावरील उगलेवाडीत ‘तेजस्विनी भवन’ साकारण्यात आले असून, या वास्तूचे उद्घाटन जिल्हाधिका-यांच्या हस्ते झाले, त्यावेळी ते बोलत होते. जि. प. मुख्य कार्यकारी अधिकारी बी. वैष्णवी, ‘महाबीज’चे योगेश कुंभेजकर, ‘माविम’च्या व्यवस्थापकीय संचालक माया पाटोळे, जिल्हा महिला व बालविकास अधिकारी गिरीश पुसदकर, राजश्री कोलखेडे, महामंडळाचे विभागीय अधिकारी केशव पवार, विभागीय उपजिविका सल्लागार पवन देशमुख, जिल्हा समन्वय अधिकारी वर्षा खोब्रागडे, केंद्राच्या अध्य...

  अकोला, दि  ९ :  जिल्ह्यात 'मनरेगा'ची कामे व्यापक स्वरूपात होणे आवश्यक आहे. रोजगारनिर्मितीबरोबरच विकास कामांना देणारी ही महत्त्वपूर्ण योजना आहे. त्यामुळे 'मनरेगा'मध्ये अधिकाधिक कामे राबवावीत, असे निर्देश जिल्हाधिकारी अजित कुंभार यांनी आज येथे दिले. जिल्हाधिकारी श्री. कुंभार यांच्या अध्यक्षतेत मनरेगा समितीची बैठक जिल्हाधिकारी कार्यालयात झाली त्यावेळी ते बोलत होते. यावेळी जि. प. मुख्य कार्यकारी अधिकारी वैष्णवी बी, निवासी उपजिल्हाधिकारी तथा उपजील्हाधिकारी रोजगार हमी योजना विजय पाटील, सामाजिक वनीकरण विभागाचे वन अधिकारी, तसेच दूरदृश्य प्रणालीद्वारे उपवनसंरक्षक डॉ कुमार स्वामी उपस्थित होते. योजनेत वैविध्यपूर्ण व नाविन्यपूर्ण कामे व्यापक स्वरूपात राबवली जाणे आवश्यक आहे. मात्र संबंधित यंत्रणा सामाजिक वनीकरण विभाग, कृषी विभाग आदींकडून पुरेशी कार्यवाही झालेली नाही. त्यात तत्काळ सुधारणा करावी. सार्वजनिक बांबू लागवडीबरोबरच इतर कामांना चालना द्यावी. अधिकाधिक रोजगार निर्मितीचे उद्दिष्ट पूर्ण करावे, असे निर्देश जिल्हाधिकारी श्री. कुंभार यांनी दिले. यावेळी त्यांनी कुरण लागवड, तुती(रेश...

  अकोला,दि.०७ डिसेंबर २०२४; "वस्तू व सेवा कर अभय योजना २०२४" ही वस्तू व सेवा कर कायद्याअंतर्गत निर्धारणा आदेश पारित करण्यात आलेल्या व्यापाऱ्यांनी थकीत मुळ करांचा भरणा केला,तर त्यांना त्या करावरील व्याज आणि विलंब आकाराची संपूर्ण माफी देणारी असल्याने ,जिल्ह्यातील जास्तीत जास्त व्यापाऱ्यांनी या योजनेचा लाभ घेण्याची आवाहन राज्यकर सहआयुक्त संजय पोखरकर यांनी केले.                अकोला राज्य व वस्तू सेवा कार्यालय आणि सी.ए.असोशिएशन यांच्या संयुक्त विद्यमाने अकोला आय.सी.ए.आय.भवन येथे वस्तू व सेवा कर अभय योजना २०२४ संबंधीत आयोजित परिसंवादात ते बोलत होते. यावेळी वस्तू व सेवा कर उपायुक्त डॉ.अर्चना चव्हाण, अध्यक्ष आयसीएआय सुमित अलीलचंदानी,सिमा बाहेती आणि रितेश मेहता यांच्या प्रमुख उपस्थितीसह  अकोला राज्य वस्तू व सेवा कर कार्यालयातील अधिकारी,कर्मचारी आणि आय.सि.ए.आय. चे सदस्य उपस्थित होते.          परिसंवादात बोलतांना सहायक राज्यकर आयुक्त प्रविण भोपळे यांनी अभय योजनेच्या तरतूदी आणि प्रक्रीया बाबत माहिती दिली.तसेच रितेश मेहता ...

