अकोला संवाद - जिल्हा माहिती कार्यालय अकोला

 कृषी यांत्रिकीकरण योजनेत  बी.बी.एफ. पेरणी यंत्रासाठी अर्ज करावा   अधिक्षक कृषी अधिकाऱ्यांचे आवाहन अकोला, दि. ६ : अल-निनो च्या पार्श्वभूमीवर खरीप हंगाम २०२६ मध्ये सोयाबीन, तूर, मुंग व उडीद पिकाच्या पेरणीत सुलभता आणण्यासाठी, बियाण्याची बचत व उत्पादन वाढ करण्याच्या हेतूने बी.बी.एफ. पेरणी यंत्र यांचा कृषी यांत्रिकीकरण अभियानातंर्गत समावेश करण्यात आला आहे.  वैयक्तिक शेतकरी किंवा शेतकरी गट हे याबाबिच्या अनुदानासाठी पात्र राहतील. बी.बी.एफ.पेरणी यंत्र (ट्रॅक्टर ३५ बी.एच.पी. वरील) खरेदीसाठी अनुसूचित जाती / अनुसूचित जमाती /महिला/अल्प/अत्यल्प शेतकरी यांना ५५ हजार रुपये प्रति यंत्र किंवा किमतीच्या ५० टक्के या पैकी जे कमी असेल ते व सर्वसाधारण/मोठे शेतकरी यांना ४४ हजार रुपये प्रति यंत्र किंवा किमतीच्या ४० टक्के या पैकी जे कमी असेल ते याप्रमाणे अनुदान अनुज्ञेय राहील. याबाबीची अंमलबजावणी कृषी यांत्रिकीकरण उपभियान (SMAM) मार्गदर्शक सूचनांनुसार करावी.  यासाठी उपरोल्लेखित केल्याप्रमाणे महाडीबीटी प्रणालीवर या बाबीच्या लाभासाठी (https://mahadbtmahait.gov.in) या वेबसाईटवर जाऊन ...

    प्रधानमंत्री इंटर्नशिप योजनेअंतर्गत मोठ्या कंपन्यांत कामाचा अनुभव : तरुणांसाठी संधी अकोला, दि. ४ : देशातील तरुणांना मोठ्या उद्योगांमध्ये प्रत्यक्ष कामाचा अनुभव मिळावा, कौशल्य विकासाला चालना मिळावी आणि रोजगारक्षमतेत वाढ व्हावी, या उद्देशाने केंद्र सरकारने प्रधानमंत्री इंटर्नशिप योजना सुरू केली आहे. या योजनेअंतर्गत देशातील नामांकित कंपन्यांमध्ये इंटर्नशिपची संधी उपलब्ध होणार असून दरमहा विद्यावेतन आणि इंटर्नशिपनंतर प्रमाणपत्रही दिले जाणार आहे. अशी आहे प्रधानमंत्री इंटर्नशिप योजना? केंद्र सरकारची ही महत्त्वाकांक्षी योजना आहे. तरुणांना नामांकित मोठ्या कंपन्यांमध्ये ६ ते ९ महिन्यांची इंटर्नशिप मिळणार आहे. यामुळे त्यांना कामाचा अनुभव, कौशल्य विकास आणि रोजगाराच्या संधी वाढवण्यासाठी मदत होईल. योजनेचा उद्देश देशात कुशल मनुष्यबळ निर्माण करणे हा आहे. आघाडीच्या कंपन्यांत इंटर्नशिपची संधी देशातील नामांकित व आघाडीच्या कंपन्यांमध्ये प्रशिक्षण उपलब्ध करून देण्यात येणार आहे. उत्पादन, ऑटोमोबाईल, आयटी, बँकिंग, वित्त, रिटेल आदी क्षेत्रांमध्ये संधी मिळणार आहे. उद्योगातील प्रत्यक्ष ...

