अकोला संवाद - जिल्हा माहिती कार्यालय अकोला

  अकोल्यात प्राथमिक आरोग्य सेवेला नवी ऊर्जा ! संयुक्त प्रशिक्षणातून आरोग्य पथक होणार अधिक सक्षम अकोला , दि. १० : राज्य शासनाच्या सार्वजनिक आरोग्य विभागाच्या वतीने प्राथमिक आरोग्य सेवा अधिक सक्षम आणि परिणामकारक करण्यासाठी राज्यभर राबविण्यात येत असलेल्या विशेष प्रशिक्षण मोहिमेला अकोला जिल्ह्यात उत्स्फूर्त सुरुवात झाली आहे . या प्रशिक्षणाचे सर्वात मोठे वैशिष्ट्य म्हणजे आशा ( एएनएम     एमपीडब्ल्यू     सीएचओ     आणि प्राथमिक आरोग्य केंद्रातील इतर कर्मचारी अशा संपूर्ण आरोग्य पथकाला प्रथमच एकत्रित प्रशिक्षण दिले जात आहे . यापूर्वी प्रत्येक घटकाचे स्वतंत्र प्रशिक्षण होत असताना आता ७ ते १० सदस्यांचे संपूर्ण पथक एकत्र प्रशिक्षण घेत असल्याने परस्पर समन्वय वाढून ग्रामीण आरोग्य सेवा अधिक प्रभावी होणार आहे .   प्राथमिक आरोग्य केंद्राचे नेतृत्व आणि संपूर्ण आरोग्य पथक सक्षम झाले तर जिल्ह्यातील सार्वजनिक आरोग्य व्यवस्थेत मोठा सकारात्मक बदल घडू शकतो ...

 स्वाधार योजनेच्या नूतनीकरणासाठी १५ सप्टेंबरपर्यंत अर्ज करा पात्र विद्यार्थ्यांना सहायक आयुक्त समाज कल्याण यांचे आवाहन अकोला, दि. ६ : भारतरत्न डॉ. बाबासाहेब आंबेडकर स्वाधार योजनेअंतर्गत सन २०२६-२७ या शैक्षणिक वर्षासाठी लाभ सुरू ठेवण्यासाठी पात्र विद्यार्थ्यांनी नूतनीकरणाचे ऑनलाइन अर्ज १५ सप्टेंबर २०२६ पर्यंत सादर करावेत, असे आवाहन सहायक आयुक्त, समाज कल्याण कार्यालयाकडून करण्यात आले आहे. ज्या विद्यार्थ्यांना सन २०२५-२६ या शैक्षणिक वर्षात स्वाधार योजनेचा लाभ मिळाला असून ते सध्या इयत्ता १२ वी, सर्व व्यावसायिक तसेच बिगर व्यावसायिक अभ्यासक्रमांच्या द्वितीय, तृतीय किंवा चतुर्थ वर्षात शिक्षण घेत आहेत अशा विद्यार्थ्यांनी hmasnew.mahait.org या संकेतस्थळावर जाऊन विहित मुदतीत नूतनीकरणाचा अर्ज ऑनलाइन सादर करणे आवश्यक आहे. विहित मुदतीत अर्जाचे नूतनीकरण न करणाऱ्या विद्यार्थ्यांना स्वाधार योजनेचा लाभ घेण्याची इच्छा नाही, असे गृहीत धरून त्यांचा अर्ज अपात्र करण्यात येईल. तसेच अशा विद्यार्थ्यांना चालू शैक्षणिक वर्षात स्वाधार योजनेचा लाभ मिळणार नसल्याचे समाज कल्याण विभागाने स्पष्ट केले आहे. पात्र विद...

 शिष्यवृत्ती अर्जापूर्वी विद्यार्थ्यांनी घ्यावी काळजी अभ्यासक्रम अर्धवट सोडल्यास पुढील शिष्यवृत्तीवर परिणाम; समाजकल्याण विभागाचे आवाहन अकोला, दि. ६ : अनुसूचित जाती प्रवर्गातील विद्यार्थ्यांनी शिष्यवृत्तीचा लाभ घेतल्यानंतर संबंधित शैक्षणिक अभ्यासक्रम पूर्ण करणे अनिवार्य असल्याने, कोणताही अभ्यासक्रम अर्धवट सोडू नये, असे आवाहन समाजकल्याण विभागाकडून करण्यात आले आहे. अभ्यासक्रम अर्धवट सोडल्यास पुढील शिक्षणासाठी शिष्यवृत्ती मिळण्यात तांत्रिक अडचणी निर्माण होऊ शकतात, असा इशाराही विभागाने दिला आहे. बारावीनंतर अनेक विद्यार्थी वैद्यकीय, अभियांत्रिकी, फार्मसी किंवा कृषी यांसारख्या व्यावसायिक अभ्यासक्रमांमध्ये प्रवेश मिळविण्यासाठी प्रयत्न करतात. मात्र, प्रवेश निश्चित होईपर्यंत शैक्षणिक वर्ष वाया जाऊ नये म्हणून काही विद्यार्थी बी.ए., बी.एस्सी. किंवा बी.कॉम. यांसारख्या बिगर-व्यावसायिक अभ्यासक्रमांना तात्पुरता प्रवेश घेतात. या कालावधीत ते महाडीबीटी पोर्टलवर शिष्यवृत्तीचा अर्ज करून त्याचा लाभही घेतात. पुढील शैक्षणिक वर्षात अपेक्षित व्यावसायिक अभ्यासक्रमात प्रवेश मिळाल्यानंतर पूर्वीचा अभ्यासक्रम अर...