‘पारंपरिक’च्या तुलनेत मसाला पीकांचे उत्पादन फायदेशीर जिल्हाधिका-यांच्या हस्ते निविष्ठावाटप अकोला, दि. 6 : जिल्ह्यात मसालावर्गीय पीकांचे क्षेत्र वाढविण्यासाठी कृषी वसंत अभियानाच्या माध्यमातून प्रयत्न होत आहे. या अनुषंगाने जिल्हाधिकारी अजित कुंभार यांच्या हस्ते म्हैसपूर येथे मसालावर्गीय पीकांच्या निविष्ठांचे वाटप करण्यात आले. जिल्ह्यात 720 एकरांवर मसालावर्गीय पीकांची प्रात्यक्षिके राबविण्यात येत आहेत.   जिल्ह्यात मसाला पीकांचे क्षेत्र वाढावे व शेतक-यांना कमी खर्चात अधिक उत्पादन मिळावे यासाठी तत्कालीन पालकमंत्री राधाकृष्ण विखे पाटील व जिल्हाधिकारी अजित कुंभार यांच्या मार्गदर्शनात डॉ. पंजाबराव देशमुख कृषी विद्यापीठाच्या मिरची व भाजीपाला संशोधन केंद्राच्या सहकार्याने हा प्रकल्प राबविण्यात येत आहे. अकोला जिल्ह्यात 217 एकरावर काळजिरे, 100 एकरावर सोप, 217 एकरावर ओवा, 50 एकरावर कसुरी मेथी, 100 एकरा धणे अशा एकूण 720 एकरावर प्रात्यक्षिके राबविण्यात येत आहेत. याअनुषंगाने जिल्हाधिका-यांनी म्हैसपूर येथे भेट देऊन शेतक-यांशी संवाद साधला. यावेळी त्यांच्या हस्ते गुरूवर्य सेंद्रिय उत्पादक ...

शासकीय   वसतिगृहासाठी   जागेचा   शोध   सुरू अकोला, दि. 6 : सामाजिक न्याय विभागाच्या डॉ. बाबासाहेब आंबेडकर मागासवर्गीय मुलांच्या शासकीय   वसतिगृहासाठी अकोला शहरात   जागेचा   शोध   घेण्यात येत   आहे. इच्छूक   जागामालकांनी संपर्क साधण्याचे आवाहन करण्यात आले आहे. हे   वसतिगृह   सध्या हनुमान वस्ती परिसरात आहे.  वसतिगृहाची इमारत जीर्ण झाली आहे. इमारतीच्या स्ट्रक्चर ऑडिट अहवालानुसार इमारत रिकामी करणे आवश्यक आहे. त्यामुळे शहरात नव्या जागेचा शोध सुरू आहे.     वसतिगृहात एकूण 75 विद्यार्थी प्रवेशित असून, त्यादृष्टीने कार्यालय कक्ष, निवास कक्ष, भोजनकक्ष, स्वच्छतागृह आदी सोयी असलेल्या इमारतीची आवश्यकता आहे. तरी इच्छूक   जागामालकांनी डॉ. बाबासाहेब आंबेडकर मागासवर्गीय मुलांचे शासकीय वसतिगृह, हनुमान वस्ती, संतोषी मातेच्या देवळाजवळ, अकोला (मो. क्र. 8308058833) किंवा सहायक आयुक्त, समाजकल्याण विभाग, निमवाडी, अकोला येथे संपर्क साधावा. ०००  