जनगणनेच्या बनावट अर्जापासून सावधान  जनगणना २०२७ च्या अनुषंगाने सध्या सोशल मीडियावर एक अर्ज मोठ्या प्रमाणात व्हायरल होत आहे. तो बनावट आणि अनधिकृत आहे. #FactCheck #DGIPRFactCheck जनगणना २०२७ च्या पहिल्या टप्प्यांतर्गत, नागरिकांनी खालील दोन अधिकृत माध्यमांतूनच ३३ अधिसूचित प्रश्नांची माहिती देणे आवश्यक आहे. १. स्व नोंदणी - नागरिक https:// se.census.gov.in या संकेतस्थळावर माहिती भरू शकतात. फॉर्म सबमिट केल्यानंतर मिळालेला 'SE ID' त्यानंतर येणाऱ्या प्रगणक भेटीदरम्यान पडताळला जाईल. २. थेट माहिती देणे - दि. १६.०५.२६ ते १४.०६.२६ या कालावधीत आपल्या घरी येणाऱ्या अधिकृत प्रगणकांकडे प्रत्यक्ष माहिती देऊन नोंदणी करता येईल. सोशल मीडिया किंवा इतर प्लॅटफॉर्मवर फिरणाऱ्या कोणत्याही अनधिकृत अर्जांद्वारे, लिंकद्वारे किंवा अनोळखी व्यक्तींना आपली वैयक्तिक माहिती देऊ नका. #जनगणना२०२७ #Census2027 #SelfEnumeration #IndiaCensus2027

  तालुका स्तरावर अधिकृत सोनोग्राफी केंद्रे चाळीस इतरत्र सोनोग्राफी होत असल्यास कळविण्याचे आवाहन; बक्षीसाची तरतूद अकोला, दि. ४ : जिल्ह्यातील तालुका स्तर व ग्रामीण भागात पीसीपीएनडीटी कायद्यान्वये ४० सोनोग्राफी केंद्रे नोंदणीकृत आहेत. त्याव्यतिरिक्त इतर कुठेही सोनोग्राफी होत असल्यास संबंधितांनी त्याची माहिती द्यावी, असे आवाहन जिल्हा शल्यचिकित्सक डॉ. आरती कुलवाल यांनी केले आहे. अवैध गर्भपात किंवा गर्भधारणापूर्व किंवा प्रसुतीपूर्व गर्भलिंग निदान होत असल्यास टोल फ्री क्रमांक १८०० २३३ ४४७५ किंवा १०४ वर किंवा https://amchimulgimaha.in वर कळविण्यात यावे. अशा प्रकरणी   संबंधितांविरुद्ध गुन्हा दाखल झाल्यास खबरी बक्षीस योजनेअंतर्गत माहिती देणा-यास १ लक्ष रू. बक्षीस शासनातर्फे देण्यात येईल, असे डॉ. कुलवाल यांनी सांगितले. ही आहेत ४० अधिकृत सोनोग्राफी केंद्रे अकोटमध्ये गीताई हॉस्पिटल, लोखंडे हॉस्पिटल, केला रूग्णालय, श्रीकृपा मल्टिस्पेशालिटी हॉस्पिटल, गावंडे चिल्ड्रेन हॉस्पिटल, अमृतेष हॉस्पिटल, वानखडे हॉस्पिटल, अकोट ग्रामीण रूग्णालय, श्री सिद्धीविनायक सोनोग्राफी क्लिनीक, विदर्भ सोन...

  मुख्य टपाल कार्यालयाची वेळ आता सायं. साडेसातपर्यंत अकोला, दि. ४ : नोकरदार, व्यावसायिक व विद्यार्थ्यांना कार्यालयीन वेळेतील अडचण, तसेच तीव्र तापमान लक्षात घेऊन बसस्थानकासमोरील अकोला मुख्य टपाल कार्यालयाची वेळ सायंकाळी ७.३० वा. पर्यंत वाढविण्यात आली आहे. टपाल सेवा संचालक डॉ. सुधीर जाखेरे यांच्या मार्गदर्शनात हा बदल करण्यात आला आहे. या विस्तारित वेळेत बचत खात्यातील व्यवहार, नवीन खाते उघडणे, पोस्टाच्या सर्व बचतसंबंधीची कामे होतील. नोकरदार व इच्छूकांना कामावरून घरी परतताना आपले आर्थिक व्यवहार पूर्ण करता येणे शक्य होणार आहे, अशी माहिती प्रवर डाकपाल श्रीमती संगीता यांनी दिली. ०००