 जादूटोणा विरोधी जनजागृती समितीसाठी प्रस्ताव मागविले जिल्हा समन्वयक अधिकारी व सहा अशासकीय सदस्यांची होणार निवड अकोला, दि. ६ : महाराष्ट्र नरबळी आणि इतर अमानुष, अनिष्ट व अघोरी प्रथा तसेच जादूटोणा प्रतिबंधक कायद्याच्या प्रभावी अंमलबजावणीसाठी जिल्हास्तरीय जनजागृती प्रचार व प्रसार कार्यक्रम राबविण्यात येणार असून, त्यासाठी जिल्हा समन्वयक अधिकारी तसेच सहा अशासकीय सदस्य (त्यापैकी दोन महिला) अशा एकूण सात सदस्यांच्या नियुक्तीसाठी पात्र उमेदवारांकडून प्रस्ताव मागविण्यात आले आहेत. इच्छुक व पात्र उमेदवारांनी आपले प्रस्ताव ६ ऑगस्ट ते १८ ऑगस्ट २०२६ या कालावधीत सदस्य सचिव तथा सहाय्यक आयुक्त, समाज कल्याण, डॉ. बाबासाहेब आंबेडकर सामाजिक न्याय भवन, निमवाडी, पोलीस वसाहतीजवळ, अकोला येथे विहित मुदतीत प्राप्त होतील अशा पद्धतीने सादर करावेत, असे समाजकल्याण विभागाने कळविले आहे. भारतीय समाजात अंधश्रद्धा, जादूटोणा, नरबळी, अमानुष व अघोरी प्रथा यांसारख्या गैरसमजुतींमुळे समाजाचे मोठे नुकसान होत असून, नागरिकांचे शोषण, छळ आणि जीवितहानी रोखण्यासाठी राज्य शासनाने २० डिसेंबर २०१३ रोजी 'महाराष्ट्र नरबळी आणि इतर अमानुष...

 अकोला टपाल विभागात पीएलआय/आरपीएलआय प्रत्यक्ष एजंट पदासाठी भरती  19 ऑगस्ट रोजी वॉक-इन-इंटरव्ह्यू अकोला, दि. 6 ऑगस्ट : भारतीय टपाल विभागाच्या अकोला विभागामार्फत पोस्टल लाईफ इन्शुरन्स (पीएलआय) आणि रूरल पोस्टल लाईफ इन्शुरन्स (आरपीएलआय) व्यवसायासाठी प्रत्यक्ष एजंट पदासाठी पात्र उमेदवारांकडून अर्ज मागविण्यात आले आहेत. इच्छुक उमेदवारांसाठी 19 ऑगस्ट 2026 रोजी वॉक-इन-इंटरव्ह्यू आयोजित करण्यात आला आहे. प्रत्यक्ष एजंट म्हणजे खुल्या बाजारातून नियुक्त करण्यात येणारा विमा प्रतिनिधी असून, पीएलआय/आरपीएलआय व्यवसाय मिळविणे तसेच जीवन विमा पॉलिसींचे सातत्य, नूतनीकरण आणि पुनरुज्जीवन यासंदर्भातील व्यवसायासाठी त्यांना कमिशनच्या स्वरूपात मानधन मिळणार आहे. पात्रता : अर्जदाराचे वय मुलाखतीच्या दिवशी किमान 18 वर्षे व कमाल 50 वर्षे असावे. तसेच केंद्र किंवा राज्य शासन मान्यताप्राप्त मंडळातून किमान दहावी उत्तीर्ण असणे आवश्यक आहे. कोण अर्ज करू शकतात? बेरोजगार व स्वयंरोजगारित युवक-युवती, माजी विमा एजंट, माजी सैनिक, अंगणवाडी सेविका, महिला मंडळ सेविका, निवृत्त शिक्षक, बचत गटांचे सदस्य, ग्रामपंचायत सदस्य, ग्राम...