        आदिवासी विद्यार्थ्यांसाठी इंग्रजी माध्यमाची शाळा एकलव्य मॉडेल निवासी शाळेत प्रवेशासाठी आवाहन अकोला, दि. 6 :आदिवासी एकात्मिक प्रकल्प विभागातर्फे अनुसूचित जमातीच्या विद्यार्थ्यांसाठी इंग्रजी माध्यमाच्या एकलव्य मॉडेल निवासी शाळा चालविण्यात येत आहेत. त्यात प्रवेश मिळण्यासाठी स्पर्धा परीक्षा होणार असून, इच्छूक विद्यार्थ्यांनी शाळेच्या मुख्याध्यापकांमार्फत दि. 1 फेब्रुवारीपूर्वी अर्ज करावा, असे आवाहन प्रकल्प अधिकारी मोहनकुमार व्यवहारे यांनी केले आहे. या प्रवेश परीक्षेसाठी इयत्ता पाचवी ते आठवीचे विद्यार्थी पात्र राहतील. शाळांच्या मुख्याध्यापकांनी प्रवेश परीक्षेचे आवेदनपत्र विद्यार्थ्यांकडून भरून घेऊन प्रकल्प कार्यालयाकडे सादर करावे. विहित नमुन्यातील अर्ज संबंधित शासकीय, अनुदानित आश्रमशाळेतील मुख्याध्यापक, तसेच प्रकल्प कार्यालयात विनामूल्य उपलब्ध आहेत. आवेदनपत्रासह सक्षम अधिका-यांनी दिलेल्या वार्षिक उत्पन्नाचा, तसेच पालकांचा, विद्यार्थ्यांचा जात दाखला जोडणे आवश्यक आहे. प्रवेश परीक्षेसाठी अकोला जिल्ह्यातील बार्शिटाकळी तालुक्यात कोथळी येथील शासकीय आश्रमश...

  महापरिनिर्वाणदिन डॉ. बाबासाहेब आंबेडकर यांना जिल्हाधिकारी कार्यालयात अभिवादन अकोला, दि. 6 : महापरिनिर्वाणदिनानिमित्त महामानव भारतरत्न डॉ. बाबासाहेब आंबेडकर यांच्या प्रतिमेला जिल्हाधिकारी अजित कुंभार यांनी पुष्पहार अर्पण करून अभिवादन केले. जिल्हाधिकारी कार्यालयातील लोकशाही सभागृहात अभिवादन कार्यक्रम झाला. निवासी उपजिल्हाधिकारी विजय पाटील व इतर अधिकारी, कर्मचारी यांनीही डॉ. बाबासाहेब आंबेडकर यांच्या प्रतिमेला पुष्प अर्पण करून अभिवादन केले. ००००       

बचत गटांच्या योगदानातून साकारले ‘तेजस्विनी भवन’         अकोला, दि. 5 : महिला आर्थिक विकास महामंडळांतर्गत लोकसंचालित साधन केंद्र व बचत गटांतील महिलांच्या योगदानातून अकोला येथे ‘तेजस्विनी भवन’ साकारण्यात आले असून, या वास्तूचे दि. 10 डिसेंबर रोजी सकाळी 11.45 वाजता उद्घाटन होणार आहे.             बचत गटांच्या माध्यमांतून खेडोपाडी विविध व्यवसाय करणा-या महिलीभगिनींच्या कष्ट व योगदानातून शहरातील डाबकी रस्त्यावरील उगलेवाडीत ही वास्तू उभी राहिली आहे. तेजस्विनीभवनाची वास्तू दोनमजली असून, त्यात कार्यालय, प्रशिक्षण सभागृह, वाहनतळ, स्वच्छतागृह आदी सुविधा आहेत. बचत गटाच्या चळवळीतील हा महत्वाचा टप्पा आहे, असे ‘माविम’च्या जिल्हा समन्वय अधिकारी वर्षा खोब्रागडे यांनी सांगितले. अकोला तालुका लोकसंचालित साधन केंद्रातर्फे 1 हजार 600 बचत गट व सुमारे 17 हजार 500 महिला संघटक कार्यरत आहेत. या सर्व महिलांना उद्योग- व्यवसाय उभारणीसाठी प्रशिक्षण व मार्गदर्शन करण्यात येते. त्यामुळे अकोला तालुक्यात गावोगाव अनेक छोटे व्यवसाय सुरू झाले. आता तेजस्विनीभवन निर्माण...