   जलयुक्त शिवार अभियान २.० पालकमंत्र्यांच्या हस्ते चांगेफळ येथे कोल्हापुरी बंधा-याचे भूमिपूजन ग्रा. पं. कार्यालय, पाणीपुरवठा योजनेचे लोकार्पण अकोला, दि. १ : जलयुक्त शिवार अभियान २.० द्वारे महाराष्ट्र राज्य टंचाईमुक्त करण्याचा राज्य शासनाचा निर्धार आहे. चांगेफळ येथे मोर्णा नदीवर प्रस्तावित कोल्हापुरी बंधा-यामुळे गावासाठी सिंचनाची सोय निर्माण होणार आहे, असे प्रतिपादन राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी आज येथे केले. अकोला तालुक्यातील चांगेफळ येथे कोल्हापुरी पद्धत बंधा-याचे भूमिपूजन, तसेच ग्रामपंचायत कार्यालय, पाणीपुरवठा योजनेचे लोकार्पण पालकमंत्र्यांच्या हस्ते झाले, त्यावेळी ते बोलत होते. खासदार अनुप धोत्रे, आमदार रणधीर सावरकर, जिल्हा जलसंधारण अधिकारी अमोल मस्कर आदी उपस्थित होते. पालकमंत्री ॲड. फुंडकर म्हणाले की, जलयुक्त शिवार अभियान शासकीय यंत्रणा व ग्रामस्थ, शेतकरी यांच्या समन्वयाने राबविले जात असून, महाराष्ट्राला शाश्वत सिंचनाकडे नेणे हे त्याचे मुख्य ध्येय आहे. बंधा-यामुळे गावात पाणी उपलब्धता वाढून पेयजलाबरोबरच सिंचनासाठीही लाभ होणार आहे. क...

  महाराष्ट्र राज्याचा ६७ वा स्थापना दिन; पालकमंत्र्यांच्या हस्ते राष्ट्रध्वज वंदन विकसित भारताच्या उभारणीत महाराष्ट्राचे योगदान महत्त्वपूर्ण ठरेल . पालकमंत्री ॲड. आकाश फुंडकर महाराष्ट्रात व्यापक विकासाचे पर्व सुरू अकोला, दि. १ : 'विकसित भारत २०४७'च्या ध्येयाला जोडून घेत महाराष्ट्र राज्य अनेक लोककल्याणकारी योजना आणि ठोस निर्णयांच्या माध्यमातून व्यापक प्रगतीकडे दमदार पावले टाकत आहे. विकसित भारताच्या उभारणीत महाराष्ट्राचे योगदान महत्त्वपूर्ण ठरेल, असे प्रतिपादन राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी आज येथे केले.   महाराष्ट्र राज्याच्या ६७ व्या स्थापना दिनानिमित्त मुख्य शासकीय समारंभ लालबहादुर शास्त्री क्रीडांगण येथे झाला. यावेळी पालकमंत्र्यांच्या हस्ते राष्ट्रध्वज वंदन झाले. राष्ट्रीय गीत वंदे मातरम, राष्ट्रगीत, महाराष्ट्र गीत, राष्ट्रध्वज वंदन, पथसंचलन, चित्ररथ प्रदर्शन आदी कार्यक्रम झाला. आमदार अमोल मिटकरी, माजी आमदार वसंतराव खोटरे, प्र. जिल्हाधिकारी दिलीप स्वामी, जि.प. मुख्य कार्यकारी अधिकारी अनिता मेश्राम, पोलीस अधीक्षक अर्चित चांड...

  शासकीय जमिनीवरील निवासी अतिक्रमणे नियमित करण्याचा निर्णय; ३१ डिसेंबरपर्यंत अर्ज करण्याचे आवाहन   अकोला, दि. २८ : राज्यातील गरीब व गरजू कुटुंबांच्या निवासस्थानाचा प्रश्न कायमस्वरूपी मार्गी लावण्यासाठी महाराष्ट्र शासनाने अत्यंत महत्त्वपूर्ण आणि दिलासादायक निर्णय घेतला आहे. महसूल व वन विभागाने निर्गमित केलेल्या शासन निर्णयानुसार राज्यातील बृहन्मुंबई वगळता इतर सर्व जिल्ह्यांमधील शासकीय जमिनींवरील ०१ जानेवारी २०११ रोजी किंवा त्यापूर्वीची निवासी अतिक्रमणे काही विशिष्ट अटी व शर्तीवर नियमित करण्यात येणार आहेत.   निर्णयाची ठळक वैशिष्ट्येः   पात्रताः ज्या नागरिकांनी ०१ जानेवारी २०११ रोजी किंवा त्यापूर्वी शासकीय जमिनीवर केवळ निवासासाठी अतिक्रमण केले आहे आणि जे सध्या तिथे वास्तव्यास आहेत, अशीच अतिक्रमणे नियमित केली जातील.   क्षेत्रफळ व शुल्कः ५०० चौ. फुटांपर्यंतचे निवासी अतिक्रमण विनामूल्य नियमित केले जाईल.   ५०० ते १५०० चौ. फुटांपर्यंतच्या क्षेत्रासाठी पहिल्या ५०० चौ. फुटांनंतरच्या अतिरिक्त क्षेत्रावर प्रचलित बाजारमूल्याच्या १०% रक्कम आकारली जाईल.   १५०० चौ. फु...