नशामुक्त भारत अभियानाच्या वर्धापन दिनानिमित्त १८ ऑगस्टला ई-प्रतिज्ञा अभियान विद्यार्थी, युवा, महिला व नागरिकांनी मोठ्या संख्येने सहभागी होण्याचे आवाहन       अकोला, दि. ६ : भारत सरकारच्या सामाजिक न्याय व अधिकारिता विभागामार्फत अंमली पदार्थांच्या मागणीत घट करण्याच्या उद्देशाने राबविण्यात येणाऱ्या नशामुक्त भारत अभियानाच्या सहाव्या वर्धापन दिनानिमित्त १८ ऑगस्ट २०२६ रोजी 'नॅशनल प्लेज अगेंस्ट ड्रग ॲब्यूज' या उपक्रमाचे आयोजन करण्यात आले आहे. राज्यातील किमान १० टक्के लोकसंख्येचा या उपक्रमात सहभाग नोंदविण्याचे उद्दिष्ट निश्चित करण्यात आले आहे. या अभियानाच्या प्रभावी अंमलबजावणीसाठी जिल्ह्यातील सर्व शाळा, महाविद्यालये, शासकीय व निमशासकीय कार्यालये, खाजगी संस्था तसेच सार्वजनिक संस्थांमध्ये ई-प्रतिज्ञा उपक्रम राबविण्यात येणार आहे. विद्यार्थी, युवा, महिला, शासकीय कर्मचारी आणि सर्वसामान्य नागरिकांनी नशामुक्त भारत अभियानाच्या अधिकृत संकेतस्थळावर उपलब्ध असलेली ई-प्रतिज्ञा घेऊन त्याचे सहभाग प्रमाणपत्र डाउनलोड करावे, असे आवाहन करण्यात आले आहे. ई-प्रतिज्ञा घेण्यासाठी नागरिकांनी https://...

  राज्यस्तरीय पराक्रम दिन स्पर्धांसाठी सहभागाचे आवाहन अकोला, दि. 4 : महाराष्ट्र संशोधन, उन्नती व प्रशिक्षण प्रबोधिनी (अमृत), पुणे यांच्या वतीने श्रीमंत थोरले बाजीराव पेशवे यांच्या जयंतीनिमित्त १८ ऑगस्ट हा दिवस राज्यभर 'पराक्रम दिन' म्हणून साजरा करण्यात येणार आहे. त्यानिमित्त १ ते १५ ऑगस्ट २०२६ या कालावधीत राज्यस्तरीय निबंध, वक्तृत्व आणि रिल्स स्पर्धांचे आयोजन करण्यात आले असून शालेय, महाविद्यालयीन तसेच खुल्या गटातील विद्यार्थ्यांनी व नागरिकांनी मोठ्या संख्येने सहभागी व्हावे, असे आवाहन अमृत संस्थेचे व्यवस्थापकीय संचालक विजय जोशी यांनी केले आहे. पराक्रम दिनाच्या नियोजनासाठी अमृत संस्थेने इतिहास अभ्यासकांचा समावेश असलेली समिती स्थापन केली आहे. या स्पर्धा शालेय, महाविद्यालयीन आणि खुल्या गटासाठी आयोजित करण्यात आल्या आहेत. निबंध स्पर्धेत स्पर्धकांनी सुमारे १ हजार शब्दांचा निबंध अधिकृत संकेतस्थळावर अपलोड करायचा आहे. निबंध लेखनासाठी संकेतस्थळावरील संदर्भ पुस्तके, लिंक्स आणि माहिती पुस्तिकेचाच आधार घेणे आवश्यक असून परीक्षकांचा निर्णय अंतिम राहिल. वक्तृत्व स्पर्धेसाठी स्पर्धकांनी स्वतःचा ...