  शिष्यवृत्ती योजनेच्या अनुषंगाने शुक्रवारी प्राचार्यांची कार्यशाळा अकोला, दि 3: शिष्यवृत्ती मिळण्यास पात्र विद्यार्थ्यांचे ऑनलाईन अर्ज महाडीबीटी संकेतस्थळावर भरून घेणे, तसेच प्रलंबित अर्ज निकाली काढण्याच्या दृष्टीने समाजकल्याण सहाय्यक आयुक्तांच्या उपस्थितीत महाविद्यालयाच्या प्राचार्यांची कार्यशाळा दि. 6 डिसेंबर रोजी दुपारी 2 वाजता डॉ. बाबासाहेब आंबेडकर सामाजिक न्याय भवन येथे होणार आहे. सामाजिक न्याय व विशेष सहाय्य विभागामार्फत अनुसूचित जाती प्रवर्गातील विद्यार्थ्यांसाठी महाडीबीटी प्रणालीवर भारत सरकार मॅट्रिकोत्तर शिष्यवृत्ती, मॅट्रिकोत्तर शिक्षण फी परिक्षा फी प्रदाने, राजी छत्रपती शाहू महाराज गुणवत्ता शिष्यवृती,व्यावसायिक पाठ्यक्रमांशी संलग्न असलेल्या वसतिगृहातील विद्यार्थ्यांना विद्यावेतन व व्यवसाय प्रशिक्षण शुल्क प्रतिपूती योजना   राबविण्यात येत आहे. जिल्ह्यातील कनिष्ठ, वरिष्ठ व व्यावसायिक महाविद्यालयांचे २०२४- २५ या शैक्षणिक वर्षाचे महाडीबीटी पोर्टलवरील सद्य:स्थितीचे अवलोकन केले असता अनुसूचित जाती प्रवर्गाचे ७ हजार ८५९ अर्ज आतापर्यंत भरण्यात आले असून महाविद्यालयस्तरा...

जिल्हा वार्षिक योजनेचा आढावा नियोजित कामांच्या मान्यतांची कार्यवाही विहित वेळेत पूर्ण करा -जिल्हाधिकारी अजित कुंभार अकोला, दि. 3 : डिसेंबर महिना आला तरीही अद्याप अनेक विभागांची तांत्रिक व प्रशासकीय मान्यतांची कार्यवाही पूर्ण झालेली नाही. हे गंभीर आहे. ही कार्यवाही तत्काळ पूर्ण करून विकासकामे विहित मुदतीत पूर्ण करण्याचे स्पष्ट निर्देश जिल्हाधिकारी अजित कुंभार यांनी आज येथे दिले. जिल्हा वार्षिक योजना सर्वसाधारण आढावा बैठक नियोजनभवनात जिल्हाधिका-यांच्या अध्यक्षतेखाली झाली, त्यावेळी ते बोलत होते. यावेळी एकात्मिक आदिवासी प्रकल्प संचालक मोहनकुमार व्यवहारे, जिल्हा नियोजन अधिकारी गिरीश शास्त्री, समाजकल्याण सहायक आयुक्त अनिता राठोड, नियोजन अधिकारी कैलास देशमुख यांच्यासह विविध विभागांचे अधिकारी उपस्थित होते. जिल्हाधिकारी श्री. कुंभार म्हणाले की, जिल्ह्यात मंजूर नियतव्ययानुसार विविध विकासकामे विहित वेळेत पूर्ण होणे आवश्यक आहे. तांत्रिक व प्रशासकीय मान्यतांची कार्यवाही होऊन विकासकामांना चालना मिळाली नाही तर निधी इतर विकासकामांकडे वळविण्यात येईल, असा इशाराही त्यांनी दिला.   ज्या विविध विकासकामा...