  जनगणना 2027 प्रगणकांना सहकार्य करण्याचे जिल्हाधिका-यांचे आवाहन   अकोला, दि. २८ : जिल्ह्यात दिनांक 1 मे ते 15 मे दरम्यान 'स्व-गणना' व त्यानंतर प्रगणकांमार्फत दि. 16 मे ते 14 जूनदरम्यान घरोघरी जाऊन माहिती संकलन केली जाणार आहे. प्रगणकांना अचूक माहिती सहकार्य करण्याचे आवाहन जिल्हाधिकारी तथा प्रधान जनगणना अधिकारी वर्षा मीना यांनी केले आहे.   जिल्हाधिकारी श्रीमती मीना म्हणाल्या की, "जनगणना हे राष्ट्रीय कार्य आहे. आपल्या एका अचूक माहितीवर पुढील 10 वर्षांसाठी जिल्ह्याच्या शाळा, दवाखाने, रस्ते, पाणीपुरवठा योजना, रेशन व्यवस्था व इतर विकासकामांचे नियोजन अवलंबून आहे. जनगणना 2027 मध्ये पहिल्यांदाच स्व-गणना म्हणजे नागरिक स्वतः मोबाईल‌द्वारे माहिती भरू शकतात. दिनांक 1 ते 15 मे 2026 दरम्यान https://se.census.gov.in या वेबसाईटवर माहिती भरावी. ज्यांनी स्व-गणना केली नसेल तरीसुध्दा त्यांच्या घरी शासनाचा अधिकृत प्रगणक येईल. नागरिकांना विनंती करण्यात येते की, घरी येणाऱ्या प्रगणकाकडे शासनाचे ओळखपत्र व नियुक्ती पत्र असेल. ते खात्री करूनच माहिती द्यावी, कुटुंबातील सर्व सदस्यांचे नाव...

  जिल्हाधिकारी कार्यालयात सेवा हक्क दिन साजरा लाभार्थी प्रमाणपत्रांचे वितरण नागरिकांना विहित कालमर्यादेत सेवा पुरवाव्यात  -निवासी उपजिल्हाधिकारी गजेंद्र मालठाणे अकोला, दि. २८ : नागरिकांच्या सेवेसाठी तत्पर, जबाबदार आणि पारदर्शक प्रशासन ही संकल्पना डोळ्यासमोर ठेवून वाटचाल व्हावी. नागरिकांना सेवा पुरविताना विहित कालमर्यादेचे पालन व्हावे, असे प्रतिपादन निवासी उपजिल्हाधिकारी गजेंद्र मालठाणे यांनी आज येथे केले. लोकसेवा हक्क दिनानिमित्त कार्यक्रम जिल्हाधिकारी कार्यालयातील काटेपूर्णा सभागृहात झाला, त्यावेळी ते बोलत होते. जिल्हा शल्य चिकित्सक डॉ. आरती कुलवाल, जिल्हा उद्योग केंद्राचे महाव्यवस्थापक संतोष बनसोड, जलसंधारण अधिकारी सचिन वानरे, अधिक्षक श्याम धनमने, समाजकल्याण सहायक आयुक्त मारोती वाठ आदी उपस्थित होते.   यावेळी विविध विभागांच्या ऑनलाइन सेवांचा आढावा घेण्यात आला. नागरिकांना वेळेत व पारदर्शक पद्धतीने शासकीय सेवा देण्यासाठी वचनबद्ध राहण्याची लोकसेवा हक्क शपथ अधिकारी व कर्मचाऱ्यांनी यावेळी घेतली. पारदर्शकता, तत्परता व लोकाभिमुखता ही त्रिसुत्री आपल्या कामात अवलंबवावी, असे...