  तृतीयपंथीयांसाठी शिष्यवृत्ती व बीजभांडवल योजनेचा लाभ घेण्याचे आवाहन अकोला, दि. ४ : सामाजिक न्याय व अधिकारिता मंत्रालय, भारत सरकार यांच्या 'सपोर्ट फॉर मार्जिनलाईज्ड इंडिव्हिज्युअल्स फॉर लाईव्हलीहुड अँड एंटरप्राइज (स्माईल) या केंद्रीय क्षेत्र योजनेअंतर्गत तृतीयपंथीयांच्या शिक्षणासाठी शिष्यवृत्ती तसेच स्वयंरोजगार व व्यवसायासाठी बीजभांडवल योजना राबविण्यात येत आहे. पात्र लाभार्थ्यांनी या योजनांचा लाभ घ्यावा, असे आवाहन करण्यात आले आहे. योजनेचे निकष, अटी व लाभाचे स्वरूप : शासनमान्य अथवा खासगी शाळा, महाविद्यालये व विद्यापीठांमध्ये इयत्ता नववीपासून पदव्युत्तर पदवीपर्यंत शिक्षण घेणाऱ्या तृतीयपंथीय विद्यार्थ्यांना या योजनेचा लाभ दिला जाणार आहे. अर्जदार हा भारतीय नागरिक असणे तसेच सामाजिक न्याय व अधिकारिता मंत्रालयाच्या राष्ट्रीय तृतीयपंथी पोर्टलवरून जारी करण्यात आलेले तृतीयपंथी ओळख प्रमाणपत्र असणे आवश्यक आहे. विद्यार्थ्यांनी https://transgender.dosje.gov. in या राष्ट्रीय पोर्टलवर नोंदणी करून ऑनलाइन अर्ज सादर करावा. शिष्यवृत्तीची संख्या मर्यादित असल्याने मागील शैक्षणिक वर्षातील गुणांच्या आधा...

  रेल्वे पोलीस स्टेशन, अकोला येथील जप्त मुद्देमालाचा १० ऑगस्ट रोजी जाहीर लिलाव अकोला, दि. ४ : रेल्वे पोलीस स्टेशन, अकोला येथे विविध गुन्ह्यांमधील जप्त मुद्देमाल दीर्घकाळापासून मालखान्यात ठेवण्यात आलेला आहे. संबंधित मुद्देमालाच्या मूळ मालकांचा शोध घेण्यासाठी सर्वतोपरी प्रयत्न करण्यात आले. मात्र, आजपर्यंत मूळ मालकांचा शोध लागलेला नसल्याने सदर मुद्देमालाची नियमानुसार विल्हेवाट लावण्याची कार्यवाही करण्यात येत आहे. याबाबत न्यायालय तसेच उपविभागीय दंडाधिकारी यांच्याशी पत्रव्यवहार करण्यात आला असून त्यांच्या आदेशानुसार संबंधित मुद्देमालाची नियमानुसार विल्हेवाट लावण्यासाठी जाहिर लिलाव आयोजित करण्यात आला आहे. त्यानुसार सोमवार, दि. १० ऑगस्ट २०२६ रोजी सकाळी ११ वाजता रेल्वे पोलीस स्टेशन, अकोला येथे सोबतच्या यादीतील मुद्देमालाचा जाहिर लिलाव करण्यात येणार आहे. या लिलावात इच्छुक नागरिकांनी सहभागी व्हावे, असे आवाहन रेल्वे पोलीस स्टेशन, अकोला यांच्या वतीने करण्यात आले आहे. --

  मुख्यमंत्री सहाय्यता निधीमुळे शक्य झाले यकृत प्रत्यारोपण पत्नीच्या यकृतदानातून पतीला मिळाले नवजीवन अकोला दि.4 :  आर्थिक परिस्थिती प्रतिकूल असल्यामुळे यकृत प्रत्यारोपणाचा खर्च उचलणे अशक्य झाले होते. उपचारासाठी तब्बल २५ ते ३० लाख रुपयांची आवश्यकता असताना मुख्यमंत्री वैद्यकीय सहाय्यता निधी आणि टाटा ट्रस्टच्या आर्थिक मदतीमुळे अकोला येथील प्रशांत इंगळे (वय ४७) यांच्यावर मुंबईतील नानावटी रुग्णालयात यशस्वी यकृत प्रत्यारोपण करण्यात आले. या प्रत्यारोपण शस्त्रक्रियेत त्यांच्या पत्नी वर्षा इंगळे यांनी स्वतःच्या यकृताचा काही भाग दान करून पतीला नवजीवन दिले. मुख्यमंत्री देवेंद्र फडणवीस यांच्या मार्गदर्शनाखाली मुख्यमंत्री वैद्यकीय सहाय्यता निधीतून प्रशांत इंगळे यांच्यासाठी २ लाख रुपयांची मदत मंजूर करण्यात आली. तसेच मुख्यमंत्री वैद्यकीय सहाय्यता निधी व धर्मादाय रुग्णालय मदत कक्षाच्या सातत्यपूर्ण पाठपुराव्यामुळे टाटा ट्रस्टकडून १९ लाख ६० हजार रुपयांची आर्थिक मदतही उपलब्ध झाली. त्यामुळे एकूण २१ लाख ६० हजार रुपयांचा निधी उभारला गेला आणि अत्यंत खर्चिक असलेले यकृत प्रत्यारोपण शक्य झाले. प्रशांत ...